ரூ.10,000 முதலீடு.. 20 வருடத்தில் ரூ.1 கோடி வருமானம்.. இப்படி ஒரு பங்கு இருக்கா?

பங்கு வர்த்தகத்தை பொறுத்தவரை நீண்ட கால முதலீட்டில் பல மேஜிக் நடக்கும் என்பதை அவ்வப்போது பார்த்து வருகிறோம்.

முதலீடு செய்ய வேண்டும் என்று முடிவு செய்து விட்டால் நீண்ட காலத்தில் நல்ல பங்கில் முதலீடு செய்தால் சிறிய தொகை கூட லட்சக்கணக்கில், கோடிக்கணக்கில் வருமானம் கொடுக்கும் என்பது நிதி ஆலோசகர்களின் கருத்தாக உள்ளது.

அந்த வகையில் கடந்த 20 ஆண்டுகளுக்கு முன்னால் வெறும் ரூ.10,000 முதலீடு செய்த பங்கு இன்று ஒரு கோடி ரூபாய்க்கும் அதிகமாக வருவாய் கொடுத்திருக்கிறது என்று கூறினால் நம்ப முடியுமா? அப்போது பங்கு குறித்து தற்போது பார்ப்போம்.

பஜாஜ் ஃபைனான்ஸ் பங்குகள்

ரூ.10,000 முதலீட்டில் ரூ.1 கோடி வருவாய் கொடுத்த பங்கு இதுதான். இந்த பங்கு கிட்டத்தட்ட 20 ஆண்டுகளில் மிக வலுவான வருமானத்தை கொடுக்கும் ஒரு பங்காக மாறி உள்ளது. ஜூலை 05, 2002 அன்று NSE இல் பஜாஜ் ஃபைனான்ஸ் பங்கு ரூ 5.75 ஆக இருந்தது, இன்று ரூ 7115 என உள்ளது. சரியாக 20 ஆண்டுகளில் இந்தப் பங்கு 123,639.13 சதவீத வளர்ச்சியை எட்டியுள்ளது. அதாவது, முதலீட்டாளர்களின் பணத்தை 1236 மடங்குக்கு மேல் சம்பாதித்தது. இதன் மூலம் வெறும் 10,000 ரூபாய் முதலீட்டாளர்கள் 1.23 கோடி ரூபாய்க்கும் அதிகமாகி பணக்காரர்களாகிவிட்டனர்.

10 வருட வருமானம்

பஜாஜ் ஃபைனான்ஸ் பங்குகள் 10 ஆண்டுகளில் மிக வலுவான வருமானத்தை கொடுக்கும் ஒரு பங்கு என்பது குறிப்பிடத்தக்கது. செப்டம்பர் 28, 2012 அன்று NSE இல் பங்கு ரூ.117.98 ஆக இருந்தது. இன்று அது ரூ.7115 ஆக உள்ளது. 10 ஆண்டுகளில் இந்த பங்கு 5930.68 சதவீத வளர்ச்சியை எட்டியுள்ளது. அதாவது, முதலீட்டாளர்களின் பணத்தை 59 மடங்குக்கு மேல் சம்பாதித்து கொடுத்துள்ளது. அதாவது இந்த பங்கு முதலீட்டாளர்களின் ரூ.1 லட்சத்தை ரூ.60 லட்சமாக உயர்த்தியது.

5 வருட வருமானம்

அதேபோல் பஜாஜ் ஃபைனான்ஸ் பங்கு 5 ஆண்டுகளில் மிக வலுவான வருமானத்தை அளித்துள்ளது. 6 அக்டோபர் 2017 அன்று NSE இல் பங்கு ரூ 1923.6 ஆக இருந்தது. இன்று ரூ 7115 ஆக உள்ளது. எனவே 5 ஆண்டு காலத்தில் இந்தப் பங்கு சுமார் 270 சதவீத வளர்ச்சியை எட்டியுள்ளது. அதாவது, முதலீட்டாளர்களின் பணத்தை 3.70 மடங்கு சம்பாதித்தது. இதன் மூலம் ரூ.1 லட்சம் முதலீடு செய்தவர்கள் இன்று ரூ.3.70 லட்சம் பெறுவார்கள்

இப்போது பங்குகள் உயரவில்லை

இருப்பினும், கடந்த 1 வருடத்தில், பஜாஜ் ஃபைனான்ஸ் பங்குகள் உயரவில்லை. அதுமட்டுமின்றி கடந்த ஓராண்டில் 7.21 சதவீதமும், 2022ல் இதுவரை 1.45 சதவீதமும் குறைந்துள்ளது. கடந்த 6 மாதங்களில் 1.89 சதவீதம் வலுவிழந்துள்ளது. ஒரு மாதத்தில் 2.62 சதவீதம் சரிந்துள்ளது.

35 வருட பழமையான நிறுவனம்

பஜாஜ் ஃபைனான்ஸ் லிமிடெட் என்பது பஜாஜ் ஃபின்சர்வின் துணை நிறுவனமாகும். 1987ஆம் ஆண்டு தொடங்கப்பட்ட இந்நிறுவனம் புனேவை தலைமையிடமாக கொண்ட ஒரு இந்திய வங்கி சாரா நிதி நிறுவனம் ஆகும்.