மோடியின் சொந்த மாநிலத்தில் டாடா-வுக்கு அடித்த ஜாக்பாட்.. Micron உடன் பலே கூட்டணி..!!

குஜராத்தின் சனந் என்னும் முக்கியமாக தொழிற்துறை பகுதியில் மேம்பட்ட செமிகண்டக்டர் அசெம்பிளி மற்றும் டெஸ்டிங் தொழிசாலையை அமைக்க அமெரிக்காவின் மைக்ரான் மத்திய அரசுடன் ஒப்பந்தம் செய்துள்ளது. இந்த தொழிற்சாலை அமைக்க இன்று பூமி பூஜை செய்யப்பட்ட நிலையில், இத்திட்டம் மூலம் டாடா குழுமத்திற்கு ஒரு ஜாக்பாட் அடித்துள்ளது.

அமெரிக்கா - சீனா மத்தியிலான பிரச்சனைக்கு மத்தியில் சீனாவில் இருந்து வெளியேற்றப்பட்ட அமெரிக்காவின் மைக்ரான் இந்தியாவில் தொழிற்சாலை அமைப்பதாக அறிவித்து 3 மாதத்தில் படபடவென் அனைத்து ஒப்புதல்களையும் பெற்றும், நிலத்தை தேர்வு செய்து தற்போது பூமி பூஜை போட்டு உள்ளது.

அமெரிக்காவின் மைக்ரான் நிறுவனம் இத்தொழிற்சாலையை சுமார் 2.5 பில்லியன் டாலர் அதாவது 23000 கோடி ரூபாய் முதலீட்டில் அமைக்கப்பட உள்ளது. இதில் முதல் கட்டமாக மைக்ரான் 825 மில்லியன் டாலர் மட்டுமே முதலீடு செய்ய உள்ளது.

மைக்ரான் தொழிற்சாலை 2024 முதல் பயன்பாட்டில் வரும் என கூறுப்படும் வேளையில் மைக்ரான் தொழிற்சாலையை கட்டமைக்க டாடா குழுமத்தின் EPC பிரிவான டாடா புராஜெக்ட்ஸ் உடன் மைரான் நிறுவனம் ஒப்பந்தம் செய்துள்ளது. இந்திய உற்பத்தித் துறையில் பெரிய அளவிலான மற்றும் நிலையான உள்கட்டமைப்பு திட்டத்தில் டாடா புராஜெக்ட்ஸ் முக்கிய நிறுவனமாக உருவெடுத்துள்ளது என்பதற்கு மைக்ரான் திட்டம் ஒரு சான்று.

இதுக்குறித்து வெளியிட்டப்பட்ட அறிக்கையின்படி, சனந்த்-ல் குஜராத் தொழில் வளர்ச்சிக் கழகத்திற்கு சொந்தமான சாரோடி என்னும் பகுதியில் சுமார் 93 ஏக்கர் நிலப்பரப்பில் இந்த மாபெரும் தொழிற்சாலை கட்டமைக்கப்பட்டு உள்ளது. இதில் முதல் கட்டத்தில் கட்டுமானத்தில் 500,000 சதுர அடியில் கிளீன் ரூம் அமைக்கப்பட உள்ளது.

மைரான் நிறுவனம் இந்தியாவில் முதன்முதலாக DRAM மற்றும் NAND அசெம்பிளி மற்றும் டெஸ்டிங் தொழிற்சாலையில் டிசைன் மற்றும் கட்டுமானத்தை உள்ளடக்கியதாக இருக்கும் என தெரிவிக்கப்பட்டு உள்ளது.