முகேஷ் அம்பானி வைத்திருக்கும் 'சர்பிரைஸ்'.. ஜூன் 24 ரிலையன்ஸ் இண்டஸ்ட்ரீஸ் AGM..!

இந்திய முதலீட்டாளர்களின் திருவிழாவாக விளங்கும் முகேஷ் அம்பானியின் ரிலையன்ஸ் இண்டஸ்ட்ரீஸ் குழுமத்தின் வருடாந்திர கூட்டம் நாளை நடைபெற உள்ளது.

இக்கூட்டத்தில் கடந்த ஒரு வருடத்தில் ரிலையன்ஸ் குழுமத்தின் பங்கு, வருவாய், லாபம் வளர்ச்சிகள் குறித்துப் பேசப்படுவது மட்டும் அல்லாமல் இந்நிறுவனத்தின் எதிர்காலத் திட்டங்கள் குறித்து அறிவிக்கப்படும்.

இந்நிலையில் ஜூன் 24ஆம் தேதி மதியம் 2 மணிக்கு ரிலையன்ஸ் இண்டஸ்ட்ரீஸ் குழுமத்தின் வருடாந்திர கூட்டம் நடைபெற உள்ளது.

ரிலையன்ஸ் குழும வருடாந்திர கூட்ட

ரிலையன்ஸ் குழும வருடாந்திர கூட்டத்தின் முன்பும் பின்பும் முதலீட்டாளர்களுக்குப் பெரிய லாபத்தை அளித்து வருகிறது. இதனால் தற்போது ரிலையன்ஸ் இண்டஸ்ட்ரீஸ் குழுமத்தின் வருடாந்திர கூட்டம் மிக முக்கியமானதாக விளங்குகிறது.

உதாரணமாக 2019 கூட்டத்தில் முடிவில் ரிலையன்ஸ் பங்குகள் சுமார் 9.72 சதவீதம் வளர்ச்சி அடைந்து வருகிறது.

5ஜி சேவை திட்டம்

வெள்ளிக்கிழமை நடக்க உள்ள ரிலையன்ஸ் இண்டஸ்ட்ரீஸ் குழுமத்தின் வருடாந்திர கூட்டத்தில் ரிலையன்ஸ் ஜியோ நிறுவனத்தின் 5ஜி சேவை முக்கியப் பங்கு வகிக்கும் என எதிர்பார்க்கப்படுகிறது. ஏற்கனவே 5ஜி சேவை சோதனை செய்து வரும் ரிலையன்ஸ் ஜியோ இக்கூட்டத்தில் 5ஜி சேவை அறிமுக நாள் வெளியிடும் என எதிர்பார்க்கப்படுகிறது.

ஏர்டெல், வோடபோன் ஐடியா அறிவிப்புகள்

இந்நிலையில் ஜியோவின் அறிவிப்பு முன்னதாகவே ஏர்டெல் டாடா உடனும், வோடபோன் ஐடியா - சிஸ்கோ நிறுவனத்துடன் 5ஜி சேவைக்காகக் கூட்டணி சேர உள்ளதாக அறிவித்துள்ளது. இதன் மூலம் நாளை ரிலையன்ஸ் ஜியோ-வின் அறிவிப்பின் தாக்கத்தைக் குறைக்க முடியும் என எதிர்பார்க்கப்படுகிறது.

கூகிள், ஜியோ பட்ஜெட் ஸ்மார்ட்போன்

ரிலையன்ஸ் ஜியோவும் கூகுள் நிறுவனம் இணைந்து இந்தியாவில் மலிவு விலையில் ஸ்மார்ட்போன்-ஐ அறிமுகம் செய்யத் திட்டமிட்டு, அதற்கான பணிகள் முடிந்துள்ள நிலையில், 50 டாலர் அதாவது 4000 ரூபாய்க்குக் கீழ் உருவாக்கப்பட்டு உள்ள இந்தப் பட்ஜெட் ஸ்மார்ட்போன் குறித்து அறிவிப்பு வெளியாக அதிகளவிலான வாய்ப்பு உள்ளது.

முக்கிய அறிவிப்புகள் வரலாம்

இதைத் தாண்டி கூட்டத்தில் அதிகம் எதிர்பார்க்கப்படும் சில முக்கிய அறிவிப்புகளின் பட்டியல்

1. சவுதி ஆராம்கோ உடன் 20 சதவீத பங்கு விற்பனை திட்டம்

2. ஜியோ IoT பிளாட்பர்ம் அறிமுகம் செய்யப்படலாம். இதன் மூலம் 20000 கோடி ரூபாய் அளவிலான வர்த்தகத்தைப் பெற முடியும் எனக் கணிக்கப்பட்டு உள்ளது.

3. ஜியோ பைபர் மற்றும் ஜியோ செட் டாப் பாக்ஸ் அறிமுகம்

4. ஜியோ சேவையை மேம்படுத்த 14 நிறுவனங்கள் கைப்பற்றியுள்ளது முகேஷ் அம்பானி தலைமையிலான ரிலையன்ஸ் இண்டஸ்ட்ரீஸ்.

5. ஜியோ - மைக்ரோசாப்ட் நீண்ட கூட்டணி குறித்த திட்டம் விரிவாக்கம்

டெலிகாம் கட்டணம்
டெலிகாம் கட்டணம் உயர்வு

இக்கூட்டத்தில் டெலிகாம் சேவையின் கட்டண உயர்வு குறித்த அறிவிப்போ அல்லது அதற்கான சிக்னல்-ஓ கட்டாயம் இருக்கும் என எதிர்பார்க்கப்படுகிறது. இது ஜியோ வாடிக்கையாளர்களுக்குச் சோகமாக விஷயமாக இருந்தாலும் முதலீட்டாளர்களுக்கு மகிழ்ச்சியான செய்தி.