கறவை மாடுகள் வாங்க 200 கோடி கடன்.. தமிழ்நாடு அரசு வேற லெவல்..!!

தமிழகத்தில் முதல்வர் மு.க.ஸ்டாலின் தலைமையில் தி.மு.க. ஆட்சி நடைபெற்று வருகிறது. மாநிலத்தில் பால் உற்பத்தி மற்றும் விற்பனையை அதிகரிக்க அரசு கடுமையான முயற்சிகளை மேற்கொண்டு வருகிறது.

அதன் ஒரு பகுதியாக மாநிலத்தில் 2 லட்சம் பால் விவசாயிகளுக்கு முன்பணமாக கடன் வழங்கும் திட்டத்தை செயல்படுத்தி வருகிறது. இதற்கு பால் விவசாயிகள் மத்தியில் நல்ல வரவேற்பு காணப்படுகிறது. கடந்த இரண்டு மாதங்களில் கறவை மாடுகள் வாங்குவதற்காக பால் விவசாயிகளுக்கு மொத்தம் ரூ.200 கோடி கடன் வழங்கப்பட்டுள்ளது.

கும்பகோணம் அருகில் உள்ள தாராசுரத்தில் ஆவின் பால் பார்லரை மாநில பால் மற்றும் பால்வள மேம்பாட்டு துறை அமைச்சர் மனோ தங்கராஜ் திறந்து வைத்தார். அதன் பிறகு அவர் செய்தியாளர்களிடம் பேசுகையில் கூறியதாவது: மாநிலத்தில் இரண்டு லட்சம் பால் விவசாயிகளுக்கு கறவை மாடுகள் வாங்க முன்பணமாக கடன் வழங்கும் திட்டம் செயல்படுத்தப்பட்டு வருகிறது.

மானியத்துடன் கூடிய கடனுக்காக 1.10 லட்சம் விண்ணப்பங்கள் வந்துள்ளன. இதுவரை 40,000 விவசாயிகளுக்கு கால்நடைகள் வாங்க கடன் வழங்கப்பட்டுள்ளது. மீதமுள்ள விண்ணப்பங்கள் பரிசீலனையில் உள்ளன.

கடந்த 2 மாதங்களில் கறவை மாடுகள் வாங்குவதற்காக மொத்தம் ரூ.200 கோடி கடனாக வழங்கப்பட்டுள்ளது. பசு மாடுகள் வாங்குவதற்காக வழங்கும் கடனுக்கு வங்கிகள் முன்பு 15 சதவீதம் வட்டி வசூலித்து வந்தன. தற்போது அது 9 சதவீதமாக குறைக்கப்பட்டுள்ளது.

நுகர்வோருக்கு வழங்கப்படும் பாலின் தரம் குறித்து, தரக்கட்டுப்பாட்டு அலுவலர்களுக்கு FSSAI மற்றும் ISO நிர்ணயித்த தரநிலைகள் குறித்த பயிற்சி அளிக்கப்படுகிறது. பால் கொள்முதல் நிலையில் இருந்து செயலாக்கம் மற்றும் விநியோகம் வரை தர செயல்பாட்டு விதிமுறைகள் நடைமுறையில் உள்ளன. எனவே நுகர்வோருக்கு வழங்கப்படும் ஆவின் பால் தரம் குறித்து அச்சப்படுவதற்கு இடமில்லை.

புதிய ஆவின் விற்பனை நிலையங்கள் திறக்கப்பட்டு வருகின்றன. வேலையில்லாத இளைஞர்களுக்கு இது போன்ற கடைகளை திறக்க ஊக்குவிக்கப்படுகின்றனர். இந்த முயற்சிக்கு கடன்களை ஏற்பாடு செய்வதன் மூலம் அரசாங்கம் இளைஞர்களுக்கு உதவுகிறது. இவ்வாறு அவர் தெரிவித்தார்.

தமிழக அரசின் பால்வளத்துறையின் கீழ் ஆவின் பால் நிறுவனம் செயல்பட்டு வருகிறது. ஆவின் நிறுவனம் தினந்தோறும் 4.20 லட்சம் பால் விவசாயிகளிடமிருந்து நாளொன்றுக்கு சராசரியாக 36 லட்சம் லிட்டர் பால் கொள்முதல் செய்து வருகிறது. மேலும் 30 லட்சம் லிட்டர் பாலை பொதுமக்களுக்கு விநியோகம் செய்கிறது.