TCS வரி மாற்றம்: நிர்மலா சீதாராமன் முக்கிய அறிவிப்பு.. மக்கள் நிம்மதி..!

நிர்மலா சீதாராமன் தலைமையிலான நிதியமைச்சகம் சமீபத்தில் இந்திய ரிசர்வ் வங்கியுடன் ஆலோசனை செய்து பாரின் ரெமிட்டன்ஸ் மற்றும் FOREX பரிமாற்றம் ஆகியவற்றின் மீதான டிசிஎஸ் அதாவது Tax collection at source வரி விதிப்பில் பல மாற்றங்களை செய்தது.

இந்த வரி மாற்றங்கள் மூலம் அரசுக்கு கூடுதல் வருமானம் கிடைப்பது முக்கியமான விஷயம். இந்த வரி மாற்றங்கள் அனைத்தும் ஜூலை 1, 2023 முதல் நடைமுறைக்கு கொண்டு வரும் என அறிவிக்கப்பட்டிருந்த வேளையில் தற்போது அக்டோபர் 1, 2023 ஆம் தேதி நடைமுறைக்கு வரும் என அறிவிக்கப்பட்டு உள்ளது.

இதன் மூலம் நிதி சட்டம் 2023 தாக்கல் செய்யும் முன்பு என்ன வரி விதிப்பு இருந்ததோ இது செப்டம்பர் 30 வரையில் நடைமுறையில் இருக்கும் என மத்திய நிதியமைச்சம் வெளியிட்டுள்ள அறிக்கையில் தெரிவிக்கப்பட்டு உள்ளது .

ஆர்பிஐ தாராளமயமாக்கப்பட்ட பணம் அனுப்பும் திட்டத்தின் (LRS) கீழ் சர்வதேச கிரெடிட் கார்டு பேமெண்ட்-கள் சேர்க்கப்பட உள்ளதாக மே மாதம் அறிவிக்கப்பட்டது. 2022-23 ஆம் ஆண்டிற்கான பட்ஜெட்டில் அறிவிக்கப்பட்ட படி இந்தியாவிற்கு வெளியே செய்யப்படும் கிரெடிட் கார்டு பேமெண்ட்-க்கு 20 சதவீதம் TCS விதிப்பு அக்டோபர் 1 முதல் செயல்படுத்துகிறது.

மத்திய அரசு, இந்திய மக்கள் தங்களுடைய வெளிநாட்டு பயணத்தில் செய்யப்படும் அதிக மதிப்புடைய நிதி பரிமாற்றங்களை டிராக் செய்து அதற்கு முறையான வரி விதித்து கட்டுக்குள் கொண்டு வரும் முயற்சியாக அக்டோபர் 1 ஆம் தேதி முதல் வெளிநாட்டு கிரெடிட் கார்டு பேமெண்ட்-க்கு 20 சதவீதம் TCS விதிப்பு நடைமுறைக்கு வர உள்ளது. தற்போது இதற்கு 5 சதவீத வரி மட்டுமே விதிக்கப்படுவது குறிப்பிடத்தக்கது.