ரூ, 10,000 SIP முதலீடு ரூ. 16 லட்சமாக மாறிய அதிசயம்.. இந்த ஃபண்டில் நீங்க முதலீடு செஞ்சிருக்கீங்களா?

பணத்தை எவ்வாறு சேமிப்பது, வளர்ப்பது என்பது பலருக்கு சந்தேகமாக இருக்கும் ஒன்று தான். பங்குச்சந்தையில் நேரடி முதலீடு செய்வதில் ஆர்வம் இல்லாதவர்களுக்கு, அதன் நன்மைகளை மறைமுகமாக அனுபவிக்க ஒரு சிறந்த வழி இருக்கிறது. அதுவே SIP முதலீடுகள். SIP முதலீடுகள் கூட்டு வட்டி முறையில் லாபத்தை முதலீட்டாளர்களுக்கு கொட்டி குவிக்கின்றன . இதனால் மாதம் மாதம் செய்யும் சிறு பங்களிப்பும் கூட பெரிய லாபத்தை முதலீட்டாளர்களுக்கு பெற்று தரும். இந்தப் பதிவில் அப்படிப்பட்ட ஒரு ஃபண்ட் விவரங்களைப் பற்றி தான் பார்க்க உள்ளோம்.

இந்தியாவின் மிகப்பெரிய அசெட் மேனேஜ்மென்ட் கம்பெனிகளில் ஒன்று SBI மியூச்சுவல் ஃபண்ட். இது பல மியூச்சுவல் ஃபண்டு திட்டங்களை முதலீட்டாளர்களுக்கு வழங்குகிறது. அவற்றில் பல வருடாந்திர SIP வருமானத்தின் (XIRR) அடிப்படையில் சிறப்பாகச் செயல்பட்டு வருகின்றன.

இந்தக் கட்டுரையில், முதலீட்டாளர்களால் மிகவும் விரும்பப்படும் SBI SIP மியூச்சுவல் ஃபண்டில் ஒவ்வொரு மாதமும் ரூ. 10,000 மற்றும் ரூ. 20,000 என்ற தொகையை SIP முறையில் 5 ஆண்டுகளாக முதலீடு செய்தால், எவ்வளவு தொகை கிடைக்கும் என்பதை காண்போம்.

SBI PSU மியூச்சுவல் ஃபண்ட்: இந்த மியூச்சுவல் ஃபண்ட், 5 ஆண்டு முதலீட்டு காலத்தில் 41.50 சதவீத வருடாந்திர SIP வருமானத்துடன் முதலிடம் பிடித்துள்ளது. இந்த ஃபண்டின் கீழ் உள்ள சொத்துக்களின் மதிப்பு (AUM) ரூ. 3,071 கோடி. அதன் NAV ரூ. 35.72 ஆகும்.

ஜனவரி 2013-ஆம் ஆண்டு தொடங்கப்பட்ட இந்த ஃபண்ட், தொடக்கத்திலிருந்து 13.36 சதவீத வருமானத்தை அளித்துள்ளது. PSU ஃபண்டின் செலவு விகிதம் (Expense Ratio) 0.82 சதவீதம்.

இந்த SBI PSU மியூச்சுவல் ஃபண்டில் குறைந்தபட்சம் ரூ. 500 முதல் முதலீடு செய்யலாம். அதே சமயம் ஃபண்டில் மொத்தத் தொகையாக முதலீடு செய்ய நினைத்தால், அதற்கான குறைந்தபட்ச தொகை ரூ.5,000 ஆகும்.

இந்த ஃபண்ட் அதன் 89.91 சதவீத முதலீடுகளை ஈக்விட்டிகளில் கொண்டுள்ளது. அவற்றில் 44.15 சதவீதம் லார்ஜ் கேப் ஃபண்டுகளில் உள்ளது.

5 ஆண்டுகளில் ஃபண்டில் ரூ.10,000 மாதாந்திர SIP முதலீடு செய்திருந்தாலோ அல்லது மொத்தமாக ரூ.6 லட்சம் முதலீடு செய்திருந்தாலோ, 5 ஆண்டு காலத்தில் அவை ரூ.16.37 லட்சமாக மாறி இருக்கும்.

அதே போல, 5 ஆண்டுகளில் ஃபண்டில் ரூ.20,000 மாதாந்திர SIP முதலீடு செய்திருந்தாலோ அல்லது மொத்தமாக ரூ. 12 லட்சம் முதலீடு செய்திருந்தாலோ, 5 ஆண்டு காலத்தில் அவை ரூ.32.74 லட்சமாக மாறி இருக்கும்.

ஆனால் ஃபண்டின் கடந்த கால செயல்திறனை வைத்து இனிவரும் காலங்களிலும் அவை அதே அளவிலான செயல் திறனை வழங்கும் என்று சொல்லிவிட முடியாது. எனவே எந்த ஒரு முதலீட்டு திட்டங்களிலும் முதலீடு செய்வதற்கு முன்பு, உங்களுடைய நிதி ஆலோசகரை அணுகி ஆலோசனை பெறவும். அதன் பின் சுய விருப்பத்துடன் முதலீடு செய்யுங்கள்.

Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.