சர்வதேச விருது வாங்கிய SBI.. 2024-ல் இந்தியாவின் சிறந்த வங்கி.. வாடிக்கையாளர் சேவையில் டாப்..!

ஸ்டேட் பேங்க் ஆஃப் இந்தியா சர்வதேச அளவில் விருதை பெற்றுள்ளது. 2024 ஆம் ஆண்டிற்கான இந்தியாவின் சிறந்த வங்கியாக விருது பெற்றது. இந்த விருதை அமெரிக்காவில் உள்ள குளோபல் ஃபைனான்ஸ் இதழ் வழங்கியுள்ளது

ஸ்டேட் பேங்க் ஆஃப் இந்தியா ( SBI ) 2024 ஆம் ஆண்டில் இந்தியாவின் சிறந்த வங்கியாக அமெரிக்க குளோபல் ஃபைனான்ஸ் இதழால் தேர்ந்தெடுக்கப்பட்டுள்ளது. சர்வதேச நாணய நிதியம் மற்றும் உலக வங்கியின் வருடாந்திர கூட்டங்களை ஒட்டி நடைபெற்ற 31 வது ஆண்டு வங்கி விருது வழங்கும் விழாவில் எஸ்பிஐ இந்த விருதை பெற்றது.

நிதித் துறையில் அதிக மக்களை ஈடுபடுத்துவதன் மூலம் சிறந்த சேவைகளை வழங்குவதற்கும் நம்பிக்கையைப் பெறுவதற்கும் இது ஒரு சாதனை என்று எஸ்பிஐ ஒரு அறிக்கையில் தெரிவித்துள்ளது. ஸ்டேட் வங்கியின் தலைவர் சி.எஸ்.ஷெட்டி விருதைப் பெற்றார்

குளோபல் ஃஃபைனான்ஸின் சிறந்த வங்கி விருதுகள் பொதுவாக உலகளாவிய பொருளாதாரம் பல்வேறு சவால்களை எதிர்கொள்வதால் நிதி நிறுவனங்களுக்கு உற்சாகமளிக்கும் ஒரு விருதாகக் கருதப்படுகிறது. பல தசாப்தங்களாக, இந்த விருது உலகில் சிறப்பாக செயல்படும் நிதி நிறுவனங்களுக்கு வழங்கப்படுகிறது.

குளோபல் ஃபைனான்ஸ் சிறந்த வங்கி விருது உலகின் முன்னணி வங்கிகளை மேலும் சிறப்பித்துக் காட்டுகிறது. நம்பகத்தன்மை, செயல்பாடுகளில் வெளிப்படைத்தன்மை போன்றவற்றைக் கருத்தில் கொண்டு இந்த விருது வழங்கப்படுகிறது. இந்த காரணத்திற்காகவே இது பெருநிறுவன நிதித் துறையில் மிகவும் மதிப்புமிக்க விருதாகக் கருதப்படுகிறது. எஸ்பிஐயின் சிறந்த வாடிக்கையாளர் சேவை மற்றும் இந்தியா முழுவதும் சிறந்த நிதியை உள்ளடக்கிய செயல்பாடுகள் இந்த விருதுக்கு வழிவகுத்தது.

SBI இந்தியாவின் மிகப்பெரிய வணிக வங்கியாகும். தற்போது வங்கி 22,500 கிளைகள் மற்றும் 62,000 ஏடிஎம்கள் நெட்வொர்க்கை கொண்டுள்ளது. வங்கி தனது YONO டிஜிட்டல் தளத்தின் மூலம் நாட்டின் வங்கித் துறையில் வளர்ச்சியை அடைய முடிந்தது. கடந்த ஜூன் காலாண்டில் வங்கியில் தொடங்கப்பட்ட புதிய சேமிப்புக் கணக்குகளில் 63% டிஜிட்டல் சேனல்கள் மூலம் தொடங்கப்பட்டுள்ளன. இதே காலகட்டத்தில் யோனோ மூலம் மொத்தம் ரூ.1,399 கோடி தனிநபர் கடன்கள் முன் அங்கீகரிக்கப்பட்ட கடன்களாக வழங்கப்பட்டுள்ளன.