'இந்த' ஒரு காரணத்தால் 45 வயது கீழ் உள்ளவர்கள் ஹெல்த் இன்சூரன்ஸ் எடுக்க முடியாமல் போகிறது.. உஷார்..!

இளைஞர்கள் மற்றும் பெரியவர்கள் மத்தியில் வாழ்க்கை முறை நோய்களின் எண்ணிக்கை தொடர்ந்து அதிகரித்து வருகிறது. இந்த நோய்களின் காரணமாக இளைஞர்களுக்கு உடல்நலக் காப்பீடு செய்வதற்கான வாய்ப்புகளை தவற விடுகிறது.

சராசரியாக, 45 வயதிற்குட்பட்டவர்களில் 15% பேர் ஏற்கனவே இருக்கும் இதயக் கோளாறுகள், கட்டுப்பாடற்ற சர்க்கரை நோய், நாள்பட்ட கல்லீரல் மற்றும் நுரையீரல் நோய் போன்ற காரணங்களால் எந்தவொரு சுகாதாரக் காப்பீட்டுக் கொள்கையையும் பெறத் தவறிவிட்டனர் என்று பாலிசி பஜாரின் தரவு கூறுகிறது.

பாலிசி பஜார் பகிர்ந்துள்ள தரவுகளின்படி, உடல்நலக் காப்பீடு இல்லாத மொத்த பெரியவர்களில், 17% பேர் கட்டுப்படுத்த முடியாத நீரிழிவு நோயால் பாதிக்கப்பட்டுள்ளனர். இதனால், நீரிழிவு நோய் மருத்துவக் காப்பீட்டைப் பெறுவதற்கான பாதையில் முக்கியத் தடையாகிறது.

நீரிழிவு தவிர, 16% பெரியவர்கள் இதயக் கோளாறுகளான உயர் ரத்த அழுத்தம், கொலஸ்டிரால், இதய அடைப்பு போன்றவற்றால் பாதிக்கப்படுகின்றனர். நாள்பட்ட கல்லீரல் அல்லது நுரையீரல் நோய் காரணமாக உடல்நலக் காப்பீடு பெறத் தவறிய பெரியவர்களின் சதவீதம் 12-13% வரை இருந்தது.

இந்தியாவில் தொற்றாத நோய்களின் பரவல் நோய்களால் ஏற்படும் மருத்துவச் செலவுகள், ஏற்கனவே நோயால் பாதிக்கப்பட்டு, உடல்நலக் காப்பீட்டைப் பெற முடியாத பெரியவர்களையும் பாதிக்கின்றன.

அறிவியல் மற்றும் தொழில்நுட்ப அமைச்சகத்தின் கூற்றுப்படி, உலகம் முழுவதும் நாள்பட்ட அல்லது தொற்றாத நோய்கள் தொடர்ந்து அதிகரித்து வருகின்றன. மொத்த இறப்புகளில் 73% அவர்கள்தான்.
இந்தியாவில், தொற்று அல்லாத நோய்களால் இறப்பவர்களின் சதவீதம் 53%.

மத்திய அமைச்சகத்தின் தகவல்படி, உலகிலேயே அதிக எண்ணிக்கையிலான நீரிழிவு நோயாளிகளைக் கொண்ட மக்கள் வசிக்கும் நாடு இந்தியா. இந்த நோயுடன் சுமார் 77 மில்லியன் மக்கள் வாழ்கின்றனர். இது 2045 ஆம் ஆண்டுக்குள் 134 மில்லியனாக அதிகரிக்கும் என எதிர்பார்க்கப்படுகிறது.

நீரிழிவு நோய் மட்டுமல்ல, இதயக் கோளாறுகளாலும் இந்தியர்கள் அதிகம் பாதிக்கப்படுகின்றனர். அனைத்து இறப்புகளில் நான்கில் ஒரு பங்கிற்குக் காரணமான இதய நோய்களால் இந்தியா சிறு வயதிலேயே உயிரிழப்பதாக அமைச்சகம் கூறுகிறது. நாட்டின் கிராமப்புற மக்கள் மற்றும் நகர்ப்புற மக்களில் உயர் ரத்த அழுத்த பாதிப்புகள்தான் செங்குத்தான அதிகரிப்பு உள்ளது.