கார்ப்பரேட் வேலையை உதறி தள்ளிய MBA பட்டதாரி.. கதவு, ஜன்னல் தயாரிப்பில் 250 கோடி பிஸ்னஸ்..!!

குழந்தை பருவத்தில் பிற்காலத்தில் என்னவாக ஆக வேண்டும் என்ற ஆசை வளர்த்து கொண்டுதான் ஒவ்வொரு வயதையும் நாம் தொடங்குவோம். அப்படி படிப்புகளை முடித்து அந்த இலக்குகளை அடைய எடுக்கும் முயற்சிகளும், ஒவ்வொரு படிகளும் நம்மை அடுத்த கட்டத்திற்கு எடுத்து செல்லும். அப்படி சிலருக்கு வாய்ப்புகள் சரியானதாக அமையலாம் அல்லது சிலருக்கு அனைத்தும் தலைகீழாக மாறலாம்.

அந்த வகையில், சிறு வயதில் ஹைதராபாத்தை சேர்ந்த ஒருவர் தனது தந்தையின் குழந்தையாக இருந்தபோது, தனது தந்தையின் கட்டுமான நிறுவனத்தில் கொத்தனார்கள் எப்படி வேலை செய்கிறார்கள் என்பது பற்றிய அவர் பார்வையில், அஸ்திவாரத்தை உருவாக்கி, பின்னர் செங்கற்களைப் பிணைத்து முழு கட்டிடத்தையும் கட்டும் முழு செயல்முறையும் அவரைக் கவர்ந்தது. எனவே தனது கார்ப்பரேட் நிறுவன வேலைகளை உதறி தள்ளிவிட்டு சுயமாக கட்டுமான துறையில் தயாரிப்பு நிறுவனம் ஒன்றை தொடங்கி சாதித்து வருகிறார்.

ஹைதராபாத்தில் பிறந்து வளர்ந்த திலீப், மணிபால் உயர்கல்வி அகாடமியில் இளங்கலைப் பட்டப்படிப்பை முடித்தார். பின்னர் அவர் தனது MBA பட்டப்படிப்பை முடிக்க புகழ்பெற்ற IIM கொல்கத்தாவில் சேர்ந்தார். திலீப் இப்போது ஆலோசனை துறையில் ஒரு தசாப்த கால அனுபவம் கொண்டவர். அவர் அக்சென்ச்சரில் என்கேஸ்மெண்ட் மேனேஜராக பணிபுரிந்தார், பின்னர் பாஸ்டன் ஆலோசனைக் குழுவில் பங்குதாரராகவும் இருந்தார்.

2022 ஆம் ஆண்டில், அவர் BCG இல் தனது லாபகரமான வேலையை விட்டுவிட்டு, கிரீன்ஃபார்ச்சூன் (GreenFortune) என்ற கதவு மற்றும் ஜன்னல் பிராண்டைத் தொடங்க முடிவு செய்தார். இது இந்தியர்களின் கட்டுமான அனுபவத்தை மாற்றுவதற்கான ஒரு யோசனையை தூண்டியது.

அந்த வகையில், ஹைதராபாத்தை தளமாகக் கொண்ட கிரீன்ஃபார்ச்சூன் என்ற நிறுவனம் கடந்த 2022 இல் நிறுவப்பட்டது. இது ஜன்னல் மற்றும் கதவு பிராண்ட் B2B மற்றும் B2C வாடிக்கையாளர்களுக்கு சேவை செய்கிறது. இந்திய காலநிலை மற்றும் தேவைகளுக்கு ஏற்ப தயாரிப்புகளில் வெளிப்பட்டிருக்கும் உள்நாட்டில் உள்ள RnD மூலம் பிராண்ட் வித்தியாசமான நுணுக்கங்களை கையாண்டு வருகிறது

திலீப் உள்நாட்டில் ஆராய்ச்சி மற்றும் மேம்பாட்டில் கவனம் செலுத்துவதன் மூலம் இந்த முயற்சியை தொடங்கினார். கதவுகள் மற்றும் ஜன்னல்களுக்கு தரமான பொருட்களை தயாரித்து மலிவு விலையில் வழங்குவதே நோக்கமாக கொண்டுள்ளார்.

நாட்டின் பல்வேறு பகுதிகளின் காலநிலைக்கு ஏற்ப பொருட்களை தனிப்பயனாக்குவதில் கிரீன்ஃபார்ச்சூன் ஆய்வு செய்தது. நிறுவனம் இரு நபர் குழுவாகத் தொடங்கியது. ஆறு மாதங்களுக்குப் பிறகு, அவரது மனைவி பிரத்யுஷா கோசராஜு இணை நிறுவனராக சேர்ந்தார்.

