டிசிஎஸ் தான் No1 ஐடி நிறுவனம்.. தாறுமாறான ஏற்றத்தில் பங்கு விலை.. என்ன காரணம்..!

டிசிஎஸ் சந்தை மதிப்பு

வியாழக்கிழமையன்று சந்தை முடிவில் டிசிஎஸ் நிறுவன பங்கின் விலையானது 3.19% அதிகரித்து 2,825 ரூபாயாக முடிவடைந்துள்ளது. இந்த நிலையில் இதன் சந்தை மதிப்பானது 144.73 பில்லியன் டாலர் மற்றும் 10.6 டிரில்லியன் ரூபாயாக அதிகரித்துள்ளது. இதே அசென்சரின் தற்போதைய மதிப்பானது 143.4 பில்லியன் டாலர் அல்லது 10.52 டிரில்லியன் ரூபாயாக உள்ளது.

அபார வளர்ச்சிக்கு என்ன காரணம்?

இதே மற்றொரு ஐடி ஜாம்பவான் ஆன ஐபிஎம்மின் சந்தை மதிப்பானது 118.2 பில்லியன் டாலராகவும் (8.67 டிரில்லியன் ரூபாயாகவும்) உள்ளது.

டிசிஎஸ் நிறுவனத்தின் இந்த அபார வளர்ச்சியானது, இந்த நிறுவனம் செப்டம்பருடன் முடிவடைந்த இரண்டாவது காலாண்டில் 16,000 கோடி ரூபாய் மதிப்பிலான பங்குகளை திரும்ப வாங்குவதாக கூறிய நிலையில் ஏற்றம் கண்டுள்ளது. அதோடு இடைக்கால டிவிடெண்டாக ஒரு பங்குக்கு 12 ரூபாய் கொடுப்பதாகவும் அறிவித்துள்ளது.

டிஜிட்டல் & கிளவுட் வணிகம்

டிசிஎஸ் நிறுவனத்தின் இரண்டாவது காலாண்டு வருவாயானது 3% அதிகரித்து, 40,135 கோடி ரூபாயாக அதிகரித்துள்ளது. இது சர்வதேச அளவிலான வாடிக்கையாளர்கள் அதிகளவிலான ஒப்பந்தங்களை மேற்கொண்டுள்ளதே இதற்கு காரணம் என்று கூறியுள்ளது. குறிப்பாக கொரோனா தொற்று நோய் காரணமாக சர்வதேச வாடிக்கையாளர் டிஜிட்டல் மற்றும் கிளவுட் வணிகத்திற்கு மாறியுள்னர் என்றும், இதுவும் இந்த நிறுவனத்தின் வருவாய் அதிகரிப்புக்கு துணை புரிந்ததாகவும் டிசிஎஸ் நிறுவனம் கூறியுள்ளது.

குறிப்பாக இரண்டாவது காலாண்டில் மட்டும் 8.6 பில்லியன் டாலர் மதிப்பிலான வர்த்தக ஒப்பந்தங்களை செய்துள்ளது.

ஐரோப்பிய சந்தையில் விரிவுபடுத்தலாம்

கடந்த காலாண்டோடு ஒப்பிடும்போது டிசிஎஸ் நிறுவனத்தின் மேம்பட்ட செயல்திறனே முக்கிய அம்சமாக பார்க்கப்படுகிறது. குறிப்பாக
பி எஃப் எஸ் ஐ மற்றும் சில்லறை வர்த்தகம் மற்றும் சிபிஜி, லைஃப் சையின்ஸ் உள்ளிட்ட துறையிலும் நல்ல வளர்ச்சியினை கண்டுள்ளதாக ஆய்வாளர்கள் தெரிவித்துள்ளனர்.

அதோடு தற்போது ஐரோப்பா உள்ளிட்ட உலகளாவிய சந்தைகளில் இந்த நிறுவனம் அதன் சந்தை பங்கினை விரிபடுத்தும் என்றும் எதிர்பார்க்கப்படுகிறது