டாடா சன்ஸ் 'இவரை' நம்பி ரூ.14,00,000 கோடி ஒப்படைத்துள்ளது.. யார் இந்த சௌரப் அகர்வால்..!

டாடா சன்ஸ் குழுமத்தின் முழு நிதிப் பொறுப்புக்களையும் சௌரப் அகர்வாலிடம் ஒப்படைத்துள்ளது. யார் இந்த சௌரப் அகர்வால்?

அவரை நம்பி இவ்வளவு பெரிய பொறுப்பை டாடா சன்ஸ் குழுமன் ஏன் ஒப்படைத்து? என்பதைக் குறித்து இனி விரிவாகக் காணலாம்

டாடா சன்ஸ் – தலைமை நிதி அதிகாரி!

டாடா சன்ஸ் குழுமத்தின் தலைமை நிதி அதிகாரி தான் (Chief Financial Officer - CFO) சௌரப் அகர்வால். இவர் 2017 ஆம் ஆண்டு முதலே டாடா சன்ஸ் குழுமத்தில் CFO- வாக உள்ளார். இவர்தான் டாடா சன்ஸ் குழுமத்தின் ரூ.14,00,000 கோடி நிதியை நிர்வகிக்கும் பொறுப்பில் உள்ளார்.

யார் இந்த சௌரப் அகர்வால்!

டாடா குழுவின் தலைமை நிதி அதிகாரியாக இருக்கும் சௌரப் அகர்வால் இரண்டு நிறுவனங்களை ஒன்றிணைப்பதிலும், ஒப்பந்தகளை முடிப்பதிலும் கைதேர்ந்தவராவார். இவர் பல ஆண்டுகளாக முதலீட்டு வங்கிகளில் பெரும் அனுபவம் உடையவர். இவர் ஒரு ஏஸ் டீல் மேக்கரும் ஆவார்.

ஆதித்யா பிர்லா குரூப்பின் தலைவர்!

இவர் டாடா சன்ஸ் குழுமத்தில் பணிக்கு சேரும்முன் ஆதித்யா பிர்லா குரூப்பின் கார்ப்பரேட் ஸ்ட்ரடஜி தலைவராகவும் (head of corporate strategy) இருந்துள்ளார்.

ஏஸ் டீல் மேக்கர் (Ace Deal maker)

சௌரப் அகர்வால் இந்தியாவின் மிகப்பெரிய M&A (merger and acquisition) ஒப்பந்தமான வோடஃபோன் மற்றும் ஐடியாவின் 21 பில்லியன் இணைப்பிற்கான ஒப்பந்ததை முன்னெடுத்தவர் ஆவார்.

அதுமட்டுமின்றி அல்ட்ரா டெக் சிமெண்ட் மூலம் ஜெய்பீ குழுமத்தின் சிமெண்ட் சொத்துக்களை கையகப்படுத்தியதில் முக்கிய நபராகவும் இருந்துள்ளார். மேலும் இவர் Aditya Birla Nuvo Ltd மற்றும் Grasim நிறுவனங்களை மறுசீரமைத்ததிலும் இவருக்கு முக்கிய பங்கு உண்டு.

பிரபல வங்கிகளின் தலைவர்!

சௌரப் அகர்வால் அவர்கள் முன்னதாக ஸ்டாண்டர்ட் சார்ட்டர்டு வங்கியில் (tandard Chartered Bank) தெற்காசியாவின் கார்ப்பரேட் பைனான்ஸின் ரீஜினல் தலைவராகவும் DSP Merrill Lynch வங்கியில் முதலீட்டு வங்கி தலைவராகவும் பணிபுரிந்துள்ளார்.

வருடாந்திர வருமானம்!

2022 ஆம் நிதியாண்டின்படி சௌரப் அகர்வாலின் வருடாந்திர காம்பன்சேஷன்(Annual compensation) 21 சதவீதம் உயர்ந்து ரூ.26 கோடியாக உயர்ந்துள்ளது. இதற்கு முந்தைய வருடம் இவரின் Annual compensation ரூ.21.45 கோடியாக இருந்தது.

ஐஐஎம் மற்றும் ஐஐடியின் முன்னாள் மாணவர்!

சௌரப் அகர்வால் இந்தியாவின் புகழ்பெற்ற IIT (Indian Institute of Technology) இல் கெமிக்கல் என்ஜினியரிங் பட்டம் பெற்றவர். அதன்பின் கல்கத்தாவில் உள்ள IIM (Indian Institute of Management) இல் மேலாண்மை கல்வியும் பயின்றுள்ளார்.