தமிழ்நாடு பட்ஜெட் 2025 LIVE: ஓசூர்-க்கு ஐடி பார்க், கோயம்புத்தூர்-க்கு செமிகண்டக்டர், மதுரைக்கு காலணி பூங்கா!

தமிழ்நாடு நிதி அமைச்சர் தங்கம் தென்னரசு இன்று சட்டமன்றத்தில் 2025-26 ஆம் ஆண்டிற்கான மாநில பட்ஜெட்டை தாக்கல் செய்தார். இது முக ஸ்டாலின் தலைமையிலான திமுக அரசின் ஐந்தாவது பட்ஜெட் இது. இந்த பட்ஜெட்டில் மாநிலத்தின் பொருளாதார வளர்ச்சிக்காகவும், வேலைவாய்ப்பு வளர்ச்சிக்காகவும், முக்கியமாக பெண்களுக்கான நிதி திட்டங்களை விரிவுபடுத்துவது என பல முக்கிய அறிவிப்புகள் வெளியாகியுள்ளது.

இந்த பட்ஜெட்டில் முதன்முறையாக தேசிய ரூபாய் சின்னம் (₹) நீக்கப்பட்டு, தமிழ் எழுத்துக்கள் பயன்படுத்தப்படுகின்றன. இது தமிழ்நாட்டின் NEP எதிர்ப்பை மேலும் வலுப்படுத்தும் ஒரு நடவடிக்கையாக பார்க்கப்படுகிறது. பட்ஜெட் தாக்கல் செய்யப்படும் நேரத்தில், சென்னையில் உள்ள பல்வேறு இடங்களில் பொதுமக்கள் பார்வைக்காக லைவ் முறையில் திரையிடப்பட உள்ளது. இதில் சென்னை சென்ட்ரல் ரயில் நிலையம், கோயம்பேடு பேருந்து நிலையம், மரினா கடற்கரை போன்ற முக்கிய இடங்கள் அடங்கும்.

Take a Poll

மார்ச் 15 ஆம் தேதி வேளாண்மை பட்ஜெட் வேளாண்மை அமைச்சர் எம்.ஆர்.கே. பன்னீர்செல்வம் அவர்களால் தாக்கல் செய்யப்படும். பட்ஜெட் விவாதங்கள் மார்ச் 17 ஆம் தேதி முதல் தொடங்கும் என்று எதிர்பார்க்கப்படுகிறது.

Mar 14, 2025, 12:09 pm IST

நிதியாண்டு 2025-26 இல் தமிழ்நாட்டின் சொந்த வரிவருவாய் 14.6% வளர்ச்சி அடையும் என கணிக்கப்பட்டுள்ளது. இந்த ஆண்டில் மாநிலத்திற்கு மொத்தம் ₹2,20,895 கோடி வருவாய் கிடைக்கும் என எதிர்பார்க்கப்படுகிறது.

Mar 14, 2025, 12:08 pm IST

தமிழ்நாடு இந்தியாவின் மொத்த மக்கள்தொகையில் 6% ஆக இருந்தும், நாட்டின் GDP இல் 9% பங்களிப்பை வழங்குகிறது. ஆனால், மத்திய வரிகளில் மாநிலத்திற்கு கிடைக்கும் பங்கு 4% மட்டுமே. இந்த பங்கு கடந்த காலங்களில் குறைந்து வருவதாக நிதியமைச்சர் தெரிவித்துள்ளார்.

Mar 14, 2025, 12:08 pm IST

தமிழ்நாட்டின் நிதியாண்டு 2024-25 இன் புதிய மதிப்பீட்டின்படி, நிதிக் குறைபாடு ₹1,01,698 கோடி என மதிப்பிடப்பட்டுள்ளது. இது மாநில மொத்த மாநில உள்துறை உற்பத்தியில் (GSDP) 3.26% ஆகும். இது ஆரம்ப மதிப்பீடான 3.44% ஐ விட குறைவாக உள்ளது.

Mar 14, 2025, 12:04 pm IST

தமிழ்நாட்டின் மின்னணு ஏற்றுமதி கடந்த ஆண்டுகளில் குறிப்பிடத்தக்க வளர்ச்சியைக் கண்டுள்ளது. 2020-21ல் .66 பில்லியன் என்பதிலிருந்து 2023-24ல் .56 பில்லியனாக உயர்ந்துள்ளது. இந்த வளர்ச்சியை தொடர்ந்து பராமரிக்க, அரசு பல்வேறு நடவடிக்கைகளை எடுக்கிறது என நிதியமைச்சர் தங்கம் தென்னரசு தெரிவித்தார்.

Mar 14, 2025, 12:01 pm IST

தமிழ்நாடு செமிகண்டக்டர் மிஷன்-2030 திட்டத்திற்காக அடுத்த ஐந்து ஆண்டுகளில் ரூ.500 கோடி நிதி ஒதுக்கப்படுகிறது.

Mar 14, 2025, 12:00 pm IST

சுற்றுச்சூழல் சுற்றுலாவை மேம்படுத்துவதற்காக, 52 ஏக்கர் பரப்பளவில் ஈகோ பார்க் அமைக்கப்படுகிறது. இதற்கு ரூ.70 கோடி முதலீடு செய்யப்படுகிறது என நிதியமைச்சர் தங்கம் தென்னரசு தெரிவித்தார்.

Mar 14, 2025, 12:00 pm IST

முதலமைச்சர் தாயுமானவர் திட்டத்தின் கீழ், இரு பெற்றோரையும் இழந்து உறவினர் பராமரிப்பில் வாழும் சுமார் 50,000 குடும்பங்கள் அடையாளம் காணப்பட்டுள்ளன. இந்த குழந்தைகள் கல்வியை இடையில் நிறுத்தாமல் தொடர மாதம் ரூ.2,000 உதவித்தொகை வழங்கப்படும். இது அவர்கள் 18 வயது வரை பயன்பெற வழிவகுக்கும் என நிதியமைச்சர் தங்கம் தென்னரசு தெரிவித்தார்.

