எஸ்பிஐ கிரெடிட் கார்டு பயன்படுத்துறீங்களா? – ஏப்ரல் 1ஆம் தேதி முதல் புதிய மாற்றம் அமல்..!

இந்தியாவின் முன்னணி வங்கிச் சேவை நிறுவனமான எஸ்பிஐ தங்களுடைய கிரெடிட் கார்டுகளில் வழங்கி வந்த பல்வேறு பலன்களை மாற்றி அமைத்திருக்கிறது. இந்த மாற்றங்கள் ஏப்ரல் 1ஆம் தேதி முதல் நடைமுறைக்கு வர இருக்கின்றன.

இந்தியாவின் இரண்டாவது பெரிய கிரெடிட் கார்டு விநியோக நிறுவனமாக எஸ்பிஐ செயல்பட்டு வருகிறது. எஸ்பிஐ நிறுவனம் தங்களுடைய கிரெடிட் கார்டில் வழங்கப்பட்டு வந்த பல்வேறு ரிவார்டுகளை தற்போது மாற்றி அமைத்துள்ளது. Club Vistara SBI Credit Card, Club Vistara SBI PRIME Credit Card, SimplyCLICK SBI Card, Air India SBI Platinum Credit Card மற்றும் Air India SBI Signature Credit Card ஆகியவற்றில் இதுநாள் வரை கிடைத்த பலன்கள் இனி கிடைக்காது. கார்டினை ரினீவல் செய்யும் போதும், மைல்ஸ்டோன்களை எட்டும் போதும் வழங்கி வந்த பலன்களில் பெரிய மாற்றங்கள் கொண்டு வரப்பட்டுள்ளன. இதன்படி,

Club Vistara SBI Credit Card மற்றும் Club Vistara SBI PRIME Credit Card: இந்த கிரெடிட் கார்டினை பயன்படுத்தும் வாடிக்கையாளர்களுக்கும் ஏப்ரல் 1ஆம் தேதியிலிருந்து ரினீவல் மூலம் இது நாள் வரை கிடைத்து வந்த எக்கானமி மற்றும் பிரீமியம் டிக்கெட் வவுச்சர்கள் இனி கிடைக்காது. மேலும் கிரெடிட் கார்டை பயன்படுத்தி 1.25 லட்சம், 2.5 லட்சம் மற்றும் 5 லட்சம் ரூபாய் வரை செலவு செய்தவர்களுக்கு வழங்கி வந்த மைல் ஸ்டோன்களுக்கான பெனிஃபிட் டிக்கெட் வவுச்சர்கள் நிறுத்தப்படுவதாக தெரிவிக்கப்பட்டுள்ளது.

மேலும் இந்த கார்டு பயன்படுத்துவோருக்கு ரினீவலுக்காக இது நாள் வரை வசூல் செய்யப்பட்ட 2,999 ரூபாய் கட்டணத்தை இனி செலுத்த வேண்டாம் என எஸ்பிஐ அறிவிப்பு வெளியிட்டுள்ளது.

SimplyCLICK SBI Card: தற்போது இந்த கார்டு பயன்படுத்துவோர் ஸ்விக்கியில் செய்யும் செலவுக்கு 10X என்ற அளவில் ரிவார்ட் பாயிண்டுகள் வழங்கப்படுகின்றன. இது வரும் ஏப்ரல் 1ஆம் தேதி முதல் 5X என குறைக்கப்படுகிறது. அதே வேளையில் அப்போலோ 24X7, BookMyShow, Cleartrip, Domino's, IGP, Myntra, Netmeds மற்றும் Yatra ஆகிய தளங்களில் இந்த கார்டுகளை கொண்டு செய்யும் பரிவர்த்தனைகளுக்கு வழங்கப்படும் 10X ரிவார்ட் பாயிண்டுகள் தொடருமாம்.

Air India SBI Platinum Credit Card: ஏர் இந்தியா டிக்கெட்டுகளை அதன் மொபைல் செயலி அல்லது இணையதளம் வாயிலாக இந்த கார்டினை பயன்படுத்தி வாங்குபவர்களுக்கு ஒவ்வொரு 100 ரூபாய்க்கும் 15 ரிவார்ட் பாயிண்டுகள் வழங்கப்படுகின்றன. இது வரும் 1ஆம் தேதி முதல் 5 பாயிண்டுகள் என குறைக்கப்பட உள்ளன.

Air India SBI Signature Credit Card: ஏர் இந்தியா டிக்கெட்டுகளை அதன் மொபைல் செயலி அல்லது இணையதளம் வாயிலாக இந்த கார்டினை பயன்படுத்தி வாங்குபவர்களுக்கு ஒவ்வொரு 100 ரூபாய்க்கும் 30 ரிவார்ட் பாயிண்டுகள் வழங்கப்படுகின்றன. இது வரும் 1ஆம் தேதி முதல் 10 பாயிண்டுகள் என குறைக்கப்பட உள்ளன.