சென்னை-யில் அடுத்த பிரம்மாண்டம்.. தமிழ்நாட்டு ஐடி ஊழியர்களுக்கு கொண்டாட்டம் தான்..!!

இந்தியாவின் மிகப்பெரிய வர்த்தக சாம்ராஜ்ஜியமாக விளங்கும் டாடா குழுமத்தின் தங்க முட்டையிடும் வாத்தாக இருக்கும் டாடா கன்சல்டன்ஸி சர்வீசஸ் தமிழ்நாட்டில் தொடர்ந்து தனது இருப்பை அதிகரித்து வருகிறது. டிசிஎஸ் நிறுவனம் சென்னையில் அதிகப்படியான பணியாளர்களையும், மிகப்பெரிய அலுவலகத்தை சிறுசேரி சிப்காட்டில் வைத்துக்கொண்டு இயங்கி வருகிறது.

சிறுசேரி சிப்காட்டின் அடையாளமாக விளங்கும் டிசிஎஸ், தொடர்ந்து தனது அலுவலகத்தை விரிவாக்கம் செய்து வருகிறது. இந்த நிலையில் சிறுசேரியில் டிசிஎஸ் தனது புதிய கேம்பஸ்-ஐ ரூ.876 கோடி செலவில் கட்டப்பட்டு வருகிறது, இதில் 11 தளங்களைக் கொண்ட 3 கட்டிடங்கள் அமைய உள்ளன.

இந்த மாபெரும் அலுவலக கட்டிடம் மொத்தம் 3.34 மில்லியன் சதுர அடி அலுவலக இடவசதியுடன் அமைய உள்ளது. இதன் மூலம் இந்த 3 அலுவலக கட்டிடத்தில் சுமார் 25,000க்கும் மேற்பட்டோருக்கு வேலைவாய்ப்பு கிடைக்கும் என்று எதிர்பார்க்கப்படுகிறது. இது சிறிய நகரங்களிலிருந்து வரும் மக்களுக்கு ஒரு பெரிய வாய்ப்பாக இருக்கப்போகிறது.

TCS இந்த 3 அலுவலக கட்டிடத்திற்கான திட்டத்தை 2021-இல் அடிக்கல் நாட்டப்பட்டது. இந்த முதலீடு மற்றும் அலுவலக இடவசதி, IT துறையில் புதிய வாய்ப்புகளை உருவாக்கும். TCS சிறுசேரியில் விரிவாக்கும் செய்வது மூலம் தங்கள் சேவைகளை வலுப்படுத்தி, உலகளவில் சேவை விநியோகத்தை சென்னையில் இருந்து விரிவாக்கம் செய்யப்போகிறது.

TCS கேம்பஸ் விரிவாக்கம் தமிழ்நாட்டு IT ஊழியர்களுக்கு ஜாக்பாட் ஆக மாறப்போகிறது. சுமார் 25,000 பேருக்கு வேலைவாய்ப்பு கிடைக்கும் வாய்ப்பு இத்திட்ட விரிவாக்கம் மூலம் கிடைக்கப்போகிறது. இதேபோல் தமிழ்நாட்டில் பட்டப்படிப்பு முடித்த மாணவர்களுக்கும் இது புதிய வேலைவாய்ப்புகளை ஈட்டித்தரும்.