Mar 14, 2025, 12:00 pm IST

தமிழ்நாட்டில் முதியோர் நலனுக்காக, மதுரை, கோயம்புத்தூர், திருச்சி, சேலம், திருப்பூர், ஈரோடு, தூத்துக்குடி, வேலூர், தஞ்சாவூர் மற்றும் திண்டுக்கல் உள்ளிட்ட மாநகராட்சிகளில் 25 அன்புசோலை மையங்கள் அமைக்கப்படும். இதற்கு ரூ.10 கோடி நிதி ஒதுக்கப்பட்டுள்ளது. இந்த மையங்களில் முதியோர்களுக்கு தினசரி பராமரிப்பு, மருத்துவ வசதிகள், பொழுதுபோக்கு நடவடிக்கைகள் உள்ளிட்ட பல்வேறு சேவைகள் வழங்கப்படும் என நிதியமைச்சர் தங்கம் தென்னரசு தெரிவித்தார்.

Mar 14, 2025, 11:36 am IST

தமிழ்நாடு ஸ்டார்ட்அப் சீட் ஃபண்ட்:

தமிழ்நாடு ஸ்டார்ட்அப் மற்றும் இன்னோவேஷன் தொடர்பான திட்டம் 57 (TANSIM) இன் கீழ் வெற்றிகரமாக செயல்பட்டு வரும் தமிழ்நாடு ஸ்டார்ட்அப் சீட் ஃபண்ட்-க்கு ரூ.20 கோடி ஒதுக்கப்பட்டுள்ளது என நிதியமைச்சர் தங்கம் தென்னரசு தெரிவித்தார்.

Mar 14, 2025, 11:36 am IST

கடல் போக்குவரத்து உற்பத்தி கொள்கை 2025:

தமிழ்நாடு கடல் போக்குவரத்து உற்பத்தி கொள்கை 2025 அறிமுகப்படுத்தப்படுகிறது. இந்த கொள்கை கப்பல் மற்றும் படகு வடிவமைப்பு, கப்பல் தயாரிப்பு மற்றும் ship hull உற்பத்தியில் முதலீடு மற்றும் புதுமைகளை ஊக்குவிக்கும்.

Mar 14, 2025, 11:36 am IST

விண்வெளி தொழில்நுட்ப மேம்பாடு:

விண்வெளி தொழில்நுட்ப மேம்பாட்டுக்கு ரூ.10 கோடி ஒதுக்கப்பட்டுள்ளது என நிதியமைச்சர் தங்கம் தென்னரசு தெரிவித்தார்.

Mar 14, 2025, 11:36 am IST

மெட்ரோ ரயில் விரிவாக்கம்:

தாம்பரம் முதல் வேளச்சேரி வழியாக கிண்டி வரை (21 கிமீ) மற்றும் லைட்ஹவுஸ் முதல் உயர் நீதிமன்றம் வரை (6 கிமீ) மெட்ரோ பாதையை நீட்டிக்கும் விரிவான திட்ட அறிக்கை தயாரிக்கப்படும் என நிதியமைச்சர் தங்கம் தென்னரசு தெரிவித்தார்.

Mar 14, 2025, 11:35 am IST

மாநிலத்தின் பல்வேறு பாதைகளில் செமி ஹைய் ஸ்பீட் ரயில் வலையமைப்புகளை உருவாக்கும் வாய்ப்புகளை ஆராய்வோம் என தெரிவித்தார் நிதியமைச்சர் தங்கம் தென்னரசு.

Mar 14, 2025, 11:35 am IST

சென்னை மெட்ரோ ரயில் வலையமைப்பின் விரிவாக்கத் திட்டங்களை மத்திய அரசுக்கு உடனடியாக அனுப்புவோம் என்று தமிழ்நாடு நிதி அமைச்சர் தெரிவித்துள்ளார்.

Mar 14, 2025, 11:35 am IST

மாநில பல்கலைக்கழகங்கள், கல்லூரிகள் மற்றும் ஆராய்ச்சி மையங்களுடன் இணைந்து ப்ராடெக்ட் டிசைன், டெவலப்மென்ட் மற்றும் இன்னோவேஷன் துறையில் ஆராய்ச்சி செய்யும் உலகளாவிய திறன் மையங்கள் மற்றும் உற்பத்தி நிறுவனங்கள் ஊக்கத் தொகைகள் வழங்கப்படும் என நிதியமைச்சர் தங்கம் தென்னரசு தெரிவித்தார். இதற்காக தொழில்துறை ஆராய்ச்சி மற்றும் புதுமை நிதியை அமைக்க ரூ.25 கோடி ஒதுக்கப்பட்டுள்ளது. இது தொழில்துறை-கல்வி இணைப்பை எளிதாக்கும் என நிதியமைச்சர் தங்கம் தென்னரசு தெரிவித்தார்.

Mar 14, 2025, 11:20 am IST

கட்டுமான தொழிலாளர் நலவாரியத்தில் பதிவு செய்துள்ள 40 வயது மேற்பட்ட தொழிலாளர்களுக்கு மாஸ்டர் ஹெல்த் செக்அப் வழங்கப்படும் என நிதியமைச்சர் தங்கம் தென்னரசு தெரிவித்தார்.

Mar 14, 2025, 11:20 am IST

தென் தமிழகம்

மதுரை மற்றும் கடலூரில் தோல் அல்லாத காலணி பூங்காக்கள் அமைக்கப்படுகின்றன, இதன் மூலம் ஒவ்வொரு இடத்திலும் 10,000 பேருக்கு வேலைவாய்ப்பு கிடைக்கும். தமிழ்நாட்டின் தோல் அல்லாத காலணி துறையில் தற்போது ஒரு லட்சம் பேர் பணியாற்றுகின்றனர், இதில் 50% பெண்கள் உள்ளனர் என நிதியமைச்சர் தங்கம் தென்னரசு தெரிவித்தார்.

