சில்லறை பணவீக்கம் 25 மாத சரிவு.. NSO வெளியிட்ட முக்கிய அறிவிப்பு..!

மே மாதம் இந்தியாவின் சில்லறை பணவீக்கம் யாரும் எதிர்பார்க்காத வகையில் 25 மாத சரிவுக்கு வந்துள்ளது.

மே மாதம் Retail Inflation 4.25 சதவீதமாக குறைந்துள்ளது என மத்திய அரசு கட்டுப்பாட்டில் இயங்கும் தேசிய புள்ளியில் அலுவலகம் ஜூன் 12 ஆம் தேதி மாலை அதிகாரப்பூர்வ தரவுகளை வெளியிட்டது.

இதேபோல் இந்தியாவின் தொழிற்துறை உற்பத்தி அளவு ஏப்ரல் மாதத்தில் தடாலடியாக 4.2 சகவீதம் வளர்ச்சி அடைந்துள்ளது, இது மார்ச் மாதம் 1.1 சதவீதமாக உயர்ந்துள்ளது.

இந்திய ரிசர்வ் வங்கியின் பணிவீக்க இலக்கு 4 முதல் 6 சதவீதத்திற்குள் கொண்டு வரவேண்டும் என்பது தான், சில மாதங்களுக்கு முன்பு ரீடைல் பணவீக்கம் 6 சதவீதத்திற்கு மேல் இருந்த வேளையில் ஆர்பிஐ ரெப்போ விகிதத்தை சுமார் 2.5 சதவீதம் வரையில் உயர்த்தியது. ரெப்போ விகிதம் தற்போது பலன் கொடுத்துள்ளது என்றால் மிகையில்லை.

மே மாதம் Retail Inflation 4.25 சதவீதமாக குறைந்துள்ளது வியக்க வைக்கும் விஷயமாக மட்டும் அல்லாமல் விலைவாசி உயர்வு கட்டுக்குள் கொண்டுவரப்பட்டு உள்ளதை காட்டுகிறது. இதை வைத்து தான் ஆர்பிஐ கடந்த 2 நாணய கொள்கை கூட்டத்தில் ரெப்போ விகிதத்தை உயர்த்தாமல் பழைய வட்டி விகிதத்தையே அறிவித்தது.

ஏப்ரல் மாதம் சில்லறை பணவீக்கம் 18 மாத சரிவான 4.70 சதவீதமாக குறைந்தது, மார்ச் மாதத்தில் இது 5.66 சதவீதமாக இருந்தது குறிப்பிடத்தக்கது. சில்லறை பணவீக்கத்தில் முக்கிய பங்கீட்டை கொண்டுள்ள உணவு பணவீக்கம் 3.84 சதவீதத்தில் 2.91 சதவீதமாக மே மாதத்தில் குறைந்துள்ளது.

மேலும் ஊரக பணவீக்கம் ஏப்ரல் மாதம் 4.27 சதவீதத்தில் இருந்து 4.17 சதவீதமாக குறைந்துள்ளது. உணவு பொருட்களின் விலை உயர்வு சில்லறை பணவீக்கத்தை நேரடியாகவும், அதிகமாகவும் பாதிக்கும். இதேபோல் உணவு பொருட்களின் விலை என்பது பருவமழை மற்றும் விளைசல்-யும் சார்ந்து உள்ளது.

இந்தியாவின் மொத்த உள்நாட்டு உற்பத்தி 2022-23 ஆம் நிதியாண்டில் 7.2 சதவீதமாக மதிப்பிட்டுள்ளது மத்திய புள்ளியியல் மற்றும் திட்ட அமைச்சகம். 2023 ஆம் ஆண்டு மே மாதத்தில் மத்திய அரசின் சரக்கு மற்றும் சேவை வரி வசூல் வருடாந்திர அடிப்படையில் 12 சதவீதம் அதிகரித்து 1.57 லட்சம் கோடியாக உயர்ந்து உள்ளது.

இந்தியாவின் உற்பத்தி PMI குறியீடு எப்போதும் இல்லாத வகையில் 31 மாத உயர்வை மே மாதம் எட்டியுள்ளது. ஏப்ரல் மாதம் 57.2 ஆக இருந்து உற்பத்தி PMI குறியீடு மே மாதம் 58.7 ஆக உயர்ந்து உச்சத்தை தொட்டு உள்ளது. இந்தியாவிலும், உலக நாடுகளிலும் தேவை அதிகரித்த காரணத்தால் இந்தியாவின் உற்பத்தி துறை வேகமாக வளர்ச்சி அடைந்து வருகிறது.

2023 ஆம் ஆண்டில் இந்திய பொருளாதாரம் 3.75 டிரில்லியன் டாலர் மதிப்பீட்டு உயர்ந்து உலகளவில் 5வது பெரிய பொருளாதார நாடாக உயர்ந்துள்ளது. இந்தியாவுக்கு கீழ் பிரிட்டன் 3.159 டிரில்லியன் டாலர், பிரான்ஸ் 2.924 டிரில்லியன் டாலர், கனடா 2,089 டிரில்லியன் டாலர், ரஷ்யா 1.840 டிரில்லியன் டாலர், ஆஸ்திரேலியா 1.550 டிரில்லியன் டாலர் உடன் உள்ளது.