வெளிநாட்டில் வேலை செய்யும் இந்தியர்களுக்கு வரியில் மாற்றம்.. உங்கள் வருமானத்தை இது எப்படி பாதிக்கும்

இந்தியாவில் 2025-ஆம் ஆண்டிற்கான புதிய வருமான வரி மசோதா சில முக்கிய மாற்றங்களை கொண்டுவர உள்ளது. குறிப்பாக, வெளிநாட்டில் வேலை செய்கிற இந்தியர்கள் (NRI) மற்றும் குடியிருப்பு நிலை (Residency Status) தொடர்பாக இது ஒரு முக்கிய திருப்பமாகக் காணப்படுகிறது. இந்தியாவில் வரி வசிப்பிடம் தீர்மானிக்கும் விதிகளில் உள்ள ஒரு முக்கிய மாற்றம், வேலைவாய்ப்பிற்காக வெளிநாடு செல்லும் இந்தியர்களுக்கு பெரிய தாக்கத்தை ஏற்படுத்தும்.

இந்த மாற்றத்தின் காரணமாக, வெளிநாட்டில் தங்கியிருக்கும் பணியாளர்கள், தொழில் செய்பவர்கள் மற்றும் வேலை தேடுபவர்கள் அவர்களின் இந்திய வருமான வரி நிலையை மறுபரிசீலனை செய்ய வேண்டியிருக்கலாம். இந்தியாவில் நீங்கள் குடியிருப்பாளராக கருதப்படுகிறீர்களா, இல்லையா என்பது உங்கள் வருமானத்தில் நேரடி தாக்கம் ஏற்படுத்தும்.

முந்தைய சட்டம் vs புதிய மசோதா - முக்கியமான மாற்றங்கள் : முன்னதாக, வேலைவாய்ப்புக்காக வெளிநாடு சென்ற இந்தியர்களுக்கு, 182 நாட்கள் இந்தியாவில் தங்கியிருந்தால் மட்டுமே இந்திய குடியிருப்பாளராக கருதப்பட்டார்கள்.மற்றவர்களுக்கு இது 60 நாட்கள் இருந்தது. ஆனால் புதிய வரி மசோதா 2025-இல், "வேலைவாய்ப்பு நோக்கத்திற்காக" என்ற சொற்றொடர் "இந்தியாவிற்கு வெளியே வேலைவாய்ப்புக்காக" என்று மாற்றப்பட்டுள்ளது.

இந்தச் சிறிய மொழிப்பொறுப்பில் மாற்றம் வந்ததன் மூலம், வேலை தேடுபவர்கள், தொழில் செய்பவர்கள், ஆலோசகர்கள் மற்றும் சுயதொழில் செய்பவர்கள் இந்த 182 நாட்கள் விதியின் தளர்வை இழக்கக்கூடும். இதன் மூலம், ஒரு நபர் இந்தியாவில் குறைந்த நாட்கள் தங்கியிருந்தாலும் கூட,வருமான வரி விதிப்பில் உள்ளடக்கப்படலாம். வெளிநாட்டில் வேலை தேடுபவர்கள் வெளிநாட்டு வேலை வாய்ப்பு கிடைக்காமல், வேலை தேடுவதற்காக வெகு நாட்கள் தங்கியவர்கள் இந்த தளர்வை இழக்கலாம்.சுயதொழில் செய்பவர்கள் மற்றும் தொழில் வல்லுநர்கள் வணிகம் அல்லது களப்பணிக்காக வெளியூர் செல்வோர், புதிய விதியின் காரணமாக அவர்களின் வருமானத்தில் அதிக வரி செலுத்த வேண்டிய நிலை உருவாகலாம்.

ஒரு நிதியாண்டில் 182 நாட்கள் அல்லது அதற்கு மேல் இந்தியாவில் தங்கியிருக்க வேண்டும்கடந்த நான்கு நிதியாண்டுகளில் குறைந்தது 365 நாட்கள் இந்தியாவில் இருந்திருக்க வேண்டும், மேலும் நடப்பு நிதியாண்டில் 60 நாட்கள் இருந்திருக்க வேண்டும்.இந்த 60 நாட்கள் விதியில் வேலைவாய்ப்பு நோக்கத்திற்காக வெளியேறும் இந்தியர்களுக்கு 182 நாட்கள் தளர்வு வழங்கப்பட்டிருந்தது. ஆனால் இப்போது இந்த விதிமுறை மாற்றப்பட்டுள்ளதால், பலர் வரி வசிப்பிட அந்தஸ்தை இழக்கக்கூடும்.