Mar 14, 2025, 11:19 am IST

கொங்கு மண்டலம்

கோயம்புத்தூரில் மேம்பட்ட பம்ப் மோட்டார் தொழில்நுட்பத்திற்கான சிறப்பு மையம் (COE)அமைக்கப்படுகிறது என நிதியமைச்சர் தங்கம் தென்னரசு தெரிவித்தார்.

Mar 14, 2025, 11:19 am IST

புதிய விமான நிலையம்:

ராமநாதபுரம், இராமேஸ்வரம் பகுதிகளில் அதிகரித்து வரும் சுற்றுலா போக்குவரத்தை கருத்தில் கொண்டு புதிய விமான நிலையம் அமைக்கப்படுகிறது என நிதியமைச்சர் தங்கம் தென்னரசு தெரிவித்தார்.

Mar 14, 2025, 11:19 am IST

தோல் அல்லாத தொழில்கள் வளர்ச்சி:

தமிழ்நாடு தோல் அல்லாத தொழில்களின் மையமாக உருவெடுக்கிறது, இது குறிப்பாக கிராமப்புற பெண்களுக்கு வேலைவாய்ப்புகளை ஏற்படுத்துகிறது. விழுப்புரம், ராணிப்பேட்டை, கள்ளக்குறிச்சி, பெரம்பலூர், அரியலூர் போன்ற மாவட்டங்களில் ஒரு லட்சம் வேலைவாய்ப்புகள் உருவாகும், இதில் 80% பெண்கள் பணியாற்றுவார்கள். இந்த வளர்ச்சியை ஆதரிக்க மேலூர் மற்றும் கடலூரில் தோல் பூங்காக்களை அமைக்க சிப்காட் அமைப்பு வாயிலாக ரூ.250 கோடி முதலீடு செய்யவுள்ளது, இதோடு கள்ளக்குறிச்சியில் திறன் மேம்பாட்டு மையம் ஒன்றும் அமைக்கப்பட உள்ள என நிதியமைச்சர் தங்கம் தென்னரசு தெரிவித்தார்.

Mar 14, 2025, 11:19 am IST

மகளிர் ஆரோக்கிய சேவைகள்:

பெண்கள் அனைவரும் தங்கள் வீட்டிற்கு அருகில் சேவைகளைப் பெறுவதற்காக, முக்கிய புற்றுநோய், இதய நோய் பரிசோதனைகள் மற்றும் வாழ்க்கை முறை மாற்றங்கள் பற்றிய ஆலோசனைகள் என்பவற்றை மருத்துவ குழுக்கள் மூலம் வழங்கப்படும். இதற்கு ரூ.40 கோடி ஒதுக்கப்பட்டுள்ளது என நிதியமைச்சர் தங்கம் தென்னரசு தெரிவித்தார்.

Mar 14, 2025, 11:19 am IST

கர்ப்பப்பை புற்றுநோய் தடுப்பூசி:

14 வயது பெண்கள் அனைவருக்கும் கர்ப்பப்பை புற்றுநோய் தடுப்பூசி அளிக்க தமிழ்நாடு அரசு படிப்படியான அணுகுமுறையை செயல்படுத்துகிறது என நிதியமைச்சர் தங்கம் தென்னரசு தெரிவித்தார்.

Mar 14, 2025, 11:19 am IST

காஞ்சிபுரம், மதுரை (திருப்பரங்குன்றம்), திருச்சி (மண்ணச்சநல்லூர்), கோயம்புத்தூர் (பேரூர்), தர்மபுரி (கரிமங்கலம்) ஆகிய இடங்களில் ITI அமைக்கப்படுகின்றன. இவை ஆறு தொழில்களில் பயிற்சி அளிக்கும், இதன் மூலம் கூடுதலாக 1,370 மாணவர்களுக்கு பயனளிக்கும். இந்த திட்டத்திற்கு தமிழ்நாடு கட்டுமான தொழிலாளர் நலவாரியத்தின் நிதி உதவி பெறும், இத்திட்டத்திற்கு ரூ.148 கோடி செலவாகும் என நிதியமைச்சர் தங்கம் தென்னரசு தெரிவித்தார்.

Mar 14, 2025, 11:19 am IST

ஸ்டார்ட்அப்கள் மற்றும் ஆராய்ச்சியாளர்களுக்கு டேட்டா சென்டர் சேவைகளுக்கான வாவுச்சர்கள் மூலம் ஆதரவு அளிக்கும் திட்டம் தொடங்கப்படுகிறது.

Mar 14, 2025, 11:19 am IST

புதிய நீர்த்தேக்கம் அமைப்பு: சென்னைக்கு அருகில் ரூ.350 கோடி செலவில் புதிய நீர்த்தேக்கம் கட்டப்படுகிறது. இது ஆண்டுக்கு 170 MLD நீரை சென்னை மக்கள் நீர் தேவைக்கு வழங்கும்.

Mar 14, 2025, 11:18 am IST

மின்சார தேவை அதிகரிப்பு: ஒரு டிரில்லியன் டாலர் கனவை நனவாக்க நமது தற்போதைய மின்சார உற்பத்தியை இரட்டிப்பது அவசியம் என்று நிதி அமைச்சர் கூறியுள்ளார். 2025-26 ஆம் ஆண்டில், சூரிய சக்தியிலிருந்து தொடர்ச்சியான மின்சாரத்தை உறுதி செய்ய பேட்டரி எரிசக்தி சேமிப்பு அமைப்புகள் உருவாக்கப்படும்.

