போனில் பிசியாக இருந்த சுந்தர் பிச்சை, எலான் மஸ்க்.. ஆமா இது 'அந்த' போன் தானே..!!

அமெரிக்க அதிபர் டொனால்டு டிரம்ப் பதவியேற்பு விழாவில் கலந்துகொண்ட கூகுள் சிஇஓ சுந்தர் பிச்சையும், டெஸ்லா சிஇஓ மற்றும் உலகின் நம்பர் 1 பணக்காரர் ஆன எலான் மஸ்க் ஆகிய இருவரும் விழா நடக்கும் வேளையில் மிகவும் சீரியஸாக ஸ்மார்ட்போன் பயன்படுத்தி வந்தது மட்டும் அல்லாமல் இருவரும் பேசி சிரித்துக்கொண்டு இருந்தனர். இந்த நிலையில் இவர்கள் கையில் என்ன ஸ்மார்ட்போன் வைத்திருக்கிறார்கள் என்பது தான் தற்போது வைரலாகி உள்ளது.

ஸ்மார்ட்போன் இன்று மனித உடலின் ஒரு அங்கமாக மாறிவிடும் அளவுக்கு மக்கள் அதிகமாகப் பயன்படுத்தி வருகின்றனர். ஒரு வேளை சாப்பிடுகிறோமோ இல்லையோ ஆனால் ஸ்மார்ட்போன்களை நோண்டுவதற்கு தான் அதிக முக்கியத்துவம் கொடுக்கிறோம். சிலர் விடிய விடிய அந்த ஸ்மார்ட்போனில் உலவுகின்றனர். இதனால் மன அழுத்தம் உள்ளிட்ட பல்வேறு வியாதிகளையும் சம்பாதிக்கின்றனர். அதேபோல் ஸ்மார்ட்போன் தயாரிப்பில் பல நிறுவனங்களும் ஆதிக்கம் செலுத்தி வருகின்றன.

இந்தியாவில் ஆப்பிள், கூகுள், சாம்சங், விவோ, ஓப்போ, ஹானர், மோட்டோரோலா, ரியல்மீ, ஒன்பிளஸ், ரெட்மீ, போகோ, ஐகூஓஓ, இன்ஃபினிக்ஸ் உள்ளிட்ட ஏராளமான ஸ்மார்ட்போன்கள் சந்தையில் கிடைக்கின்றன. குறிப்பாக, ஆப்பிள் மற்றும் கூகுள் போன்ற போன்கள் இப்போது மக்கள் கையில் அதிகம் உள்ளது.

இந்தியாவில் தற்போது ப்ரீமியம் போன்கள் அதிகம் விற்கப்படுகிறது. விலை அதிகமானாலும் இவற்றை மாதத் தவணையிலாவது வாங்கி பயன்படுத்துபவர்கள் ஏராளம். அப்படியிருக்கையில், சில முக்கிய அரசியல் தலைவர்களும், தொழிலதிபர்களும் ஸ்மார்ட்போன்களை அதிகம் பயன்படுத்துகின்றனர்.

அந்த வகையில் எலான் மஸ்க், சுந்தர் பிச்சை ஆகிய இருவரும் தங்கள் தொலைபேசிகளைப் பயன்படுத்துவதில் பிஸியாக இருந்த வேளையில் இந்த புகைப்படம் எடுக்கப்பட்ட நிலையில், இணைய வாசிகள் இரண்டு டெக் சிஇஓ-க்களும் என்ன போன்களை பயன்படுத்துகிறார்கள்..?

எலான் மஸ்க் ஆப்பிள் ஐபோன் 16 ப்ரோவைப் பயன்படுத்துகிறார். இது ஆப்பிளின் முதன்மையான ஸ்மார்ட்போன். ஆப்பிள் ஐபோன் 16 ப்ரோ கடந்த ஆண்டு செப்டம்பர் மாதம் அறிமுகப்படுத்தப்பட்டது. இது இந்திய ரூபாயில் 1,19,900-க்கு விற்கப்படுகிறது.

அதேபோல், கூகுள் சிஇஓ சுந்தர் பிச்சை ஆப்பிள் ஐபோனை பயன்படுத்துவதில்லை. அவர் தனது சொந்த நிறுவனத்தின் பிக்சல் ஸ்மார்ட்போனை பயன்படுத்துகிறார். Pixel ஸ்மார்ட்போனின் Google Pixel 9 XL ப்ரோ ஐ பயன்படுத்துகிறீர்கள். இது நிறுவனத்தின் முதன்மை சாதனமாகும். கூகுள் நிறுவனத்தின் AI ஜெமினி அசிஸ்டெண்ட் இந்த போனில் உள்ளது. மேலும் இந்த ஃபோன் பல AI அம்சங்களுடன் பொருத்தப்பட்டுள்ளது. இது இந்திய ரூபாயில் 1,39,999 ஆக விற்கப்படுகிறது.

சுந்தர் பிச்சை கூகுள் நிறுவனத்தின் சொந்த ஸ்மார்ட்போனை பயன்படுத்தும் நிலையில், எலான் மஸ்க் ஆப்பிள் நிறுவனத்தின் ஸ்மார்ட்போனை பயன்படுத்துகிறார். எலான் மஸ்க் விரைவில் சொந்த பிராண்டு ஸ்மார்ட்போனை அறிமுகப்படுத்தி அதை விளம்பரப்படுத்தக்கூடும் என்று எதிர்பார்க்கப்படுகிறது.