Just In
-
-
-
-
Don't Miss
-
Mango Benefits: ஆண்கள் தினமும் ஒரு மாம்பழம் சாப்பிடுவதால் என்னென்ன நன்மைகள் கிடைக்கும்-ன்னு தெரியுமா? -
தேவ கவுடா காலத்தில் தொடங்கிய சினிமாவை மிஞ்சும் 40 ஆண்டுகால அரசியல் பகை.. ஹாசனில் மோதும் 'பேரன்கள்'! -
நீங்கள் என் படத்தை பார்த்திருக்க மாட்டீங்க.. ஹரியிடம் ஓபனாக சொன்ன கமல் ஹாசன் -
கைக்கு 2 ஆர்டர்.. அவ்ளோ கம்மி.. AMOLED டிஸ்பிளே.. ப்ளூடூத் காலிங்.. ஹெல்த் டிராக்கர்கள்.. எந்த மாடல்? -
இதுதான் ரியல் ட்விஸ்ட்.. ஓய்வுக்கு பின் சிஎஸ்கே அணியின் முக்கிய பதவிக்கு வரப்போகும் தல தோனி? -
தண்ணீரை சேமிக்க இப்படி ஒரு வழியா? இனி ரயில்களில் 1லிக்கு பதிலாக 500 மிலி தண்ணீர் மட்டும் வழங்க முடிவு! -
ஜூன் 16-ல் யுஜிசி நெட் தேர்வு...ஏற்பாடுகள் தயார்...!! -
இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
இந்தியாவின் முன்னணி ஸ்டீல் உற்பத்தி நிறுவனமான டாடா ஸ்டீல் செப்டம்பர் காலாண்டு முடிவுகளை இன்று வெளியிட்டு உள்ளது.
இக்காலாண்டில் இந்தியா முதல் அமெரிக்கா வரையில் பெரும்பாலான நிறுவனங்கள் மந்தமான முடிவுகளை வெளியிட்டு முதலீட்டாளர்களைச் சோகத்தில் ஆழ்த்தி வரும் நிலையில் டாடா ஸ்டீல் அதிர்ச்சி அடைய வைத்துள்ளது என்று தான் சொல்ல வேண்டும்.
டாடா ஸ்டீல் முடிவுகளைக் கண்டு இந்நிறுவன முதலீட்டாளர்கள் சோகத்தின் உச்சத்தில் உள்ளனர்.
டாடா ஸ்டீல்
டாடா குழுமத்தின் மிகவும் முக்கியமான வர்த்தக நிறுவனமாக இருக்கும் டாடா ஸ்டீல் செப்டம்பர் காலாண்டு லாபம் அளவு கடந்த ஆண்டை ஒப்பிடுகையில் சுமார் 87 சதவீதம் சரிந்து வெறும் 1,514 கோடி ரூபாய் மட்டுமே பெற்றுள்ளது. இதேபோல் டாடா ஸ்டீல் இக்காலாண்டில் 59,877.5 கோடி ரூபாய் என்ற 1 சதவீதம் குறைவான வருமானத்தைப் பெற்று உள்ளது.
EBITDA அளவு
டாடா ஸ்டீல் நிறுவனத்தின் லாபம் குறைய மிகவும் முக்கியமான காரணம் அதிகப்படியான செலவுகளும், மந்தமான ஆப்ரேட்டிங் மார்ஜின் தான். டாடா ஸ்டீல் நிறுவனத்தின் EBITDA அளவு 62 சதவீதம் சரிந்து 6,060.4 கோடி ரூபாயாகவே உள்ளது.
அப்ரேட்டிங் மார்ஜின்
இக்காலாண்டில் அப்ரேட்டிங் மார்ஜின் 17.13 சதவீதம் சரிந்து 10.12 சதவீதமாக உள்ளது, இதேபோல் உற்பத்தி பொருள் விலை கடந்த ஆண்டை காட்டிலும் 57 சதவீதம் அதிகரித்துள்ளது.
வர்த்தகம்
டாடா ஸ்டீல் நிறுவனத்தின் இந்திய வர்த்தகம் வளர்ச்சி காலாண்டு அடிப்படையில் 21 சதவீதமும், வருடாந்திர அடிப்படையில் 7 சதவீதமும் வளர்ச்சி அடைந்துள்ளது. ஆனால் ஐரோப்பிய சந்தையில் அதிகப்படியான பாதிப்பை எதிர்கொண்டு உள்ளது. மேலும் குளிர்காலத்தில் சீனாவின் உற்பத்தி குறையும் நிலையில் டாடா ஸ்டீல் வர்த்தகம் அதிகரிக்கும் எனக் கணிக்கப்படுகிறது.
உலோக வர்த்தகம்
டாடா குழுமம் தனது உலோக வர்த்தகத்தில் செலவுகளைக் குறைக்கவும், செயல்திறனை அதிகரிக்கவும், அப்ரேட்டிங் மார்ஜின் அளவுகளை அதிகரிக்க டி வி நரேந்திரன் தலைமையில் டாடா குழுமத்தில் இருக்கும் 7 உலோகம் சார்ந்த நிறுவனங்களை டாடா ஸ்டீல் நிறுவனத்துடன் இணைக்க உள்ளதாகச் சில நாட்களுக்கு முன்பு அறிவிக்கப்பட்டது.
7 உலோக நிறுவனங்கள்
டாடா குழுமத்தில் இருக்கும் 7 உலோக நிறுவனங்களான டாடா ஸ்டீல் லாங் ப்ராடெக்ட்ஸ், டாடா மெட்டாலிங்க்ஸ், டின்பிளேட் கம்பென் ஆப் இந்தியா, TRF, இந்தியன் ஸ்டீல் & வயர் ப்ராடெக்ட்ஸ், டாடா ஸ்டீல் மைனிங், S&T மைனிங் ஆகியவற்றை டாடா ஸ்டீல் நிறுவனத்தில் இணைக்கப்பட உள்ளது.
டாடா ஸ்டீல் பங்கு விலை
தேசிய பங்குச்சந்தையில் டாடா ஸ்டீல் நிறுவனத்தின் பங்கு விலை இன்றைய வர்த்தக முடிவில் 0.49 சதவீதம் சரிந்து 101.10 ரூபாயாக உள்ளது. டாடா ஸ்டீல் பங்குகள் கடந்த ஒரு மாதத்தில் 2.80 சதவீதம் உயர்ந்துள்ளது, 2022 ஆம் ஆண்டில் 11.51 சதவீதம் சரிந்துள்ளது. இதன் மூலம் தற்போது டாடா ஸ்டீல் சந்தை மதிப்பு 1.24 லட்சம் கோடி ரூபாயாக உள்ளது.
