ரூ.1.17 லட்சம் கோடியாக அதிகரித்த கடன்.. கவலையில் டாடா மோட்டார்ஸ்..!

டெல்லி : பொதுவாக ஆட்டோமொபைல் துறையில் நிலவி வரும் மந்த நிலையால், ஆட்டோமொபைல் உற்பத்தி நிறுவனங்கள் சில நஷ்டம் கண்டுள்ள நிலையில், முன்னணி நிறுவனமான டாடா மோட்டார்ஸ் நிறுவனத்தின் கடன் 1,17,571 கோடி ரூபாயாக அதிகரித்துள்ளதாக அந்த நிறுவனம் கூறியுள்ளது.

இது கடந்த ஜூன் காலாண்டில் 1,14,318 கோடி ரூபாயாக இருந்தது குறிப்பிடத்தக்கது.

இந்த நிலையில் இந்த நிறுவனத்தின் குழும நிறுவனமான டாடா சன்ஸ் நிறுவனத்திடமிருந்து, டாடா மோட்டார்ஸ் நிறுவனத்துக்கு 6,500 கோடி ரூபாய் மதிப்புள்ள ஊக்கத் தொகை பெற உள்ளதாகவும் கூறப்படுகிறது.

ஆட்டோமொபைல் துறையில் நிலவி வரும் நீடித்து மந்த நிலையில் இந்த கடன் அதிகரித்துள்ளதாகவும், இது கடந்த ஜூன் காலாண்டில் 1,14,318 கோடி ரூபாயாக இருந்ததாகவும் , இது கடந்த செப்டம்பர் காலாண்டில் 1,17,571 கோடி ரூபாயாகவும் அதிகரித்துள்ளது.

இதில் குறிப்பாக வாகன வணிகத்தின் நிகர கடன் 46,515 கோடி ரூபாயிலிருந்து, 50,065 கோடி ரூபாயாக அதிகரித்துள்ளது. மார்ச் 2019ல் இதன் நிகர கடன் 28,391 கோடி ரூபாயாக இருந்துள்ள நிலையில். இதே ஒருங்கிணைந்த நிகர வாகன கடன் பங்கு விகிதம் 0.96 ஆக உயர்ந்துள்ளது. இது முந்தைய ஆண்டில் 0.43 விகிதமாக இருந்துள்ளது குறிப்பிடத்தக்கது.

இதே இந்த நிறுவனத்தின் முழுமையான வருவாய் 43.7 சதவிகிதம் குறைந்து 10,000 கோடி ரூபாயாக இருந்தது. அதே நேரம் கடந்த செப்டம்பர் காலாண்டில் வெறும் 109 கோடி ரூபாயை மட்டுமே லாபமாக கண்டுள்ளது.

கடந்த ஜூலை - செப்டம்பர் காலாண்டில் விற்பனை 44 சதவிகிதம் சரிந்துள்ளதாகவும், இதே வர்த்தக வாகனங்கள் பிரிவில் 42 சதவிகிதம் குறைந்துள்ளதாகவும், இதே பயணிகள் வாகன விற்பனை 52 சதவிகிதம் குறைந்துள்ளதாகவும் ஏற்றுமதியும் 33 சதவிகிதம் சரிந்துள்ளதாகவும் கூறப்படுகிறது.

இதே முன்னணி கார் உற்பத்தியாளரான மாருதி சுசூகியின் விற்பனை இரண்டாவது காலாண்டில் 30.2 சதவிகிதம் விற்பனை சரிவடைந்தது. இதன் நிகர விற்பனை மதிப்பு 25.2 சதவிகிதம் குறைந்து 16,120 கோடி ரூபாயாக குறைந்துள்ளது.