Mar 14, 2025, 11:18 am IST

செமிகண்டக்டர் பூங்காக்கள் அமைப்பு: கோயம்புத்தூரில் செமிகண்டக்டர் பூங்காக்கள் அமைக்கப்பட உள்ளதாக என நிதியமைச்சர் தங்கம் தென்னரசு தெரிவித்தார்.

Mar 14, 2025, 11:18 am IST

டிசல் பேருந்துகளை இயற்கை எரிவாயு பேருந்துகளாக மாற்றுதல்: சில டீசல் பேருந்துகளை இயற்கை எரிவாயு பேருந்துகளாக மாற்ற சுமார் ரூ.70 கோடி ஒதுக்கப்படுகிறது என நிதியமைச்சர் தங்கம் தென்னரசு தெரிவித்தார்.

Mar 14, 2025, 10:46 am IST

தமிழக பட்ஜெட்டில், கிக் தொழிலாளர்களுக்கான நலவாரியம் உருவாக்கப்படும் என அறிவிக்கப்பட்டது. இந்த முயற்சி, கிக் தொழிலாளர்கள் சமூக பாதுகாப்பு திட்டங்களில் இணையும் வாய்ப்பை அதிகரிக்கும். கிக் தொழிலாளர்களின் வேலைச்சூழலை மேம்படுத்தும் நோக்கில், அரசு ₹20,000 வரை மின்சார ஸ்கூட்டர் வாங்க உதவித்தொகையை வழங்கும் திட்டத்தை அறிமுகப்படுத்தியுள்ளது.

Mar 14, 2025, 10:42 am IST

கலைஞர் கனவு இல்லம் திட்டம்

கலைஞர் கனவு இல்லம் திட்டத்தின் கீழ் 2030ஆம் ஆண்டிற்குள் தமிழகத்தின் கிராமப்புறங்களில் 8 லட்சம் கான்கிரீட் வீடுகளை கட்ட திட்டமிடப்பட்டுள்ளது. கடந்த ஆண்டில் தொடங்கப்பட்ட 1 லட்சம் வீடுகள் தற்போது வேகமாக கட்டப்பட்டு வருகின்றன. அதனைத் தொடர்ந்து, 2025-26ஆம் ஆண்டில் மேலும் 1 லட்சம் வீடுகள் ரூ.3,500 கோடி செலவில் கட்டப்படும் என நிதியமைச்சர் தெரிவித்தார்.

Mar 14, 2025, 10:42 am IST

தமிழ்நாட்டில் இரண்டு உலக சதுரங்க சாம்பியன்கள் உருவாகிய நிலையில், சதுரங்க விளையாட்டை பள்ளி பாடத்திட்டத்தில் சேர்க்க அரசு முடிவு செய்துள்ளது. இது மாணவர்களின் மூளைத்திறனை மேம்படுத்துவதற்கு உதவும் என நிதியமைச்சர் தங்கம் தென்னரசு தெரிவித்தார்.

Mar 14, 2025, 10:42 am IST

ரூ.2,500 கோடி மதிப்பிலான கல்வி கடன்களை 1 லட்சம் கல்லூரி மாணவர்களுக்கு வழங்க அரசு நடவடிக்கை எடுக்க உள்ளது. இது மாணவர்களின் உயர்கல்வி கனவுகளை நிறைவேற்ற உதவியாக இருக்கும் என நிதியமைச்சர் தங்கம் தென்னரசு தெரிவித்தார்.

Mar 14, 2025, 10:42 am IST

சென்னை மற்றும் கோயம்புத்தூரில் ISC மற்றும் TIFR இணைந்து புதிய அறிவியல் மையங்களை அமைப்பதற்கான ₹100 கோடி திட்டமும் முன்மொழியப்பட்டுள்ளது.

Mar 14, 2025, 10:42 am IST

தமிழ்நாடு அரசு சிங்கப்பூர் நிறுவனங்களுடன் இணைந்து சென்னை மற்றும் கோயம்புத்தூரில் அடிப்படை அறிவியல் மற்றும் கணித ஆராய்ச்சி மையங்களை அமைக்க திட்டமிட்டுள்ளது. இதற்காக ரூ.100 கோடி ஒதுக்கப்பட்டுள்ளது. இது மாநிலத்தில் அறிவியல் ஆராய்ச்சியை மேம்படுத்துவதற்கு முக்கிய பங்கு வகிக்கும் என நிதியமைச்சர் தங்கம் தென்னரசு தெரிவித்தார்.

Mar 14, 2025, 10:33 am IST

உயர்கல்வி விழிப்புணர்வு திட்டம்:

அரசுப் பள்ளிகளில் உயர்கல்வி பற்றிய விழிப்புணர்வை ஏற்படுத்த சுமார் ரூ.50 கோடி ஒதுக்கப்பட்டுள்ளது. இதன் மூலம் ஒரு லட்சம் மாணவர்களுக்குப் பயனளிக்கும் நான் முதல்வன் திட்டத்தின் கீழ் இந்த முயற்சி நடத்தப்படுகிறது என நிதியமைச்சர் தங்கம் தென்னரசு தெரிவித்தார்.

Mar 14, 2025, 10:33 am IST

மத்திய அரசு நிதி தாமதம்:

Samagra Shiksha திட்டத்தின் கீழ் கல்வி முயற்சிகளுக்காக மத்திய அரசு இன்னும் ரூ.2,152 கோடி வெளியிடவில்லை. இந்த நிதி தாமதத்தின் போதும் தமிழ்நாடு அரசு தனது சொந்த நிதியைப் பயன்படுத்தி கல்வித் திட்டங்களை செயல்படுத்த முடிவு செய்துள்ளது. இரு மொழிக் கொள்கையைப் பாதுகாப்பதில் தமிழ்நாடு அரசு உறுதியாக உள்ளது. நிதி பற்றாக்குறை இருந்தபோதிலும் தனது உரிமைகளைக் கைவிடாது என நிதியமைச்சர் தங்கம் தென்னரசு தெரிவித்தார்.

