எஸ்பிஐ வாடிக்கையாளரா நீங்க.. அப்படின்ன இதெல்லாம் கவனிங்க..!

வட்டி குறைப்பு

கடந்த அக்டோபர் மாதத்தில் ஸ்டேட் பேங்க் ஆப் இந்தியா சேமிப்பு கணக்குகளில் 1 லட்சம் ரூபாய்க்கு கீழ் செய்யப்படும் டெபாசிட் தொகைகளுக்கு, வட்டி விகிதம் 3.5 சதவிகிதத்திலிருந்து, 3.25 சதவிகிதமாக குறைத்தது. இந்த வட்டி குறைப்பானது கடந்த மாதம் செய்யப்பட்டிருந்தாலும், இன்று முதலே அமலுக்கு வந்துள்ளது. நாட்டின் மிகப்பெரிய வர்த்தக வங்கியான இது 30 லட்சம் கோடி ரூபாய்க்கும் மேல் வைப்புத் தொகை வைத்துள்ளது.

இந்த வைப்புத் தொகைக்கு வட்டி விகிதத்தில் மாற்றம் இல்லை

எனினும் இதே 1 லட்சம் ரூபாய்க்கு மேல் டெபாசிட் செய்பவர்களுக்கான வட்டியில் ஏதும் மாற்றம் இல்லை என்றும், எஸ்பிஐ தன் சேமிப்பு கணக்கு டெபாசிட்தாரர்களுக்கு வழங்கும் வட்டியை ரிசர்வ் வங்கியின் ரெபோ விகிதத்துடன் இணைத்துள்ளது குறிப்பிடத்தக்கது. இதன் படி இந்த வட்டி விகிதமானது, ரிசர்வ் வங்கி ரெபோ விகிதத்தை எப்போதெல்லாம் மாற்றுகிறதோ. அப்போதெல்லாம் எஸ்.பி.ஐயின் டெபாசிட் வட்டி விகிதத்திற்கான வட்டி விகிதமும் மாறுபடும்.

டெர்ம் டெபாசிட் தொகைக்காக வட்டி குறைப்பு

இதே எஸ்.பி.ஐ ஒன்று முதல் இரண்டு ஆண்டுகள் வரையிலான டெர்ம் டெபாசிட்களுக்கான வட்டி விகிதம் 30 அடிப்படை புள்ளிகள் குறைந்துள்ளதாகவும் தெரிவித்துள்ளது. இதே 2 கோடி ரூபாய்க்கு மேல் வைப்புத் தொகை கொண்ட கணக்குகள் முந்தைய விகிதமானது 6.3 சதவிகிதமாகவும், இது தற்போது 6%மாக குறைக்கப்பட்டுள்ளதாகவும் கூறப்படுகிறது.

அமல்படுத்தப்பட்ட வட்டி விகிதம்

இதே இன்னும் 2 கோடி ரூபாய்க்கு கீழ் டெபாசிட்தாரர்களுக்கான வட்டி விகிதமானது, கடந்த அக்டோபர் 10லிருந்து அமல்படுத்தப்பட்டுள்ளது. இதன் வட்டி விகிதமானது 7 - 45 நாட்களுக்கான வைப்புத் தொகைக்கு 4.50%மாகவும், 46 - 179 நாட்களுக்கான டெபாசிட் தொகைக்கு 5.50%மாகவும், 180- 210 நாட்களுக்கான வட்டி விகிதமானது 5.80%மாகவும், இதே 211 - 1 வருடத்துக்குள் உள்ள டெபாசிட் தொகைக்கு 5.8 சதவிகிதமாகவும், 1 - 2 வருடத்துக்கு 6.4%மாகவும், 2 - 3% வருடத்துக்கு 6.25%, 3 -5% வருடத்துக்கு 6.25%மாக, 5 - 10 வருடத்துக்கான வைப்புத் தொகைக்கு 6.25%மாகவும் இருக்கிறது.