சில நிபுணர்கள் பல கருத்துக்களை வெளியிட்டுள்ளனர் : திவ்யாஷா மாத்தூர் (ஜிண்டால் குளோபல் சட்டப் பள்ளி):புதிய மசோதாவின் மூலம், உத்தியோகபூர்வமான வேலை ஒப்பந்தம் பெற்றவர்களுக்கு மட்டும் இந்த தளர்வு கிடைக்கும்.வேலை தேடுபவர்களும் சுயதொழில் செய்பவர்களும் வரி விதிப்பில் ஈடுபடுத்தப்படலாம்.வரி செலுத்துவோர் தங்களது வேலைவாய்ப்பு சான்றுகளை முன்பே வைத்திருக்க வேண்டும்.

ராகுல் சர்கா (பொருளாதார சட்ட ஆலோசகர்):முன்னர் வெளிநாட்டில் வேலை வாய்ப்பு தேடி செல்வோர் வரிவிலக்கு பெற முடிந்தது, ஆனால் இப்போது இல்லை.இது பல்வேறு தொழில்துறைகளில் உள்ளவர்களுக்கு பெரிய சிக்கலை ஏற்படுத்தும்.வேலைக்கு செல்வதற்கான சலுகைக் கடிதம் (Offer Letter) இருக்க வேண்டிய அவசியம் உள்ளது.

நவீன் வாத்வா (Taxmann Advisory):முன்னர் "வேலைவாய்ப்பு நோக்கத்திற்காக" என்ற வார்த்தையை நீதிமன்றங்கள் பரந்த அர்த்தத்தில் எடுத்துக்கொண்டன.ஆனால் இப்போது "வேலைவாய்ப்புக்காக" என்ற வார்த்தை மிகவும் கட்டுப்படுத்தப்பட்ட அர்த்தம் கொண்டதாக இருக்கும்.வெளிநாட்டு வேலைக்கு செல்வோர் அவர்களின் வரி சலுகைகளை மீண்டும் மதிப்பீடு செய்ய வேண்டும்.

இந்த மாற்றத்தால் உங்கள் வரியில் ஏற்படும் முக்கிய தாக்கங்கள்:வருமான வரி கட்டண அதிகரிப்பு நீங்கள் இந்திய குடியிருப்பாளராக கருதப்பட்டால், உங்கள் உலகளாவிய வருமானத்திற்கும் வரி விதிக்கப்படும்.வேலை தேடுபவர்களுக்கு வரி சிக்கல் வெளிநாடுகளில் வேலை தேடும் நபர்களுக்கு இந்தியாவில் அதிக வரி செலுத்த வேண்டிய நிலை ஏற்படலாம்.தொழிலதிபர்கள், ஆலோசகர்கள் மற்றும் சுயதொழிலாளர்களுக்கு பாதிப்பு முன்பு இருந்த தளர்வுகள் இப்போது கிடைக்காமல் போகலாம்.வருமான வரி திட்டங்களை மறுபரிசீலனை செய்ய வேண்டியது அவசியம். வெளிநாடுகளில் வேலை செய்பவர்கள் வரி வசிப்பிட அந்தஸ்து தொடர்பாக குறிப்பிட்ட ஆவணங்களை வைத்திருக்க வேண்டும்.

புதிய வரி மசோதா 2025, வெளிநாட்டில் பணிபுரியும் இந்தியர்களுக்கு பெரிய மாற்றங்களை ஏற்படுத்தியுள்ளது. குறிப்பாக, வேலை தேடுபவர்கள், தொழிலதிபர்கள் மற்றும் ஆலோசகர்கள் அதிக வரி கட்ட வேண்டிய சூழ்நிலை உருவாகியுள்ளது. இந்த முக்கிய சட்ட மாற்றங்களைப் புரிந்துகொண்டு, உங்கள் வருமானத்தை பாதுகாக்கும் நடவடிக்கைகளை எடுக்க வேண்டும்.