Mar 14, 2025, 10:33 am IST

மாணவர் விடுதிகள் அமைப்பு:

சென்னை, கோயம்புத்தூர் மற்றும் மதுரையில் மாணவர் விடுதிகள் அமைக்க ரூ.275 கோடி ஒதுக்கப்பட்டுள்ளது. இதன் மூலம் ஒவ்வொரு இடத்திலும் 1,000 மாணவர்களுக்குப் பயனளிக்கும் என நிதியமைச்சர் தங்கம் தென்னரசு தெரிவித்தார்.

Mar 14, 2025, 10:32 am IST

அண்ணா பல்கலைக்கழக மேம்பாடு:

அண்ணா பல்கலைக்கழகத்தை ஆசியாவின் சிறந்த கல்வி நிறுவனங்களில் ஒன்றாக வளர்க்க நடவடிக்கைகள் எடுக்கப்படுகின்றன. அடுத்த ஐந்து ஆண்டுகளில் உலகின் முதல் 10 பல்கலைக்கழகங்களில் ஒன்றாக மேம்படுத்துவதற்கான விரிவான திட்டம் தயாரிக்கப்படுகிறது என நிதியமைச்சர் தங்கம் தென்னரசு தெரிவித்தார்.

Mar 14, 2025, 10:32 am IST

புதிய உயர்கல்வி படிப்புகள்:

தமிழ்நாடு பட்ஜெட் 2025 இல் கணினி நுண்ணறிவு (AI), சைபர் பாதுகாப்பு, மேம்பட்ட உற்பத்தி, மின்சார வாகனங்கள் போன்ற துறைகளில் புதிய உயர்கல்வி படிப்புகள் அறிமுகப்படுத்தப்படுகின்றன. இதோடு கல்லூரிகளில் முன்னணி நிறுவனங்களுடன் இணைந்து சிறப்பு மையங்களை (CoE) அமைக்க சுமார் ரூ.50 கோடி செலவிடப்படும் என நிதியமைச்சர் தங்கம் தென்னரசு தெரிவித்தார்.

Mar 14, 2025, 10:23 am IST

அரசுப் பள்ளிகள் உள்கட்டமைப்பு மேம்பாடு:

தமிழ்நாட்டின் அரசுப் பள்ளிகளின் உள்கட்டமைப்பை மேம்படுத்த ரூ.1,000 கோடி ஒதுக்கப்பட்டுள்ளது.

Mar 14, 2025, 10:23 am IST

மூவலூர் இராமாமிர்தம் அம்மையார் புதுமை பெண் திட்டம்:

பொருளாதார ரீதியாகப் பின்தங்கிய பெண்களுக்கு மாதம் ரூ.1,000 உதவித்தொகை வழங்கும் இந்த திட்டம் 4.06 லட்சம் நபர்களுக்கு பயனளிக்கிறது. இதற்கு தற்போதைய ஆண்டில் ரூ.420 கோடி ஒதுக்கப்பட்டுள்ளது. இந்த திட்டம் உயர்கல்வி சேர்க்கையை 19% அதிகரித்துள்ளது என நிதியமைச்சர் தங்கம் தென்னரசு பட்ஜெட் அறிக்கையில் பெருமையுடன் தெரிவித்தார்.

Mar 14, 2025, 10:22 am IST

முதல்வர் காலை உணவு திட்டம்:

தமிழ்நாட்டின் பள்ளி மாணவர்களுக்குப் பயனளிக்கும் முதல்வர் காலை உணவு திட்டம் பள்ளியில் மாணவர்களின் சேர்க்கையை அதிகரித்துள்ளது. இந்த திட்டத்தை மேலும் 3 லட்சம் மாணவர்களுக்கு நகரப் பள்ளிகளில் விரிவுபடுத்தத் திட்டமிடப்பட்டுள்ளது. இதற்கு ரூ.600 கோடி ஒதுக்கப்பட்டுள்ளது.

Mar 14, 2025, 10:22 am IST

இலவச பேருந்து பயணத் திட்டம்:

2024-25 ஆம் ஆண்டில் பெண்களுக்கான இலவச பேருந்து பயணத் திட்டத்திற்கு ரூ.3,600 கோடி மானியம் ஒதுக்கப்பட்டுள்ளது. இதனால் பெண் பயணிகளின் எண்ணிக்கை 40% இலிருந்து 60% ஆக உயர்ந்துள்ளது என நிதியமைச்சர் தங்கம் தென்னரசு தெரிவித்தார்.

Mar 14, 2025, 10:17 am IST

இலவச பேருந்து பயணம்:

தமிழக முதல்வர் பதவியேற்ற உடனேயே விடியல் பயணம் திட்டத்தின் கீழ் பெண்களுக்கு இலவச பேருந்து பயணம் அறிவிக்கப்பட்டது. இதன் மூலம் பெண்கள் ஒரு மாதத்தில் சராசரியாக ரூ.888 சேமிக்கின்றனர்.

Mar 14, 2025, 10:17 am IST

பணிப்பெண்கள் விடுதித் திட்டம்:

மூன்று புதிய பணிப்பெண்கள் விடுதிகள் தமிழ்நாட்டில் அமைக்கப்படும். இதற்கு மேல் ரூ.700 கோடி செலவிடப்படும்.

Mar 14, 2025, 10:16 am IST

கலைஞர் மகளிர் உரிமைத் திட்டம்:

நிதி அமைச்சர் தங்கம் தென்னரசு கலைஞர் மகளிர் உரிமைத் திட்டத்திற்கு ரூ.13,807 கோடி ஒதுக்கப்பட்டுள்ளது என அறிவித்தார்.

