பங்குச் சந்தையில் இன்று கவனிக்க வேண்டிய பங்குகள்..டாடா ஸ்டீல் டு வேதாந்தா வரை.!

வோல் ஸ்ட்ரீட்டில் ஒரே இரவில் வலுவாகக் காணப்பட்டதை தொடர்ந்து, இன்று இந்திய பங்குச் சந்தை குறியீடுகள் ஏற்றத்தில் திறக்கப்படலாம் என்று எதிர்பார்க்கப்படுகிறது.காலை 6:50 மணிக்கு GIFT நிஃப்டி குறியீடும் ​​ இதையே சுட்டிக்காட்டியது. நிஃப்டி ஃபியூச்சர்ஸ் சுமார் 150 புள்ளிகள் அதிகரித்து, 25,100 இல் வர்த்தகம் செய்தது.

நாட்டில் பணவீக்க தரவுகளால் ஒரு நிலையற்ற வர்த்தகத்திற்குப் பிறகு வோல் ஸ்ட்ரீட்டில் ஒரே இரவில் லாபத்தைத் பதிவு செய்தது. ஆசிய-பசிபிக் சந்தைகள் வியாழன் அன்று உயர்வுடன் திறக்கப்பட்டன.ஜப்பானின் Nikkei 225 ஆரம்ப வர்த்தகத்தில் 3 சதவீதம் உயர்ந்தது மற்றும் ஒட்டுமொத்த அடிப்படையிலான Topix 2.48 சதவீதம் அதிகரித்தது. அமெரிக்காவில் ஒரே இரவில், ஒட்டுமொத்த அடிப்படையிலான S&P 500 1.07 சதவிகிதம் அதிகரித்தது. அதே நேரத்தில் நாஸ்டாக் கூட்டுத்தொகை 2.17 சதவிகிதம் உயர்ந்தது. டவ் ஜோன்ஸ் தொழில்துறை குறியீடு 0.31 சதவீதம் உயர்ந்தது.

தென் கொரியாவில், கோஸ்பி 1.2 சதவீதம் அதிகமாகவும், ஸ்மால் கேப் கோஸ்டாக் 2.5 சதவீதம் அதிகமாகவும் துவங்கியது. ஆஸ்திரேலியாவின் S&P/ASX 200 0.6 சதவீதம் உயர்ந்தது. அதே சமயம் ஹாங்காங்கின் ஹாங் செங் இன்டெக்ஸ் எதிர்காலம் 17,194 இல் இருந்தது. இது HSI இன் கடைசி முடிவான 17,108.71 ஐ விட அதிகமாகும்.சீனாவின் சிஎஸ்ஐ 300 இன் எதிர்காலம் 3,181.6 ஆக இருந்தது. இது புதன்கிழமை 3,186.13 ஆக இருந்தது. இதற்கிடையில், இன்று கவனம் செலுத்தக்கூடிய சில பங்குகள் என்ன என்பதை காணலாம்

டாடா ஸ்டீல்: நிறுவனம் அதன் போர்ட் டால்போட் வசதியில் பசுமை ஸ்டீல் திட்டத்திற்காக இங்கிலாந்து அரசாங்கத்திடமிருந்து £500 மில்லியன் மானியத்தைப் பெற்றுள்ளது. இந்த நிதியானது அதிநவீன மின்சார வில் உலை (EAF) நிறுவுவதை நோக்கமாக கொண்டுள்ளது. மற்றும் இந்த ஆலையை பசுமையான ஸ்டீல் தயாரிப்பிற்கு மாற்றுவதை நோக்கமாகக் கொண்டுள்ளது.

அதானி துறைமுகங்கள் மற்றும் சிறப்புப் பொருளாதார மண்டலம்: APSEZ அதன் துணை நிறுவனமான DPA கன்டெய்னர் மற்றும் க்ளீன் கார்கோ டெர்மினல் லிமிடெட் (DPACCCTL) மூலம் குஜராத்தின் காண்ட்லாவில் உள்ள தீன்தயாள் துறைமுகத்தில் பெர்த் எண். 13 ஐ மேம்படுத்துவதற்கான சலுகை ஒப்பந்தத்தில் கையெழுத்திட்டுள்ளது. இது பல்நோக்கு சுத்தமான சரக்கு மற்றும் கொள்கலன் சரக்குகளைக் கையாளும் என்று எதிர்பார்க்கப்படும் பெர்த், 2027ம் நிதியாண்டிற்க்குள் செயல்படத் திட்டமிடப்பட்டுள்ளது.

பாரத் பெட்ரோலியம் கார்ப்பரேஷன்: BPCL, அதன் துணை நிறுவனமான உர்ஜா பாரத் பிடிஇ மூலம் (Urja Bharat Pte Limited-UBPL) மூலம் அபுதாபியில் 6,162 சதுர கிலோமீட்டர் பரப்பளவில் வழக்கமான எண்ணெய் மற்றும் எரிவாயு வளங்களை உள்ளடக்கிய உற்பத்திச் சலுகையை வழங்கியுள்ளது.

