SBI கொடுத்த குட்நியூஸ்.. தொக்கா கிடைத்த 50000 கோடி.. போடு அடிதூள்..!

நாட்டின் மிகப்பெரிய வங்கியாகவும், அதிகப்படியான வாடிக்கையாளர்களை கொண்டு யாரும் அசைக்க முடியாத இடத்தில் இருக்கும் ஸ்டேட் பேங்க் ஆப் இந்தியா தனது மார்ச் 2023 காலாண்டு முடிவுகளை வெளியிட்டு வியக்க வைக்கும் லாபத்தை அறிவித்து அனைவருக்கும் அதிர்ச்சி கொடுத்தது.

மார்ச் காலாண்டில் ஸ்டேட் பேங்க் ஆப் இந்தியாவின் நிகர லாபம் 83 சதவீதம் உயர்ந்து 16,694.51 கோடி ரூபாயாக உயர்ந்துள்ளது என வியாழனன்று தெரிவித்துள்ளது.

ஜனவரி-மார்ச் 2023 இல் அதன் நிகர வட்டி வருமானம் மட்டுமே 40,392.50 கோடி ரூபாயாக இருந்தது, இது முந்தைய ஆண்டின் மார்ச் காலாண்டு 31,197 கோடி ரூபாய் உடன் ஒப்பிடுகையில் சுமார் 29.5 சதவீதம் அதிகமாகும்.

ஸ்டேட் பேங்க் ஆப் இந்தியா வங்கியின் நிர்வாக குழு 2023ஆம் ஆண்டுக்கான ஈவுத்தொகையாக ஒரு பங்கிற்கு 11.30 ரூபாய் அளிக்க பரிந்துரை செய்துள்ளது. எஸ்பிஐ பங்குச்சந்தையில் சமர்ப்பித்த அறிக்கையின் படி ஜூன் 14, 2023 அன்று இந்த 11.30 ரூபாய் ஈவுத்தொகை பங்குதாரர்களுக்கு செலுத்தப்படும்.

2022-23 முழு நிதியாண்டில் மொத்தமாக மத்திய அரசு கட்டுப்பாட்டில் இயங்கி வரும் ஸ்டேட் பேங்க் ஆப் இந்தியா வங்கியின் நிகர லாபம் 59 சதவீதம் உயர்ந்து 50,232.45 கோடி ரூபாயாக உள்ளது.

மார்ச் 2023 காலாண்டில் எஸ்பிஐ-யின் சொத்துத் தரம் உயர்ந்துள்ளது பங்கு முதலீட்டாளர்கள் கட்டாயம் கவனிக்க வேண்டும். ஸ்டேட் பேங்க் ஆப் இந்தியா-வின் மொத்தச் செயல்படாத சொத்துக்கள் (GNPA) அக்டோபர் - டிசம்பர் 2022 காலாண்டில் 98.347 கோடி ரூபாயாக இருந்த நிலையில் மார்ச் காலாண்டில் 90,927.8 கோடி ரூபாயாக குறைந்துள்ளது. இதன் மூலம் கடந்த 3 மாதத்திஸ் 8427.8 கோடி ரூபாய் மதிப்பிலான வாராக்கடன் குறைந்துள்ளது.

ஜனவரி-மார்ச் 2023 இல் எஸ்பிஐ வங்கியின் மொத்த NPA விகிதம் 2.78 சதவீதமாகக் குறைந்துள்ளது, இது கடந்த காலாண்டில் 3.14 சதவீதமாக இருந்தது. அதன் நிகர NPA விகிதமும் டிசம்பர் 2022 காலாண்டில் 0.77 சதவீதத்திலிருந்து 0.67 சதவீதமாகக் குறைந்துள்ளது.

மார்ச் காலாண்டில் எஸ்பிஐ வங்கியின் சொத்துக்கள் மீதான வருமானம் 0.96 சதவீதமும், பங்குகள் மீதான முதலீட்டுக்கு 19.43 சதவீத வருமானமும் பெறுள்ளது. இன்று மும்பை பங்குச்சந்தையில் எஸ்பிஐ வங்கி பங்குகள் 1.77 சதவீத சரிவுடன் 574.15 ரூபாயாக உள்ளது.