வட்டி விகிதங்களில் மாற்றம் செய்த SBI பேங்க்.. இனி இந்த ரேட்ல லோன் கிடைக்காது!

சென்னை: ஸ்டேட் பேங்க் ஆஃப் இந்தியா, ஜூன் 15, 2024 முதல் சில கடன்களுக்கான வட்டி விகிதங்களை உயர்த்தியுள்ளது. எனவே கடன் வாங்குபவர்கள், தாங்கள் கடன் வாங்குவதற்கு முன்பு புதிய வட்டி விகிதங்களை பற்றி அறிந்துகொள்வது அவசியம். இந்தக் கட்டுரையில், SBI பேங்க் வழங்கும் கடன்கள் சிலவற்றிற்கான புதிய வட்டி விகிதங்களைப் பார்ப்போம்.

ஸ்டேட் பேங்க் ஆஃப் இந்தியா, சில கடன்களுக்கான MCLR விகிதத்தை 0.10 சதவீத புள்ளிகள் (bps) உயர்த்தியுள்ளது. இதன் காரணமாக, கார் லோன், ஹோம் லோன் போன்ற பெரும்பாலான கடன்களின் வட்டி விகிதங்களை உயர்த்தியுள்ளது. SBI பேங்கின் அதிகாரப்பூர்வ தகவல்படி, ஜூன் 15, 2024 முதல், 1 வருட காலத்திற்கான MCLR விகிதம் 8.65 சதவீதத்தில் இருந்து 8.75 சதவீதமாக உயர்த்தப்பட்டுள்ளது. இதன் விளைவாக கார் லோன்களுக்கான வட்டி விகிதங்கள் MCLR விகித அடிப்படையில் பாதிக்கப்படும் என்று எதிர்பார்க்கப்படுகிறது.

MCLR என்றால் என்ன?: SBI வழங்கும் வட்டி விகிதங்களைப் பற்றிப் பேசும் போது, MCLR (Marginal Cost of Funds based Lending Rate) என்ற சொல் அடிக்கடி உபயோகப்படுத்தப்படுகிறது. MCLR என்பது ஒரு வங்கி கடன் கொடுப்பதற்குரிய குறைந்தபட்ச வட்டி விகிதமாகும். இந்த விகிதத்திற்கு கீழ் கடனை வழங்க எந்த வங்கிகளுக்கும் அனுமதி இல்லை. எளிதாகச் சொல்ல வேண்டுமானால், MCLR என்பது வங்கிகளுக்கு நிர்ணயிக்கப்பட்ட கடன் கொடுப்பதற்கான குறைந்தபட்ச விலை ஆகும்.

SBI வழங்கும் கடன்களுக்கான அடிப்படை வட்டி விகிதமான MCLR உயர்த்தப்பட்டுள்ளது. இதனைத் தொடர்ந்து, MCLR வட்டி விகிதங்கள் இப்போது 8.10% முதல் 8.95% வரை இருக்கும் என்று கூறப்படுகிறது. இதில், ஓவர்நைட் கடன்களுக்கான MCLR விகிதம் 8 சதவீதம் முதல் 8.10 சதவீதமாகவும், 1 மாதம் மற்றும் 3 மாத காலத்திற்கான MCLR விகிதம் 8.20 சதவீதம் முதல் 8.30 சதவீதமாகவும் உயர்த்தப்பட்டுள்ளது. 6 மாத MCLR விகிதம் 8.45 சதவீதம் முதல் 8.55 சதவீதமாகவும், 1 வருட MCLR விகிதம் 8.55 சதவீதம் முதல் 8.65 சதவீதமாகவும், 2 வருட காலத்திற்கான MCLR விகிதம் 8.85 சதவீதம் முதல் 8.75 சதவீதமாக உயர்த்தப்பட்டுள்ளது.

SBI வழங்கும் ஹோம் லோன்கள் EBLR விகிதங்களுடன் வழங்கப்படுகின்றன. தற்போதைய EBLR விகிதம் 9.15% ஆகும். இது ரிசர்வ் வங்கி ரெப்போ விகிதம் (6.50%) + ஸ்ப்ரெட் (2.65%) ஆகியவற்றைச் சேர்த்து கணக்கிடப்படுகிறது. SBI ஹோம் லோன் வட்டி விகிதங்கள் 8.50 சதவீதம் முதல் 9.65 சதவீதம் வரை, உங்கள் சிபில் ஸ்கோரைப் பொறுத்து மாறுபடும்.

கடன் வாங்குவதற்கு முன்பு SBI வங்கியிடம் சமீபத்திய வட்டி விகிதங்கள் மற்றும் கட்டணங்கள் குறித்து விசாரித்து, உங்களுக்கு சிறந்த வகையில் பொருந்தக்கூடிய கடன் திட்டத்தைத் தேர்வு செய்வது நல்லது.