தொடரும் லேஆஃப் பூதம்! 2000 ஊழியர்களை வீட்டிற்கு அனுப்பும் ஸ்பைஸ்ஜெட் நிறுவனம்..!

நாட்டில் பல்வேறு முன்னணி நிறுவனங்களும் பணி நீக்கங்களை அறிவித்து வரும் நிலையில் 2024-ஆம் நிதியாண்டில் ஸ்பைஸ்ஜெட் நிறுவனமும் தங்களுடைய ஊழியர்களின் எண்ணிக்கையை குறைத்துள்ளது.. இதில் பர்மனென்ட் மற்றும் நான்-பர்மனென்ட் ஊழியர்கள் உட்பட பலர் பணிநீக்கம் செய்யப்பட்டுள்ளனர். 2024-ஆம் நிதியாண்டில் 716 பர்மனென்ட் ஆண் ஊழியர்கள் மற்றும் 618 பெர்மனெண்ட் பெண் ஊழியர்கள், இவர்களோடு 531 நான்-பர்மனென்ட் ஆண் ஊழியர்கள் மற்றும் 30 நான்-பர்மனண்ட் பெண் ஊழியர்கள் பணி நீக்கம் செய்யப்பட்டுள்ளனர். இந்த நடவடிக்கை விமான நிறுவனத்தின் ஒட்டுமொத்த நிதி சீரமைப்பு நடவடிக்கையின் ஒரு பகுதியக எடுக்கப்பட்டுள்ளது.

இந்த லேஆஃப் நடந்த போதிலும்.. குறைந்தபட்ச ஊதியத்தை விட அதிகம் சம்பளம் பெறும் பணியாளர்களின் சதவீதமும் அதிகரித்துள்ளது. இதில் நிரந்தர பணியாளர்களின் சம்பளம் 61 சதவீதத்திலிருந்து இருந்து 74 சதவீதமாகவும், பெண்களின் சம்பளம் 37 சதவீதத்திலிருந்து 56 சதவீதமாகவும் உயர்ந்துள்ளது.

இதில் தற்காலிக பணியாளர்களை பொருத்தவரையில் ஆண்களின் சம்பளம் 1 சதவீதத்திலிருந்து 8 சதவீதமாகவும், பெண்களின் சம்பளம் 2 சதவீதத்திலிருந்து 16 சதவீதமாகவும் அதிகரித்துள்ளது. ஸ்பைஸ் ஜெட் நிறுவனத்தில் பாலின ஊதிய வேறுபாடு தொடர்கதையாக உள்ளது.

நிறுவனத்தின் செயல் திறன்: 2024-ஆம் நிதியாண்டில் ஸ்பைஸ்ஜெட் நிறுவனத்தில் பணிபுரியும் ஊழியர்களின் சம்பளம் மற்றும் போனஸ் 9 சதவீதம் குறைந்து ரூ. 7,705.44 மில்லியனாக குறைந்துள்ளது. பணி நீக்கத்தின் காரணமாக இந்த குறைவு ஏற்பட்டுள்ளது. நிறுவனத்தின் சேர்மன் மற்றும் மேனேஜிங் டைரக்டரான அஜய் சிங் ஊழியர்களின் சராசரி சம்பளத்தை விட சுமார் 211 மடங்கு அதிகமான சம்பளம் பெறுகிறார். இவருடைய சம்பளம் ரூ.54 கோடி ஆகும்.

ஸ்பைஸ் ஜெட் விமான நிறுவனத்தின் ஒட்டுமொத்த வருமானமும் 14 சதவீதம் சரிந்து 84,969.69 மில்லியனாக உள்ளது. அதேபோல ஸ்பைஸ் ஜெட் நிறுவனத்தின் இயக்க வருவாய் 21 சதவீதம் சரிந்து 70,499.74 மில்லியனாக குறைந்துள்ளது. விமானத்தின் எரிபொருள் செலவுகள் 37 சதவீதம் குறைந்து ரூ. 29,825.62 மில்லியன் ஆக உள்ளது.

தொடர்ந்து பணி நீக்கங்கள் வெவ்வேறு துறைகளிலும் நடைபெற்று வருவது ஊழியர்களிடையே அதிர்ச்சியை ஏற்படுத்தியுள்ளது. அதேபோல ed-tech துறையும் நெருக்கடியான சூழலை எதிர்கொண்டு வருகிறது. இதனால் இது போன்ற துறைகளில் பணிபுரியும் ஊழியர்களும் அடுத்ததாக என்ன செய்ய வேண்டும் என்ற அச்சத்தில் இருக்கின்றனர்.