ஆட்டோ பங்குகள்: மத்திய அமைச்சரவை இரண்டு முக்கிய திட்டங்களுக்கு ஒப்புதல் அளித்துள்ளதால், புதுமையான வாகன மேம்பாட்டில் PM எலக்ட்ரிக் டிரைவ் புரட்சி (PM E-DRIVE), மற்றும் PM-eBus சேவா-பேமென்ட் செக்யூரிட்டி மெக்கானிசம் (PSM), மொத்தம் ரூ. 14,335 கோடி செலவில் பேருந்துகள், ஆம்புலன்ஸ்கள் மற்றும் டிரக்குகள் உள்ளிட்ட மின்சார வாகனங்களின் (EV கள்) பயன்பாடு, வாகன உற்பத்தி நிறுவனங்களின் பங்குகள் ஆகியவை கவனம் செலுத்தப்படும்.

வேதாந்தா: நிறுவனம் ஏற்கனவே உள்ள கடனை முன்கூட்டியே செலுத்துவதற்காக அமெரிக்க டாலர் பத்திர வெளியீடு மூலம் 900 மில்லியன் டாலரை திரட்டியுள்ளது. இது 10.875 சதவீத கூப்பன் விகிதத்தில் வெளியிடப்பட்ட பத்திரம் கணிசமாக அதிக சந்தா செலுத்தப்பட்டது.

நிப்: நிறுவனத்தின் துணை நிறுவனமான நிப் ஸ்பேஸ், அடுத்த ஐந்து முதல் ஆறு ஆண்டுகளில் 40 செயற்கைக்கோள்களை உள்ளடக்கிய இந்தியாவின் முதல் மல்டி சென்சார், அனைத்து வானிலை புவி கண்காணிப்பு செயற்கைக்கோள் தொகுப்பை நிறுவுவதற்கான திட்டங்களை அறிவித்தது.

ஸ்பைஸ்ஜெட்: ஃபிரெஞ்ச் குத்தகைதாரர்களான டீம் பிரான்ஸ் 01 எஸ்ஏஎஸ் மற்றும் சன்பேர்ட் பிரான்ஸ் 02 எஸ்ஏஎஸ் ஆகிய மூன்று குத்தகை எஞ்சின்களின் தரையிறக்கத்தை டெல்லி உயர் நீதிமன்றம் உறுதிசெய்தது. மேலும் அவற்றை குத்தகைதாரர்களிடம் திருப்பி அனுப்ப உத்தரவிட்டது. இது ஸ்பைஸ்ஜெட்டின் சேவையை பாதித்துள்ளது.

சியட்: நிறுவனம் அதன் சென்னை ஆலையில் ஒரு புதிய டிரக் பஸ் ரேடியல் (TBR) தயாரிப்பு லைனைத் துவக்கியுள்ளது. இது அதன் தினசரி உற்பத்தி திறனை அதிகரிக்கும் மற்றும் அதன் உலகளாவிய சந்தை இருப்பை அதிகரிக்கும்.

இன்ஜினியர்ஸ் இந்தியா: EIL ஆனது FY2025 இன் முதல் ஐந்து மாதங்களில் ரூ. 4,681 கோடி மதிப்பிலான புதிய ஆர்டர்களைப் பெற்றுள்ளது. இது முந்தைய ஆண்டை விட 37 சதவீதம் அதிகமாகும்.

நசாரா டெக்னாலஜிஸ்: கேமிங் நிறுவனம் பிளாக்செயின் அடிப்படையிலான இ-ஸ்போர்ட்ஸ் ஸ்டார்ட்அப் ஸ்டானில் 15.86 சதவீத பங்குகளை 2.2 மில்லியன் டாலருக்கு வாங்கியுள்ளது. இதன் இயங்குதளமானது மொபைல் முதல் ரசிகர் ஈடுபாடு மற்றும் டிஜிட்டல் சேகரிப்புகள் ஆகியவற்றில் கவனம் செலுத்துகிறது.

ஆரியன்ப்ரோ சொலியூஷன்ஸ்:கண்காணிப்பு மற்றும் ஸ்மார்ட் சிட்டி தொழில்நுட்பங்களை செயல்படுத்துவதை உள்ளடக்கிய 'பாதுகாப்பான நகரம்' முயற்சிக்காக பன்வெல் முனிசிபல் கார்ப்பரேஷனிடம் இருந்து நிறுவனம் ரூ.200 கோடி ஒப்பந்தத்தைப் பெற்றுள்ளது.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. https://tamil.goodreturns.in/ advises viewers to consult with certified experts before making any investment decision.