Mar 14, 2025, 10:11 am IST

மத்திய அரசு நிதி ஒதுக்கீடு:

மத்திய அரசு தமிழ்நாட்டிற்கு ரூ.3,796 கோடி நிதியை அளிக்க தாமதமாக்கி வருகிறது. இதற்காக தமிழ்நாடு அரசு தொடர்ந்து அழுத்தம் கொடுத்து வருகிறது.

Mar 14, 2025, 10:11 am IST

தொல்லியல் ஆய்வுகள்:

சிவகங்கையில் கீழடி, சேலத்தில் தெலுங்கனூர், கள்ளக்குறிச்சி அதிச்சநல்லூர் உள்ளிட்ட எட்டு இடங்களில் தொல்லியல் அகழாய்வுகள் மேற்கொள்ளப்படும் என்று நிதி அமைச்சர் தங்கம் தென்னரசு அறிவித்துள்ளார்.

Mar 14, 2025, 10:11 am IST

குடிநீர் திட்டங்கள்:

மாநிலம் முழுவதும் குடிநீர் திட்டங்களுக்கு மேலும் நவீனமயமாக்கலுக்கு ரூ.675 கோடி ஒதுக்கப்பட்டுள்ளது. இதோடு ஈரோடு, மயிலாடுதுறை, திருவள்ளூர் உள்ளிட்ட பல மாவட்டங்களில் குடிநீர் திட்டங்களுக்கு மொத்தம் ரூ.26,000 கோடி ஒதுக்கப்பட்டுள்ளது என்று நிதி அமைச்சர் தங்கம் தென்னரசு அறிவித்துள்ளார்.

Mar 14, 2025, 10:10 am IST

புதிய சாலை மேம்பாடுகள்:

வேளச்சேரி மெயின் ரோட்டில் இருந்து குருநானக் கல்லூரி வரை 3 கிமீ நீளமுள்ள உயர்மட்ட சாலை அமைக்கப்படும். இதற்கு ரூ.310 கோடி செலவிடப்படும்.

Mar 14, 2025, 10:10 am IST

புதிய நகரம்:

சென்னை அருகே 2000 ஏக்கருக்கும் மேல் பரப்பளவில் புதிய நகரம் உருவாக்கப்படும். இதற்கான சாலை உள்ளடக்கிய சகல உள்கட்டமைப்பு வசதிகள் உருவாக்கப்படும். இந்த திட்டத்தை TIDCO மேற்பார்வையிடும் என நிதி அமைச்சர் தங்கம் தென்னரசு அறிவித்துள்ளார்.

Mar 14, 2025, 10:10 am IST

கலைஞர் திட்டம்:

கலைஞர் திட்டத்தின் கீழ் 1 லட்சம் வீடுகள் கட்டப்படும். இதற்கு ரூ.3,500 கோடி செலவிடப்படும்.

Mar 14, 2025, 10:04 am IST

தமிழ் புத்தகக் கண்காட்சி:

டெல்லி, மும்பை, பெங்களூர், திருவனந்தபுரம் மற்றும் பல்வேறு ஆசிய நாடுகளில் தமிழ் புத்தகக் கண்காட்சி நடத்தப்படும். இதற்கு ரூ.2 கோடி ஒதுக்கப்பட்டுள்ளது.

Mar 14, 2025, 10:04 am IST

உலகத் தமிழ் ஒலிம்பியாட்:

உலகத் தமிழ் ஒலிம்பியாட் ஆண்டுதோறும் நடத்தப்படும். மதுரையில் இந்திய மொழிகளின் பன்முகத்தன்மையை வெளிப்படுத்தும் மொழி அருங்காட்சியகம் "அகரம்" கட்டப்படுகிறது என தமிழக நிதி அமைச்சர் தங்கம் தென்னரசு தெரிவித்தார்.

Mar 14, 2025, 10:04 am IST

வீட்டுத் திட்டம்:

கடந்த பட்ஜெட்டில் அறிவிக்கப்பட்ட 1 லட்சம் வீடுகள் கட்டும் திட்டம் 2025-26ஆம் ஆண்டிலும் தொடரப்படுகிறது.

Mar 14, 2025, 10:04 am IST

கிராமப்புற சாலைகள்:

கிராமப்புற சாலைகளை மேம்படுத்த ரூ.120 கோடி ஒதுக்கப்பட்டுள்ளது.

Mar 14, 2025, 10:04 am IST

புதிய பாலம்:

சென்னை, வேளச்சேரியில் சுமார் 3 கிலோமீட்டர் நீளமுள்ள புதிய பாலம் கட்டப்படுகிறது. இதற்கு ரூ.310 கோடி ஒதுக்கப்பட்டுள்ளது.

Mar 14, 2025, 10:03 am IST

அடையாறு மறுசீரமைப்பு:

அடையாற்று மறுசீரமைப்புத் திட்டம் ரூ.1,500 கோடி செலவில் தொடங்கப்பட்டு, அடுத்த 15 மாதங்களில் முடிவடையும் என்று எதிர்பார்க்கப்படுகிறது.

Mar 14, 2025, 10:03 am IST

வளர்ச்சி இலக்கு:

தமிழக நிதி அமைச்சர் தங்கம் தென்னரசு இந்த பட்ஜெட்டை அடுத்த 25 ஆண்டுகளுக்கான வளர்ச்சி திட்டமாக வடிவமைத்துள்ளார்.

Mar 14, 2025, 9:24 am IST

தமிழ்நாட்டு பட்ஜெட்டில் ஒவ்வொரு மாவட்டத்திற்கும் ஸ்பெஷல் அறிவிப்பு வருமா..?

