கோயம்புத்தூர், திருப்பூர், சென்னை.. தமிழ்நாட்டின் 24.4 பில்லியன் டாலர் ஏற்றுமதியின் 3 தூண்..!!

2023-24 நிதியாண்டின் முதல் 6 மாதங்களில் தமிழகத்தின் மொத்த ஏற்றுமதி 24.4 பில்லியன் அமெரிக்க டாலராக உயர்ந்து உள்ளது. இதுமட்டும் அல்லாமல் இந்தியாவிலேயே 3வது பெரிய ஏற்றுமதி மாநிலமாக உள்ளது. குஜராத் முதல் இடத்தையும், மகாராஷ்டிரா 2வது இடத்தையும் பிடித்திருக்கும் வேளையில் தமிழ்நாடு 3வது இடத்தில் உள்ளது.

நடப்பு நிதியாண்டின் முதல் 6 மாதத்தில் தமிழ்நாட்டில் செய்யப்பட்ட ஏற்றுமதி, கடந்த ஆண்டின் மொத்த ஏற்றுமதியில் 62% ஆகும். இதன் மூலம் இந்த ஆண்டு 50 பில்லியன் டாலர் அளவீட்டை தொட அதிகப்படியான வாய்ப்புகள் உள்ளது.

தமிழ்நாட்டில் இருந்து அதிகம் மதிப்பில் ஏற்றுமதி செய்யப்பட்ட பொருட்களில் டாப் 5 இடங்களை பிடித்தது பொறியியல் பொருட்கள், எலக்ட்ரானிக்ஸ் பொருட்கள், ஜவுளிகளின் ஆயத்த ஆடைகள், பருத்தி நூல், கைத்தறி பொருட்கள், தோல் மற்றும் தோல் உற்பத்தியாளர்கள்.

2023-24 நிதியாண்டின் முதல் 6 மாதங்களில் ஒட்டுமொத்த இந்தியாவும் சுமார் 244.89 பில்லியன் டாலர் மதிப்பிலான பொருட்களை ஏற்றுமதி செய்யப்பட்டு உள்ள நிலையில் தமிழ்நாட்டின் பங்கீடு மட்டுமே 10 சதவீதம்.

முதல் இடத்தில் இருக்கும் குஜராத் 32.16 சதவீதத்துடன் 77.132 பில்லியன் டாலர் மதிப்பிலான பொருட்கள் ஏற்றுமதி செய்துள்ளது. குஜராத் மாநிலத்தில் அதிகம் ஏற்றுமதி செய்துள்ள பொருட்கள் என பார்த்தால், மொத்த ஏற்றுமதியில் 47.61 சதவீத பங்கீட்டை வகிப்பது பெட்ரோலியம் பொருட்கள் தான். எல்லா புகழும் ரிலையன்ஸ் இண்டஸ்ட்ரீஸ்-க்கு மட்டுமே.

குஜராத் மாநிலத்தில் பெட்ரோலியம் பொருட்களை தாண்டி இன்ஜினியரிங் கூட்ஸ், ஆர்கானிக் மற்றும் இன்ஆர்கானிக் கெமிக்கல், ரத்தினம் மற்றும் நகைகள், மருத்து பொருட்கள் டாப் 5 இடங்களை பிடித்துள்ளது. 3வது இடத்தில் இருக்கும் மகாராஷ்டிரா முதல் 6 மாத்தில் 38.54 பில்லியன் டாலர் மதிப்பிலான பொருட்களை ஏற்றுமதி செய்துள்ளது.