கடனுக்கான வட்டி குறைப்பு.. ஸ்டேட் பேங்க்கில் கடன் வாங்கியவர்களுக்கு குட்நியூஸ்..!

ஸ்டேட் பேங்க் ஆப் இந்தியா (SBI) அக்டோபர் 15 முதல் நவம்பர் 15, 2024 வரையிலான கடன்களுக்கான MCLR விகிதத்தை ரிவைஸ் செய்து அறிவித்துள்ளது. SBI ஒரே ஒரு காலகட்டத்திற்கான கடன்களுக்கு மட்டும் MCLR வட்டி விகிதத்தை 25 அடிப்படை புள்ளிகள் குறைத்துள்ளது. மற்ற விகிதங்களில் எந்தவித மாற்றமும் இல்லாமல் உள்ளது. மேலும் திருத்தப்பட்ட MCLR விகிதங்கள் அக்டோபர் 15, 2024 முதல் அமலுக்கு வர உள்ளது.

SBI வங்கியின் MCLR வட்டி விகிதங்கள்: MCLR அடிப்படையிலான வட்டி விகிதங்கள் 8.20 சதவீதம் முதல் 9.1 சதவீதத்திற்குள் இருக்கும்படி திருத்தப்பட்டுள்ளது. ஒரே இரவில் பெறக்கூடிய கடன்களுக்குக்கான MCLR விகிதம் 8.20 சதவீதமாக உள்ளது. அதே நேரத்தில் ஒரு மாதத்திற்கான MCLR விகிதம் 8.45 சதவீதத்திலிருந்து 8.20 சதவீதமாக குறைக்கப்பட்டுள்ளது. இது 25 bps குறைந்துள்ளது. 6 மாத கடன்களுக்கான வட்டி விகிதம் 8.85 சதவீதமாக நிர்ணயிக்கப்பட்டுள்ளது. 1 வருட MCLR விகிதம் 8.95 சதவீதமாகவும், 2 வருட MCLR விகிதம் 9.05 சதவீதமாகவும், 3 வருட MCLR விகிதம் 9.1 சதவீதமாகவும் உள்ளது.

MCLR என்றால் என்ன?: MLCR என்பது மார்ஜினல் காஸ்ட் ஆஃப் ஃபண்ட் அடிப்படையிலான லெண்டிங் ரேட். இது வங்கிகள் வாடிக்கையாளர்களுக்கு கடன் விகிதங்களை தீர்மானிக்க பயன்படுத்தும் ரிசர்வ் வங்கி குறிப்பிட்ட வட்டி விகிதமாகும். இதன் அடிப்படையில் தான் வாடிக்கையாளர்களுக்கு கடன்கள் வழங்கப்படும். MLCR விகிதம் அதிகரிக்கும் போது கடன் வட்டி விகிதமும் அதிகரிக்கலாம். MCLR என்பது வங்கிகள் கடன் வழங்கும்போது வழங்கப்படும் குறைந்தபட்ச வட்டி விகிதமாகும். வங்கிகள் இதற்கு குறைவான வட்டிக்கு கடன் தர முடியாது.

SBI அடிப்படை விகிதம்: SBI அடிப்படை விகிதம் செப்டம்பர் 15, 2024 முதல் 10.40% ஆக உள்ளது.

SBI BPLR: பெஞ்ச்மார்க் பிரைம் லெண்டிங் ரேட் (பிபிஎல்ஆர்) செப்டம்பர் 15, 2024 முதல் ஆண்டுக்கு 15.15% ஆக உள்ளது

SBI EBLR: SBI EBLR விகிதம் 9.15 சதவீதமாக உள்ளது. வீட்டுக் கடன்களில், கடன் பெறுபவரின் சிபில் ஸ்கோரைப் பொறுத்து வட்டி விகிதங்கள் 8.50% முதல் 9.65% வரை மாறுபடும்.

SBI ஹோம் லோன் இணையதளத்தின்படி, பெஞ்ச்மார்க் விகிதத்தில் (REPO) மாற்றம் ஏற்பட்டால், வீடு கடன் தொடர்பான வட்டி விகிதமும் மாறுபடும். ரெப்போ விகிதம் அதிகரித்தால், வீட்டு கடன் வட்டி விகிதமும் அதிகரிக்கும்.