Mar 14, 2025, 9:09 am IST

ததும்பி வழியும் தமிழ்ப் பெருமிதம்

உலகை வெல்லும் உயர்தொழில்நுட்பம்#CMMKSTALIN | #DyCMUdhay | #TNDIPR | #TNBudget2025 | #TamilnaduLeads |@CMOTamilnadu @mkstalin@Udhaystalin @TThenarasu @mp_saminathan pic.twitter.com/U325Mygkv7

— TN DIPR (@TNDIPRNEWS) March 14, 2025

ததும்பி வழியும் தமிழ்ப் பெருமிதம் உலகை வெல்லும் உயர்தொழில்நுட்பம்

Mar 14, 2025, 9:07 am IST

இந்த சின்னத்தை வடிவமைத்ததில் தனக்கு மிகுந்த மகிழ்ச்சி இருப்பதாக கூறிய உதயகுமார், அதே நேரத்தில் தற்போது இந்த சின்னம் தொடர்பாக நடக்கும் விவாதங்கள் அவருக்கு கவலையை அளிக்கிறது.

Mar 14, 2025, 9:07 am IST

15 ஆண்டுகளுக்கு முன்பு மத்திய அரசு நடத்திய போட்டியில் வெற்றி பெற்று இந்த சின்னத்தை வடிவமைத்ததாக உதயகுமார் தெரிவித்துள்ளார். இந்த போட்டியின் வெற்றிக்குப் பிறகு, மத்திய அரசு இந்த சின்னத்தை அதிகாரப்பூர்வமாக பயன்படுத்தும் நடைமுறையை அமல்படுத்தியது, தற்போது இது பரவலாக பயன்படுத்தப்பட்டு வருகிறது.

Mar 14, 2025, 9:07 am IST

சின்னத்தில் மாற்றம் செய்வதற்கான காரணங்கள் தனக்கு முழுமையாகத் தெரியவில்லை என்று கூறிய உதயகுமார் "மாநில அரசுக்கு அதற்கான காரணங்கள் மற்றும் பார்வைகள் இருக்கலாம்" என்று தெரிலித்தார்.

Mar 14, 2025, 9:07 am IST

ரூபாய் சின்னத்தை வடிவமைத்த உதயகுமார் தர்மலிங்கம், தற்போது சின்னம் தொடர்பாக நடக்கும் விவாதங்கள் தனக்கு அதிர்ச்சியை அளிப்பதாகக் கூறுகிறார். "இப்படி ஒரு விவாதம் நடக்கும் என்று நான் கனவிலும் நினைக்கவில்லை" என்று அவர் குறிப்பிட்டு உள்ளார்.

Mar 14, 2025, 8:42 am IST

தமிழக சட்டசபை பட்ஜெட் கூட்டத் தொடர் இன்று காலை 9.30 மணிக்கு தொடங்குகிறது. இதை தொடர்ந்து தமிழ்நாாட்டின் நிதி அமைச்சர் தங்கம் தென்னரசு இன்று சட்டமன்றத்தில் 2025-26 ஆம் ஆண்டிற்கான பட்ஜெட்டை தாக்கல் செய்கிறார்.

Mar 14, 2025, 8:40 am IST

சென்னை மாநகராட்சி சென்னை மத்திய ரயில் நிலையம், கோயம்பேடு பேருந்து நிலையம், மரினா கடற்கரை, பாண்டி பஜார் சாலை, திருவான்மியூர் கடற்கரை உள்ளிட்ட சுமார் 100 இடங்களில் பட்ஜெட் நேரலை திரையிடப்படுகிறது. இதன் மூலம் பொதுமக்கள் பட்ஜெட் அறிவிப்புகளை நேரடியாக பார்க்க முடியும்.

Mar 14, 2025, 8:39 am IST

மகளிர் உரிமை தொகை திட்டத்தின் கீழ் புதிதாக விண்ணப்பித்துள்ளவர்களுக்கு 3 மாதங்களில் உரிமைத்தொகை வழங்கப்படும் என்று அறிவிக்கப்பட்டுள்ளது. அரசின் தகுதிகளுக்கு உட்பட்ட அனைவருக்கும் இத்திட்டத்தின் கீழ் பலன் பெறலாம்.

Mar 14, 2025, 8:39 am IST

மகளிர் உரிமை தொகை திட்டத்தின் கீழ் தமிழ்நாட்டில் வசிக்கும் தகுதியான பெண்களுக்கு மாதாந்திரமாக ₹1,000 நிதி உதவி வழங்கப்படுகிறது. இதை 1500 ஆக உயர்த்துமா என்பது கேள்விகுறிதான்.

Mar 14, 2025, 8:39 am IST

தமிழ்நாடு துணை முதல்வர் உதயநிதி ஸ்டாலின் சமீபத்தில் மகளிர் உரிமை தொகை திட்டத்தை விரிவுபடுத்துவதற்கான அறிவிப்பு வெளியிட்டுள்ளார். இதன் மூலம் மேலும் பல பெண்களுக்கு பயனளிக்கும் வகையில் இத்திட்டம் குறித்து முக்கிய அறிவிப்பு இன்றைய பட்ஜெட்டில் வரும் என எதிர்பார்க்கப்படுகிறது.

Mar 14, 2025, 8:35 am IST

சென்னை மாநகராட்சி மூலம் சென்னையில் 100 இடங்களில் பட்ஜெட் நேரடியாக ஒளிபரப்பப்படும்.

Mar 14, 2025, 8:35 am IST

பட்ஜெட் அறிவிப்புகளை பொதுமக்கள் நேரலையில் பார்க்கும் வகையில் தமிழ்நாடு முழுவதும் 936 இடங்களில் பிரம்மாண்ட திரைகள் அமைக்கப்பட்டுள்ளன.

