ஜப்பான் நாட்டின் இளம் யூடியூப் பில்லியனர்.. வியக்க வைக்கும் வளர்ச்சி..!

யூடியூபர்கள்

உலக நாடுகளில் இருக்கும் யூடியூபர்கள் வேறு, ஜப்பான் நாட்டில் இருக்கும் யூடியூபர்கள் மொத்தமாக வேறு. ஜப்பான் நாட்டின் யூடியூபர்க்ள் பெறும்பலானவர்கள் லைவ் ஸ்ட்ரீம் செய்பவர்கள், அதிலும் குறிப்பாக விர்ச்சுவல் கேரக்டர்களைக் கொண்டு லைவ் ஸ்ட்ரீம் செய்பவர்கள்.

ஜப்பான் யூடியூபர்கள்

இதை மையப்படுத்தி உருவாக்கப்பட்ட வர்த்தகம், திறமையாளர்களின் ஏஜென்சியை உருவாக்கிய Riku Tazumi இன்று ஜப்பான் நாட்டின் இளம் பில்லியனராக உருவெடுத்துள்ளார். 2021 ஆம் ஆண்டு டோக்கியோ நகரத்தை சேர்ந்த 21 வயதான Riku Tazumi என்பவர் Ichikara என்னும் நிறுவனத்தை உருவாக்கினார்.

விர்ச்சுவல் யூடியூபர்கள்

ஜப்பான் நாட்டில் வெற்றிகரமாக இருக்கும் விர்ச்சுவல் யூடியூபர்கள் அதாவது அனிமேட்டெட் உருவங்களைக் கொண்டு லைவ் ஸ்ட்ரீம் செய்யும் யூடியூபர்களை ஒன்றாக இணைக்கும் ஏஜென்சியை உருவாக்கி வெற்றிகரமான பொழுதுபோக்கு நிறுவனமாக மாற்றினார்.

Riku Tazumi நிறுவனம்

Ichikara நிறுவனத்தின் வர்த்தக மாடல் பெரிய அளவிலான தாக்கத்தையும், வருமானத்தையும் யூடியூபர்கள் மத்தியில் உருவாக்கியது. இதன் வாயிலாக வேகமாக வளர்ச்சி அடையத் துவங்கிய பங்குச்சந்தையில் இறங்க முடிவு செய்தது. இதனால் Ichikara என்ற பெயரை Anycolor Inc என்று மாற்றியது.

டோக்கியோ ஸ்டாக் எக்ஸ்சேஞ்ச்

2022 ஜூன் மாதம் டோக்கியோ ஸ்டாக் எக்ஸ்சேஞ்ச்-ல் பட்டியலிடப்பட்ட Anycolor Inc ஐபிஓ வெளியிட்டு சுமார் 8 மடங்கு வளர்ச்சி அடைந்துள்ளது. சுமாப் 370 பில்லியன் யென் அதாவது 2.5 பில்லியன் டாலராக மதிப்பிடப்படும் நிறுவனத்தில் 45 சதவீத பங்குகளை வைத்துள்ளார் Riku Tazumi.

1.1 பில்லியன் டாலர் சொத்து மதிப்பு

இதன் மூலம் Riku Tazumi சொத்து மதிப்பு 1.1 பில்லியன் டாலராக உயர்ந்து ஜப்பான் நாட்டின் இளம் யூடியூப் பில்லியனர் என்ற பெயரை எடுத்துள்ளார். அமெரிக்க டாலருக்கு எதிரான ஜப்பான் யென் மதிப்பு பல தசாப்தங்களுக்குக் குறைவாக உள்ள போதும், ரெசிஷன் அச்சம் அதிகமாக உள்ள போதிலும் Riku Tazumi உருவாக்கிய Anycolor Inc நிறுவனம் 8 மடங்கு வளர்ச்சி அடைந்துள்ளது குறிப்பிடத்தக்கது.