செஸ் சாம்பியன் குகேஷுக்கு ஜாக்பாட்.. தமிழக அரசு அறிவித்த மெகா பரிசு..!!

சென்னை: உலக செஸ் சாம்பியன்ஷிப் போட்டியில் வெற்றி பெற்ற குகேஷ் குறித்து தான் நாடு முழுவது பரவலாக பேசப்பட்டு வருகிறது. இந்நிலையில் உலக சாம்பியன்ஷிப் வெற்றி பெற்றுள்ள குகேஷுக்கு 5 கோடி ரூபாய் பரிசு வழங்கப்படும் என தமிழ்நாடு முதலமைச்சர் மு. க. ஸ்டாலின் அறிவித்துள்ளார்.

உலகமே உற்று நோக்கிய சிங்கப்பூரில் நடைபெற்ற உலக செஸ் சாம்பியன்ஷிப் போட்டியில் இந்தியாவை சேர்ந்த முகேஷ் வெற்றி பெற்று சாம்பியன் என்ற பட்டத்தை வென்றுள்ளார். இந்தியாவே அவருடைய வெற்றியை கொண்டாடுகிறது.

சமூகவலைதளங்கள் வாயிலாக இவருக்கு வாழ்த்துக்கள் குவிந்து வருகின்றன. வியாழக்கிழமை அன்று குகேஷ் சாம்பியன்ஷிப் பட்டம் வென்ற உடனே தமிழ்நாடு முதலமைச்சர் ஸ்டாலின் தன்னுடைய எக்ஸ் தள பக்கத்தில் குகேஷுக்கு தன்னுடைய வாழ்த்துக்களை பகிர்ந்திருந்தார்.

இந்த நிலையில் தமிழ்நாடு அரசு சார்பாக வெளியிடப்பட்டுள்ள அறிக்கையில் உலக செஸ் சாம்பியன்ஷிப் போட்டி தமிழகத்தில் கடந்த 2022 ஆம் ஆண்டு மிகச் சிறப்பாக திட்டமிட்டு நடத்தப்பட்டது என்பது குறிப்பிடப்பட்டுள்ளது. அதில் பங்கேற்று வெற்றி பெற்ற தமிழகத்தை சேர்ந்த அனைத்து வீரர்களையும் முதலமைச்சர் ஸ்டாலின் நேரில் அழைத்து பாராட்டி பரிசுகளை வழங்கினார் என குறிக்கப்பட்டுள்ளது.

தற்போது சிங்கப்பூரில் நடைபெற்ற உலக செஸ் சாம்பியன்ஷிப் போட்டியில் தமிழகத்தை சேர்ந்த டி குகேஷ் நடப்பு சாம்பியனான சீனாவின் டிங் லிரெனினை வென்று சாதனை படைத்துள்ளார். மிக இளம் வயதிலேயே உலக செஸ் சாம்பியன்ஷிப் போட்டியில் வென்று உலக செஸ் சாம்பியனாக வாகை சூடி சாதனை படைத்து இந்தியாவுக்கும் தமிழகத்திற்கும் பெருமை சேர்த்த டி குகேஷை முதலமைச்சர் ஸ்டாலின் தொலைபேசி வாயிலாக தொடர்பு கொண்டு வாழ்த்து தெரிவித்தார் என அதில் கூறப்பட்டுள்ளது.

முதலமைச்சர் தன்னுடைய எக்ஸ் தள பக்கத்திலும் குகேஷின் புகைப்படத்தை பதிவிட்டு வாழ்த்து கூறியிருந்தார். இந்த நிலையில் தமிழகத்துக்கு பெருமை சேர்த்துள்ள குகேஷுக்கு 5 கோடி ரூபாய் பரிசு வழங்க வேண்டும் என துணை முதலமைச்சர் உதயநிதி ஸ்டாலின் முதலமைச்சர் ஸ்டாலினுக்கு கோரிக்கை விடுத்திருந்தார்.

இதனை ஏற்றுக் கொண்டுள்ள முதலமைச்சர் ஸ்டாலின் , டி. குகேஷை மேலும் ஊக்குவிக்கும் வகையில் அவருக்கு 5 கோடி ரூபாய் ரொக்க பரிசு வழங்கப்படும் என தெரிவித்துள்ளார் என்று அதில் குறிப்பிடப்பட்டுள்ளது. குகேஷ் சென்னை திரும்பிய உடன் இதற்கான நிகழ்ச்சி நடத்தப்பட்டு ரொக்கப் பரிசு வழங்கப்படும் என தகவல்கள் கூறுகின்றன.

Story Written by: Devika