அடேங்கப்பா!. பெங்களூரில் பள்ளிகளில் LKG கட்டணம் ஆண்டுக்கு ரூ.3 லட்சமா?. குமுறும் பெற்றோர்கள்

இன்றைய நவீன காலத்திற்கு ஏற்ப பணவீக்கம் சமூகத்தில் ஒவ்வொரு தரத்தினரையும் தாக்கியுள்ளது, மேலும் ஒவ்வொரு குடும்பமும் அதன் தாக்கத்தை உணர்கின்றன. சம்பளம் பெரும்பாலும் அதே அளவில் இருந்தாலும், கூடுதல் செலவுகள் வாழ்க்கையை மேலும் சிரமமாக்குகிறது. அதிகமான செலவுகளை கட்டுப்படுத்த முயற்சிக்கிறோம், ஆனால் முக்கிய தேவைகள் கூட அதிக விலையாக மாறி வருகின்றன.

ஆனால், பணவீக்கம் குறித்து அதிகம் பேசப்படாத ஒரு முக்கியத் துறை கல்வித் துறை ஆகும், இருப்பினும், இதிலும் பணவீக்கம் அனுமதி அளவைக் கடந்து விட்டது. அந்தவகையில் பெங்களூரில் எல்கேஜி மாணவர்களின் கல்விக் கட்டணம் குறித்த விவாதம் ஒன்று சமூக வலைதளங்களில் வைரலாகி வருகிறது. அதில் LKG பள்ளி கட்டணங்கள் வெகுவாக உயர்ந்திருப்பதை குறித்து நெட்டிசன்கள் கவலை தெரிவித்து கருத்துகளை பதிவிட்டு வருகின்றனர்.

அதாவது, Indian Tech & Infra என்ற எக்ஸ் தளத்தில் பெங்களூரு பள்ளிகளில் எல்கேஜி மாணவர்களின் ஆண்டு கட்டணம் குறித்த தகவல் பகிரப்பட்டுள்ளது. அதில், பெங்களூருவில் ஒரு LKG மாணவருக்கான ஆண்டு பள்ளி கட்டணம் வெகுவாக உயர்ந்துள்ளது. பெங்களூர் எம்.ஜி.ரோடு அருகேயுள்ள செயின்ட் மார்க்ஸ் சாலையில் உள்ளது பிஷப் காட்டன் ஆண்கள் பள்ளி. அதாவது, இந்த பள்ளியில், 2017-18 தரவுகளை ஒப்பிடும் போது, சில பள்ளிகளில் ரூ.1-1.5 லட்சம் இருந்தது. ஆனால் தற்போது, ரூ.3.7 லட்சம் வரை சென்றுவிட்டது.

அதாவது, அந்த தரவுகளில், டியூசன் கட்டணம் - ரூ.39, 830, extra-curricular activities-ரூ8,375, ஸ்போர்ட்ஸ், கேம்ஸ்க்கு - ரூ2,890, மெயிண்டனன்ஸ் கட்டணம் ரூ. 10,000, இதேபோல, எச்சரிக்கை டெபாசிட், ஸ்மார்ட் கிளாஸ், கிறிஸ்துமஸ் ஃபெல்லோஷிப் மதிய உணவு, கட்டிட நிதி என இப்படி ஒவ்வொரு பிரிவுக்கும் தனித்தனி கட்டணம் வசூலிக்கப்படுவதாக தெரிவிக்கப்பட்டுள்ளது. மொத்தம் கட்டணம் ரூ.202,000 வசூலிக்கப்படுகிறது. பள்ளிக்குச் செல்லும் குழந்தைகளுக்கே இவ்வளவு செலவு என்றால், உயர்கல்விக்கு என்ன ஆகும்? என்று பெற்றோர்கள் மத்தியில் கவலையை ஏற்படுத்தியுள்ளது.

Take a Poll

இதற்கு சமூக வலைதளங்களில் பலர் விமர்சனங்களை பதிவிட்டு வருகின்றனர். தற்போதைய நிலைமையைப் பார்க்கும்போது, கல்வியும் பங்குச்சந்தை & ரியல் எஸ்டேட்டுடன் ஒப்பிடப்படுகிறது. எதிர்காலத்தில் பள்ளியில் சேர்ப்பதற்கே முதலீடு (Invest) செய்ய வேண்டிய நிலை வரும் போல! இது நாட்டின் எதிர்காலத்தைக் குறிக்கும் ஒரு ஆபத்தான எச்சரிக்கை மணி. அரசின் கடுமையான கட்டுப்பாடுகள் இல்லையென்றால், கல்வி வெறும் பணக்காரர்களுக்கான சொகுசாகி விடும் என்பது உள்ளிட்ட கருத்துகளை பதிவிட்டு வருகின்றனர். மேலும், பணவீக்கம் இப்படி இருந்தால் 2030-ல் LKG கட்டணம் ரூ10 லட்சத்தை எட்டும் என்பதில் மாற்றுக்கருத்து இல்லை என்றும் பெற்றோர்கள் தங்களது வேதனைகளை குறிப்பிட்டுள்ளனர்.

FAQs

எதனால் பள்ளி கட்டணங்கள் இவ்வளவு அதிகரிக்கின்றன?

பெற்றோர் குழந்தைகளுக்கு சிறந்த கல்வியை விரும்புகிறார்கள். அதனால் தனியார் பள்ளியை நாடுகின்றனர். தனியார் பள்ளிகளின் வசதிகள் (சிறப்பு பாடத்திட்டங்கள், சர்வதேச தரம், போட்டித் தேர்வு பயிற்சி, கூடுதல் பாடங்கள் வழங்குகின்றன.

தனியார் பள்ளிகள் கட்டண கட்டுப்பாடு செய்ய முடியுமா?

அரசு தரப்பில் கட்டண ஒழுங்குமுறை சட்டங்கள் கொண்டு வரப்பட வேண்டிய அவசியம் உள்ளது.

பெற்றோர்கள் என்ன செய்யலாம்?

பள்ளிகளை ஆராய்ந்து சரியான தேர்வு செய்யவும். அரசுப் பள்ளிகளின் தரம் உயர்த்தும் முயற்சிகளை ஆதரிக்கவும்.

 

பெங்களூருவில் LKG மாணவர்களுக்கு பள்ளி ஆண்டு கட்டணம் எவ்வளவு?

பள்ளியின் தரம் மற்றும் வசதிகளின் அடிப்படையில் ரூ50,000 முதல் ரூ.3,70,000 வரை வசூலிப்பதாக கூறப்படுகிறது.