Mar 14, 2025, 8:35 am IST

2026 ஆம் ஆண்டு தமிழ்நாட்டில் சட்டமன்றத் தேர்தல் நடைபெறவிருக்கிறது. எனவே, இந்த பட்ஜெட் மக்களை கவரும் வகையில் இருக்கும் என்று எதிர்பார்க்கப்படுகிறது

Mar 14, 2025, 8:35 am IST

இன்றைய பட்ஜெட்டில் பல முக்கியமான அறிவிப்புகள் வெளியிடப்படும் என்று எதிர்பார்க்கப்படுகிறது. குறிப்பாக சமூக நல திட்டங்களுக்கு அதிக செலவுகள் செய்யப்படும் என்று எதிர்பார்க்கப்படுகிறது

Mar 14, 2025, 8:33 am IST

2023-24 ஆம் ஆண்டில் தமிழ்நாட்டின் GSDP ரூ.27.22 லட்சம் கோடியாக இருந்தது.

Mar 14, 2025, 8:33 am IST

மிழ்நாடு இந்தியாவின் மொத்த உள்நாட்டு உற்பத்தியில் 8.8% பங்களிப்பை வழங்குகிறது, இதன் மூலம் இரண்டாவது பெரிய பொருளாதார மாநிலமாக உள்ளது.

Mar 14, 2025, 8:33 am IST

2022-23 ஆம் ஆண்டில் தமிழ்நாட்டின் தனிநபர் வருமானம் ரூ.2.78 லட்சமாக இருந்தது, இது தேசிய சராசரியை விட 1.64 மடங்கு அதிகம்.

Mar 14, 2025, 8:33 am IST

தமிழ்நாடு 2030 ஆம் ஆண்டுக்குள் 1 டிரில்லியன் டாலர் பொருளாதாரத்தை அடையும் நோக்கத்துடன் செயல்படுகிறது.

Mar 14, 2025, 8:33 am IST

தமிழ்நாட்டின் பொருளாதாரம் 8% ஐ விட அதிகமான வளர்ச்சி விகிதத்தை தொடர்ந்து பராமரிக்கும் என்று எதிர்பார்க்கப்படுகிறது.

Mar 14, 2025, 8:29 am IST

ஆட்டோமொபைல், மருந்துகள், ஜவுளி, தோல் பொருட்கள், ரசாயனங்கள், பொறியியல் தயாரிப்புகள் மற்றும் தகவல் தொழில்நுட்பத் துறைகளில் தமிழ்நாடு முன்னணியில் உள்ளது.

Mar 14, 2025, 8:29 am IST

தனியார் துறையின் முதலீடு தமிழ்நாட்டின் பொருளாதார வளர்ச்சிக்கு முக்கிய ஆதாரமாக உள்ளது. 1990களின் தாராளமயக் கொள்கைகள் இதற்கு முக்கிய காரணம். இதை தொடர்ந்து தமிழ்நாடு அரசு கொள்கை அடிப்படையில் கொண்டு வந்த மாற்றங்கள் மாநிலத்தின் வளர்ச்சிக்கு நிலையான ஊக்கத்தை கொடுத்துள்ளது.

Mar 14, 2025, 8:29 am IST

இந்தியாவில் 16% தொழிற்சாலைகள் தமிழ்நாட்டில் உள்ளன, மேலும் தொழில்துறை உற்பத்தியில் 10% பங்களிப்பு செய்கிறது.

Mar 14, 2025, 8:29 am IST

தமிழ்நாட்டின் முதல் பொருளாதார ஆய்வறிக்கை 2024-25ல் தமிழ்நாடு இந்தியாவின் மொத்த உள்நாட்டு உற்பத்தியில் 8.8% பங்களிப்பு செய்கிறது, இதனால் இது இரண்டாவது பெரிய பொருளாதார மாநிலமாக உள்ளது.

Mar 14, 2025, 8:27 am IST

தமிழ்நாடு அரசு பட்ஜெட்டில் தேசிய ரூபாய் சின்னத்தை நீக்கி, தமிழ் எழுத்துக்களை பயன்படுத்துவது முதன்முறையாகும். இந்த நடவடிக்கையை மத்திய நிதி அமைச்சர் நிர்மலா சீதாராமன் விமர்சித்து, 2010 ஆம் ஆண்டு காங்கிரஸ் அதிகாரப்பூர்வமாக ரூபாய் சின்னத்தை ஏற்றுக்கொண்டபோது ஏன் எதிர்ப்பு தெரிவிக்கவில்லை என்று கேட்டுள்ளார்.

Mar 14, 2025, 8:19 am IST

தமிழ்நாடு அரசு வெளியிட்ட பட்ஜெட் லோகோவில் 'ரூ' என்ற எழுத்து இடம்பெற்றுள்ளது. இது தமிழ் மொழியில் இந்திய நாணயத்தைக் குறிக்கும் 'ரூபாய்' என்ற சொல்லின் முதல் எழுத்து ஆகும்.

Mar 14, 2025, 8:18 am IST

முந்தைய பட்ஜெட்டின்படி, ஒரு ரூபாயை தமிழ்நாடு அரசு செலவிடும் விதம்: சம்பளம், ஓய்வூதியம் மற்றும் ஓய்வு பலன்களுக்கு: 27% கடன் திருப்பிச் செலுத்துதல் மற்றும் வட்டிக்கு: 23.2% மூலதன செலவினங்களுக்கு: 10.5%

Mar 14, 2025, 8:17 am IST

மத்திய அரசு வரி வசூலிக்கும் ஒவ்வொரு ரூபாய்க்கும் தமிழ்நாடு திரும்பப் பெறும் தொகை 28 பைசா மட்டுமே.

Mar 14, 2025, 8:17 am IST

முந்தைய பட்ஜெட்டின்படி, ஒரு ரூபாயை தமிழ்நாடு அரசு செலவிடும் விதம்: சம்பளம், ஓய்வூதியம் மற்றும் ஓய்வு பலன்களுக்கு: 27% கடன் திருப்பிச் செலுத்துதல் மற்றும் வட்டிக்கு: 23.2% மூலதன செலவினங்களுக்கு: 10.5%