ஓய்வு முடிவை அறிவித்த செரீனா வில்லியம்ஸ் சொத்துமதிப்பு எவ்வளவு தெரியுமா?

செரீனா வில்லியம்ஸ்

டென்னிஸ் உலகில் இருந்து ஓய்வு பெறும் செரீனா வில்லியம்ஸ் சொத்து மதிப்பு குறித்த தகவல்கள் இணையதளங்களில் வைரலாக வருகின்றன. செரீனா வில்லியம்ஸின் நிகர சொத்து மதிப்பு தற்போது 250 மில்லியன் டாலர் என்று கூறப்படுகிறது. அவர் வருடம் ஒன்றுக்கு 30 முதல் 40 மில்லியன் டாலர் வரை டென்னிஸ் விளையாட்டில் சம்பாதிக்கிறார் என்று கூறப்படுகிறது

செரீனா வில்லியம்ஸ் வருமானம்

கடந்த 2019 ஆம் ஆண்டு ஜூன் முதல் 2020 ஆம் ஆண்டு ஜூன் வரை செரினா வில்லியம்ஸ் 35 மில்லியன் டாலர்களை சம்பாதித்தார் என்றும், அதில் 20 மில்லியன் டாலர் டென்னிஸ் விளையாட்டு மூலமே சம்பாதித்தார் என்றும் தகவல்கள் வெளியாகியுள்ளன. 2020 ஆம் ஆண்டில் செரினா வில்லியம்ஸ் 45 மில்லியனுக்கும் அதிகமான டாலர்கள் சம்பாதித்தார் என்றும் கூறப்படுகிறது.

ஃபோர்ப்ஸ் பட்டியல்

உலகில் அதிக சம்பளம் வாங்கும் விளையாட்டு வீரர்களில் செரீனா வில்லியம்ஸ் 31வது இடத்தில் உள்ளதாக ஃபோர்ப்ஸ் பட்டியலில் தெரிவித்து இருந்தது என்பது குறிப்பிடத்தக்கது. செரினா வில்லியம்ஸ் மற்ற டென்னிஸ் வீராங்கனைகளை விட அதிக தொகையை டென்னிஸ் விளையாட்டில் சம்பாதித்து உள்ளார்

$94.5 மில்லியன் வருவாய்

மகளிர் டென்னிஸ் சங்கத்தின் தகவலின்படி செரீனா வில்லியம்ஸின் தற்போதைய வருவாய் $94.5 மில்லியன் ஆகும். முக்கிய டென்னிஸ் போட்டிகள் பெரும் வருவாய் ஈட்டும் திறனுடன் இருப்பதால் வரும் நாட்களில் அந்த எண்ணிக்கை எளிதாக உயரக்கூடும் என்று எதிர்பார்த்த நிலையில் அவர் திடீரென ஓய்வு முடிவை அறிவித்துள்ளார்

விம்பிள்டன் டென்னிஸ்

2022ஆம் ஆண்டு ஜூனில் விம்பிள்டன் ஒற்றையர் பிரிவில் வெற்றி பெற்ற செரீனா வில்லியம்ஸ் $2.5 மில்லியன் சம்பாதிப்பதாக கூறப்படுகிறது. அதேபோல் இரட்டையர் பிரிவில் வெற்றி பெற்றதால் அவரது பங்கு மட்டும் $662,000 என கூறப்படுகிறது. மொத்தத்தில் டென்னிஸ் வீராங்கனைகளை பொறுத்தவரை மிக அதிகமாக சம்பாதித்த வீராங்கனைகளில் ஒருவர் செரீனா வில்லியம்ஸ் என்பது குறிப்பிடத்தக்கது