ஜூன் 20 எஸ்பிஐ வங்கியின் இண்டர்நெட், யூபிஐ, மொபைல் ஆப் வங்கி சேவைகள் இயங்காது.. எந்த நேரம்..?!

இந்தியாவின் மிகப்பெரிய பொதுத்துறை வங்கியான ஸ்டேட் பாங்க் ஆப் இந்தியா தனது வங்கி சேவைகளில் இருக்கும் பல்வேறு பிரச்சனைகளைத் தொடர்ந்து கண்டறிந்து சரி செய்து வருகிறது.

இந்நிலையில், ஜூன் 20ஆம் தேதி தனது டெக் தளத்தில் மெயின்டனன்ஸ் பணிகள் செய்வதற்காக இண்டர்நெட், யூபிஐ, மொபைல் ஆப் வங்கி சேவைகளை முடக்க உள்ளதாக அறிவித்துள்ளது.

இதுகுறித்து எஸ்பிஐ வங்கி வெளியிட்டுள்ள அறிவிப்பில் ஜூன் 01.00 மணி முதல் 01.40 மணிவரையில் அதாவது இரவு நேரத்தில் வாடிக்கையாளர்களுக்கு எவ்விதமான இடையூறாக இல்லாமல் 40 நிமிடம் இண்டர்நெட், யூபிஐ, மொபைல் ஆப் வங்கி சேவைகளை முடக்க உள்ளதாக அறிவித்துள்ளது.

இக்குறித்த காலகட்டத்தில் எஸ்பிஐ வங்கி நிர்வாகம் தனது டெக் தளத்தில் மெயின்டனன்ஸ் பணிகள் செய்ய உள்ளதாக டிவிட்டரில் தெரிவித்துள்ளது. இந்த 40 நிமிடத்தில் எஸ்பிஐ வங்கியின் இண்டர்நெட் வங்கி, யூனோ, யூனோ லைட், யூபிஐ ஆகிய சேவைகளைப் பயன்படுத்த முடியாது.

இதனால் வாடிக்கையாளர்கள் முன்கூட்டியே திட்டமிட்டுப் பணப் பரிமாற்ற பணிகளைச் செய்து முடித்துக்கொள்ள வேண்டும் இல்லையெனில் ஜூன் 20ஆம் தேதி 1.40 மணிக்குப் பின் இந்தப் பணிகளைச் செய்ய வேண்டும்.