ரூ.59,799 கோடியை இழந்த முகேஷ் அம்பானி.. ஒரே நாளில் மொத்தமும் காலி..!!

இந்தியாவின் முன்னணி தொழில் நிறுவனமாக உள்ள ரிலையன்ஸ் இண்டஸ்ட்ரீஸ் கடந்த மே 9 (வெள்ளிக்கிழமை) அன்று பங்கு சந்தையில் பெரிய இழப்பை சந்தித்தது. அந்த நாளில் ரிலையன்ஸ் பங்கு விலை 1.93% குறைந்து, ஒரு பங்கு விலை ருபாய் 1,377.75 என்ற அளவில் முடிந்தது. இந்த பங்கு விலை குறைவால், ரிலையன்ஸ் நிறுவனத்தின் மொத்த சந்தை மதிப்பு ரூபாய் 59,799 கோடி குறைந்து, ரூபாய் 18.64 லட்சம் கோடி மட்டுமே ஆனது. இதே நேரத்தில், மும்பை பங்குச் சந்தையின் முக்கிய குறியீடு சென்செக்ஸ் விலையும் 1.10% குறைந்தது.

முகேஷ் அம்பானியின் சொத்து மதிப்பு சரிவு: இந்த பங்கு விலை வீழ்ச்சியால், ரிலையன்ஸ் நிறுவன தலைவர் முகேஷ் அம்பானியின் சொத்து மதிப்பும் குறைந்தது. ஃபோர்ப்ஸ் வெளியிட்ட தகவலின்படி, அவரது நிகர சொத்து மதிப்பு 92.5 பில்லியன் டாலர்(இந்திய ரூபாயில் சுமார் ரூபாய் 7.7 லட்சம் கோடி) ஆக குறைந்து விட்டது. இதன் விளைவாக, அவர் உலகளவில் பணக்காரர் பட்டியலில் 13வது இடத்திற்கு சென்றுவிட்டார். ஆனால், ஆசியாவின் நம்பர் 1 பணக்காரர் என்ற அந்தஸ்தை இன்னும் அவர் வைத்திருக்கிறார்.

ரிலையன்ஸ் பங்குகளின் நிலை: ரிலையன்ஸ் இண்டஸ்ட்ரீஸ் நிறுவனத்தின் பங்குகள் கடந்த ஆண்டு ஜூலை 8, 2024 அன்று ரூபாய் 1,608.95 என்ற உச்ச மதிப்பை எட்டியது. ஆனால் தற்போதைய நிலையில் பங்குகள் அதைவிட 14.37% குறைந்துள்ளன. இந்த நிறுவனம் பல துறைகளில் செயல்படுகிறது.

குறிப்பாக, பெட்ரோகெமிக்கல்ஸ் (இரசாயன தயாரிப்பு), எண்ணெய் மற்றும் எரிவாயு, தொலைத்தொடர்பு (Jio), மற்றும் சில்லறை விற்பனை (Reliance Retail) ஆகிய துறைகள் இதில் அடங்கும். இந்த துறைகள் அனைத்தும் சமீப காலமாக சந்தை மாற்றங்கள், பொருளாதார சிக்கல்கள் மற்றும் உலகளாவிய தாக்கங்களால் பாதிக்கப்பட்டுள்ளன. இதனால், ரிலையன்ஸ் பங்குகள் தற்பொழுது விலை மாற்றங்களை சந்தித்து வருகின்றன.

மற்ற நிறுவனங்களின் நிலை: சமீபத்திய சந்தை நிலவரத்தைப் பொருத்தவரை, கடந்த வாரம் இந்தியாவின் முதல் 10 மதிப்புமிக்க நிறுவனங்களில் 8 நிறுவனங்கள் பங்குச் சந்தையில் குறைவைக் கண்டன. இழப்பை சந்தித்த முக்கிய நிறுவனங்களில் ரிலையன்ஸ் இண்டஸ்ட்ரீஸ், HDFC வங்கி, டாடா கன்சல்டன்சி சர்வீசஸ் (TCS), பார்தி ஏர்டெல், ஐசிஐசிஐ வங்கி, ஸ்டேட் பாங்க் ஆப் இந்தியா, பஜாஜ் பைனான்ஸ் மற்றும் ஐடிசி ஆகியவை அடங்கும். இந்த நிறுவனங்கள் அனைத்தும் பங்கு மதிப்பில் கணிசமான சரிவை அடைந்தன. ஆனால், இன்போசிஸ் மற்றும் ஹிந்துஸ்தான் யூனிலீவர் போன்ற சில நிறுவனங்கள் மட்டுமே லாபத்தில் முடிந்தன.

எதிர்காலம் எப்படி?: பங்கு விலை குறைந்தாலும், ரிலையன்ஸ் நிறுவனத்தின் எதிர்கால வளர்ச்சியில் நிபுணர்கள் நம்பிக்கை காட்டுகின்றனர். நிறுவனத்தின் பல துறைகளில் செயல்படுவதும், புதிதாக வளர்ந்து வரும் தொழில்களில் முதலீடு செய்வதும், இந்த நிறுவனத்துக்கு நீண்ட கால வளர்ச்சிக்கு சாதகமாக இருக்கும் என்று அவர்கள் கருதுகின்றனர். ஆனால், உலகளவில் பொருளாதார நிலைமைகள் தெளிவாக இல்லாததால், பெரிய நிறுவனங்களும் சந்தையில் பெரிய மாற்றங்களை சந்திக்க நேரிடும் என்பதையும் நிபுணர்கள் எச்சரிக்கையாகக் கூறுகிறார்கள்.

Take a Poll

பெரும் நிறுவனமான ரிலையன்ஸ், ஒரு நாள் பங்குச் சந்தையில் சரிந்ததற்கே இவ்வளவு பெரிய பண இழப்பை சந்திக்க வேண்டிய நிலை ஏற்பட்டுள்ளது. இது போன்று உலகப் பொருளாதார மாற்றங்கள், இந்திய நிறுவனங்களின் மதிப்பிலும் நேரடியாக தாக்கத்தை ஏற்படுத்துகின்றன. இருந்தாலும், வளர்ச்சி வாய்ப்புகள் இன்னும் உள்ளன என்பதில் நிபுணர்கள் நம்பிக்கை கொண்டுள்ளனர்.