ஆரம்பத்தில், திலீப் மக்களால் புறக்கணிக்கப்பட்டபோது, அவர் கிரீன்ஃபார்ச்சூன்- ஐ விரிவுபடுத்தவும், உள்நாட்டு, சில்லறை மற்றும் வணிக இடங்களிலும் வாடிக்கையாளர்களை உருவாக்கவும் முடிந்தது.

இன்று, கிரீன்ஃபார்ச்சூன் தொழில்நுட்பம் மற்றும் புதுமையால் இயங்கும் uPVC ஜன்னல்கள் மற்றும் கதவுகளை உற்பத்தி செய்யும் முன்னணி இந்திய பிராண்டுகளில் ஒன்றாக மாறியுள்ளது. இந்த பிராண்ட் வெளிப்படைத்தன்மையில் அசைக்க முடியாத நிலைப்பாட்டை கொண்டுள்ளது.

ஒரு வாடிக்கையாளர் ஒரு சேவையைக் கோரும்போது, அவர்களுக்கு ஒரு தீர்வு நிபுணர் நியமிக்கப்படுகிறார். தீர்வு நிபுணர் தளத்திற்குச் சென்று, வாடிக்கையாளரை தனிப்பட்ட முறையில் சந்தித்து, அவர்களின் தேவைகள் மற்றும் பார்வையை கவனத்தில் எடுத்து, செயல்திட்டம் மற்றும் ஒரு நாளுக்குள் தீர்வுகளுடன் வருவார்.

அதன்படி, பயன்படுத்தப்படும் பொருட்கள் முதற்கொண்டு முடிவடைவதற்கு எடுக்கும் நேரம் வரை அனைத்தும் வாடிக்கையாளருடன் தெரிவிக்கப்படும். கிரீன்ஃபார்ச்சூன், வாடிக்கையாளர்களுக்கு உலகத்தரம் வாய்ந்த கதவுகள் மற்றும் ஜன்னல்களை தங்களுக்கு உறுதியளித்த நேரத்திற்குள் தயார் செய்து விடுவார்கள்.

தடையற்ற சேவைகள் மற்றும் நன்கு ஆய்வு செய்யப்பட்ட, உயர் செயல்திறன் கொண்ட பொருட்கள் மற்றும் தயாரிப்புகள் காரணமாக, கிரீன்ஃபார்ச்சூன் அதன் தொடக்கத்திலிருந்து விரைவான வளர்ச்சியைக் கண்டுள்ளது.

தனிப்பட்ட சில்லறை வாடிக்கையாளர்கள், கார்ப்பரேட் அலுவலகங்கள், குடியிருப்பு கட்டிடங்கள், அரசுத் திட்டங்கள் மற்றும் கோயில்கள் போன்ற மத வழிபாட்டுத் தலங்களுக்கு 2 மில்லியன் சதுர அடிக்கு மேல் கதவுகள் மற்றும் ஜன்னல்களை வழங்க ஃபேப்ரிக்கேட்டர் பார்ட்னர்களுடன் இந்த பிராண்ட் கூட்டு வைத்துள்ளது.

நிறுவனர்கள் ஜூன் 2023 இல் நிதியுதவி சுற்றில் USD 1 மில்லியன் திரட்டினர். அப்போதிருந்து, தற்போதைய நிதியுதவி வரை, பிராண்ட் ஆறு மடங்கு வளர்ந்துள்ளது. ஒரு புதிய சுற்று நிதியுதவியின்படி கிரீன்ஃபார்ச்சூன் அடுத்த இரண்டு ஆண்டுகளில் ரூ.250 கோடி வருவாய் ரன் ரேட்டைக் கணித்துள்ளது.

எதிர்காலத்தில், கிரீன்ஃபார்ச்சூன் அனைத்து ஜன்னல் மற்றும் கதவு தேவைகளுக்கும் ஒரு பிரத்யேக தீர்வாக மாறும் என்றும் அந்தவகையில், விருப்பத்திற்கும் ஏற்றவாறு பொருட்களை வழங்குகிறது. தேக்கு மரத்திலிருந்து அலுமினியம் வரை இதன் நிறுவனர் திலீப் மற்றும் அவரது இணை நிறுவனரும், கதவுகள் மற்றும் ஜன்னல்களின் விரிவான தேர்வை வழங்கும் வகையில், இந்திய சந்தையில் தங்கள் பிராண்டை முதன்மையாக மாற்ற பல்வேறு யோசனைகளை புகுத்தி வருகின்றனர்.