வாயை வைச்சுகிட்டு சும்மாவே இருக்கிறது இல்ல எலான் மஸ்க்.. புதிய கிரிப்டோ காயினுக்கு சப்போர்ட்..!

எலான் மஸ் கிரிப்டோ

எலான் மஸ்க்-ஐ நம்புவோர் கோடிக் கணக்கில் இருக்கும் நிலையில், கிரிப்டோகரன்சி குறித்து இவர் செய்யும் ஒவ்வொரு ட்வீட்-ம் முதலீட்டுச் சந்தையில் பெரும் தாக்கத்தை ஏற்படுத்தி வருகிறது. இதற்கிடையில் எலான் மஸ்க் பிட்காயின், டோஜ்காயின் ஆகியவற்றைத் தொடர்ந்து தற்போது ஷிபா இனு என்னும் புதிய கிரிப்டோ-வை ஆதரித்துள்ளார்.

எலான் மஸ்க் டிவிட்டர்

சமீபத்தில் எலான் மஸ்க் தனது டிவிட்டரில் "My Shiba Inu will be named Floki" என ட்வீட் செய்தார். அதாவது தான் முதலீடு செய்து கைப்பற்றியுள்ள ஷிபா இனு கிரிப்டோகாயினுக்கு ஃபோல்கி எனப் பெயரிட்டுள்ளதாக அறிவித்துள்ளார். இந்த ட்வீட் வெளியான உடனே ஷிபா இனு மதிப்பு தாறுமாறாக உயர்ந்துள்ளது.

ஷிபா இனு கிரிப்டோ

சமீபத்தில் டோஜ்காயின் 6 வார உயர்வை எட்டிய நிலையில் எலான் மஸ்க் ஷிபா இனு கிரிப்டோவை ஆதரித்ததன் மூலம் இதன் மதிப்பு 16 சதவீதம் அதிகரித்து $0.00000790 என்ற உச்சத்தை அடைந்தது. அதன் பின்பு கணிசமாகச் சரிவடைந்து $0.000007393 அளவீட்டில் உள்ளது.

இதற்கிடையில் டோஜ்காயின் சரிவைச் சந்தித்துள்ளது.

ட்விட்டர் பதிவுகள்

இந்நிலையில் ட்விட்டர் தளத்தில் பிட்காயின் ஆதிக்கத்தைக் குறைக்க டோஜ்காயின் வந்த நிலையில், தற்போது டோஜ்காயினைத் தீர்த்துக்கட்ட வந்துள்ளது தான் ஷிபா இனு என்றும் கூறுகின்றனர். இதுமட்டும் அல்லாமல் பல எலான் மஸ்க்-ஐ திட்டி தீர்த்தும், இவருடைய பேச்சைக் கேட்க கூடாது என்றும் தெரிவித்து வருகின்றனர்.

28வது மதிப்புதக்க கிரிப்டோகரன்சி

ஷிபா இனு-வின் தடாலடி வளர்ச்சி மூலம் 28வது மதிப்புதக்க கிரிப்டோகரன்சியாக உயர்ந்துள்ளது. டோஜ்காயின் போலவே மிகவும் குறைந்த மதிப்புடைய ஷிபா இனு விரைவில் டோஜ்காயினுக்குப் போட்டியாக உருவெடுக்கும் எனக் கருதப்படுகிறது.