வரலாறு காணாத அளவில் ஸ்டீல் உற்பத்தி.. அசத்திய டாடா ஸ்டீல் நிறுவனம்.. சூப்பர் சாதனை

சென்னை: ஸ்டீல் இந்தியா ஒரு வருடத்தில் இதுவரை இல்லாத அளவுக்கு ஸ்டீல் உற்பத்தி செய்துள்ளது. 2023 முதல் 2024 வரையிலான காலக்கட்டத்தில் 20.8 மில்லியன் மெட்ரிக் டன்கள். நிறுவனம் பகிர்ந்துள்ள தரவுகளின்படி, இது முந்தைய ஆண்டை விட 4 சதவிகிதம் அதிகம்.

2023 - 2024 ஆம் நிதியாண்டில், Q 4 காலாண்டில், கச்சா எஃகு உற்பத்தி அதிகரித்துள்ளது. இதனால் ஸ்டீல் உற்பத்தியில் 4 சதவிகிதம் வளர்ச்சி ஏற்பட்டுள்ளது. டெலிவெரிகளும் மிக பெரிய வளர்ச்சியைக் கண்டுள்ளது.

அதேசமயத்தில், நெதர்லாந்தில் டாடா ஸ்டீலின் உற்பத்தி 2023 முதல் 2024 ஆம் ஆண்டில் 4.8 மில்லியன் மெட்ரிக் டன்களாகக் குறைந்துள்ளது, இது முந்தைய ஆண்டுடன் ஒப்பிடும்போது 24 சதவிகிதம் குறைவாகும். இதற்கிடையில், யூகே வில் முந்தைய ஆண்டுடன் ஒப்பிடும்போது உற்பத்தி சமமாகி 3.02 மில்லியன் மெட்ரிக் டன்னாக உள்ளது.

டாடா ஸ்டீல் இந்தியா கடந்த ஆண்டை விட 6 சதவீதம் கூடுதலாக விநியோகம் செய்துள்ளது. இந்த விநியோகம் 2022-2023 ஆண்டை விட அதிகமாகும்.

கடந்த ஆண்டுடன் ஒப்பிடுகையில் டெலிவரிகள் 9 சதவிகிதம் அதிகரித்துள்ளன, இது இந்தியாவில் ஸ்டீல் தேவை அதிகரிப்பு போன்ற காரணங்களால் இந்த வளர்ச்சி ஏற்பட்டுள்ளது.

2023-2024 நிதியாண்டின் 4வது காலாண்டில், விநியோகங்கள் முந்தைய காலாண்டுடன் ஒப்பிடும்போது 11 சதவிகிதமாக உள்ளது, மற்றும் கடந்த ஆண்டின் Q 4 காலாண்டுடன் ஒப்பிடும்போது 5 சதவிகிதம் அதிகரித்து, 5.41 மில்லியன் டன்களை எட்டியது. இதுவரை பதிவுசெய்யப்பட்ட காலாண்டு டெலிவரிகளில் இதுவே அதிகபட்சம்.

டாடா ஸ்டீல் நெதர்லாந்து FY24 இல் 4.80 மில்லியன் டன் ஸ்டீல் உற்பத்தி செய்துள்ளது.மேலும், விநியோகம் 5.30 மில்லியன் டன்களை எட்டியது. முந்தைய காலாண்டுடன் ஒப்பிடும்போது உற்பத்தி மற்றும் விநியோகங்களில் முன்னேற்றம் ஏற்பட்டுள்ளது.

டாடா ஸ்டீல் UK ஆனது FY24 இல் 3.02 மில்லியன் டன்கள் ஸ்டீல் உற்பத்தி செய்து 2.80 மில்லியன் டன்களை வழங்கியுள்ளது. காலாண்டுடன் ஒப்பிடும்போது உற்பத்தி நிலையானதாக இருந்தது. அதே நேரத்தில் விநியோகங்கள் 8 சதவிகிதம் அதிகரித்து 0.69 மில்லியன் டன்களாக இருந்தது.

2023-24 நிதியாண்டில், "பிராண்டட் தயாரிப்புகள் மற்றும் சில்லறை விற்பனை" பிரிவில் டெலிவரிகள் முந்தைய ஆண்டை விட 11 சதவிகிதம் அதிகரித்து, 6.5 மில்லியன் டன்களை எட்டியது. இது 2022-2023 ஆம் நிதியாண்டில் இருந்ததை விட அதிகம்.

தனிநபர் வீடு கட்டுபவர்களுக்கான நிறுவனத்தின் இ-காமர்ஸ் தளமான டாடா ஸ்டீல் ஆஷியானாவின் வருவாய் 2024 ஆம் நிதியாண்டில் 2,240 கோடி ரூபாய். இந்த வருவாய் முந்தைய ஆண்டை விட 30% அதிகமாகும்.

அக்டோபர் டிசம்பர் காலாண்டில் டாடா ஸ்டீல் நிறுவனம் ரூ.522.14 கோடி நிகர லாபத்தைப் பதிவு செய்துள்ளது. இது முந்தைய ஆண்டின் இதே காலாண்டில் ரூ.2,501.95 கோடியிலிருந்து குறிப்பிடத்தக்க முன்னேற்றமாகும்.

FY24 இல் டாடா ஸ்டீலின் செயல்திறன் பல்வேறு பிரிவுகளில் குறிப்பிடத்தக்க சாதனைகளைப் படைத்துள்ளது