படு பாதாளம் சென்ற வெள்ளி விலை! 23,703 ரூபாய் வீழ்ச்சியில் இருந்து மீளூம் சில்வர் விலை!

தங்கத்துக்குப் பிறகு, இந்திய மக்கள் அதிகம் விரும்பும் உலோகங்களில் ஒன்று வெள்ளி (Silver).

சமீபத்தில் தங்கத்தோடு, வெள்ளி விலையும் தாறுமாறாக ஏற்றம் கண்டது. ஆனால் இப்போது வெள்ளி விலை ஒரு மிகப் பெரிய விலையைக் வீழ்ச்சி கண்டு இருக்கிறது. நல்ல விஷயம் என்ன என்றால், மீண்டும் வெள்ளி விலை ஏற்றம் காணத் தொடங்கி இருக்கிறது.

எம் சி எக்ஸ் வெள்ளி விலை நிலவரம் என்ன? ஆபரண வெள்ளி விலை நிலவரம் என்ன? வெள்ளி விலை மீண்டும் ஏற்றம் காணத் தொடங்கிவிட்டதா? வாருங்கள் பார்ப்போம்.

ஆபரண வெள்ளி விலை

சென்னையில், இன்று ஒரு கிராம் ஆபரண வெள்ளி விலை 610 ரூபாய்க்கு விற்பனை ஆகிக் கொண்டு இருக்கிறது. ஒரு கிலோ வெள்ளி விலை சென்னையில் 61,000 ரூபாய்க்கு விற்பனை ஆகி வருகிறது. கடந்த 24 செப் 2020 அன்று 57,000 ரூபாய்க்கு விற்பனை ஆனது குறிப்பிடத்தக்கது.

15,510 ரூபாய் விலை சரிவு

ஆபரண வெள்ளி விலை கடந்த 07 ஆக 2020 அன்று ஒரு கிலோ 76,510 ரூபாய்க்கு விற்பனை ஆனது. இந்த உச்ச விலையை தற்போதைய 61,000 ரூபாய் விலை உடன் ஒப்பிட்டால் 15,510 ரூபாய் விலை சரிந்து இருக்கிறது. ஆபரண வெள்ளியின் குறைந்த விலையான 57,000 ரூபாயை, தற்போதைய 61,000 ரூபாயுடன் ஒப்பிட்டால், 4,000 ரூபாய் விலை அதிகரித்து இருக்கிறது.

எம் சி எக்ஸ் வெள்ளி விலை - டிசம்பர் 2020 காண்டிராக்ட்

இந்தியாவின் மல்டி கமாடிட்டி எக்ஸ்சேஞ்சான எம் சி எக்ஸ் சந்தையில், டிசம்பர் மாதத்துக்கான 1 கிலோ வெள்ளி ஃப்யூச்சர் காண்டிராக்டின் விலை 61,020 ரூபாய்க்கு வர்த்தகமாகிக் கொண்டு இருக்கிறது. நேற்றைய குளோசிங் விலையான 62,466 ரூபாயில் இருந்து 1,446 ரூபாய் (-2.31 %) விலை சரிந்து வர்த்தகமாகிக் கொண்டு இருக்கிறது.

23,703 ரூபாய் விலை வீழ்ச்சி

எம் சி எக்ஸ் வெள்ளி விலை, கடந்த ஆகஸ்டில் 79,723 ரூபாயைத் தொட்டு வர்த்தகமானது. எம் சி எக்ஸ் வெள்ளி, கடந்த 24 செப் 2020 அன்று வர்த்தகமான 56,020 ரூபாயைத் தொட்டு வர்த்தமானது குறிப்பிடத்தக்கது. ஆகஸ்ட் விலை உச்சத்துடன், இந்த 56,020 ரூபாயை ஒப்பிட்டால் 23,703 ரூபாய் விலை சரிந்து இருக்கிறது. கிட்டத்தட்ட வெள்ளி விலை படு பாதாளத்தைத் தொட்டு இருக்கிறது.

5,000 ரூபாய் வெள்ளி விலை ஏற்றம்

24 செப் 2020 விலை உடன், இன்றறைய விலையான 61,020 ரூபாய் உடன் ஒப்பிட்டால் 5,000 ரூபாய் விலை ஏற்றம் கண்டு இருக்கிறது. ஆக வெள்ளி விலை, தன் 23,703 ரூபாய் வீழ்ச்சியில் இருந்து மெல்ல மீண்டு வரத் தொடங்கி இருக்கிறது எம் சி எக்ஸ் வெள்ளி.

இன்றைய தங்கம் விலை என்ன

இன்று நம் சிங்காரச் சென்னையில் 24 கேரட் 10 கிராம் ஆபரணத் தங்கம் விலை 52,730 ரூபாய்க்கு விற்பனை ஆகிறது. சென்னையில் 22 கேரட் 10 கிராம் ஆபரணத் தங்கம் விலை 48,340 ரூபாய்க்கு விற்பனை ஆகிறது. வெள்ளி விலை தங்கத்தோடு சேர்ந்து, மெல்ல அதிகரித்துக் கொண்டே வருகிறது.