ரூ.2000 கோடி நஷ்டம்.. டீ எஸ்டேட் நிறுவனங்களை பயமுறுத்தும் கொரோனா..!

யாரையும் விட்டுவைக்காத கொரோன டீ எஸ்டேட் நிறுவனங்களை மட்டும் விட்டுவைக்குமா என்ன. உலகளவில் தற்போது நேரடியாகவோ, மறைமுகமாகவோ கொரோனா அனைத்து தரப்பு மக்களையும், வர்த்தகத்தையும், உற்பத்தியையும், சேவையையும் பாதித்துள்ளது என்றால் மிகையில்லை. அந்த அளவிற்கு கொரோனா எல்லோரையும் பயமுறுத்தி வருகிறது.

இந்த ஆண்டு மட்டும் கொரோனாவின் தாக்கத்தால் இந்திய டீ எஸ்டேட் நிறுவனங்கள் சுமார் 2000 கோடி ரூபாய் அளவிலான நஷ்டத்தை சந்திக்க உள்ளது.

ரூ.2,000 கோடி ரூபாய்

கொரோனா பாதிப்பின் காரணமாக இந்தியா முழுவதும் அனைத்து உற்பத்தி ஆலைகள், தொழிற்துறைகள், சேவை நிறுவனங்கள் மூடப்பட்டுள்ளது. இதன் எதிரொலியாக டீ எஸ்டேட்களும் நாட்டின் அனைதது பகுதிகளிலும் முடங்கியுள்ளது. இதனால் இந்த ஆண்டில் மட்டும் சுமார் 2000 கோடி ரூபாய் அளவிலான நஷ்டம் ஏற்படும் என கணிப்புகள் வெளியாகியுள்ளது.

21 நாள் லாக்டவுன்

முதலில் ஒரு நாள் மத்திய அரசு ஊரடங்கு விதித்த போதும் இந்தியாவில் அனைத்து டீ எஸ்டேட்களும் சிறப்பான முறையில் இயங்கிய குறிப்படத்தக்கது. பல இடங்களில் நோய் தொற்றுக் குறித்து விழிப்புணர்வு நடத்தப்பட்டது குறிப்பிடத்தக்கது. இதனால் எந்த பிரச்சனையும் இல்லை என மக்களும், டீ எஸ்டேட் உரிமையான நினைத்த வேளையில் தான் பிரதமர் மோடி 21 நாள் லாக்டவுன் அறிவித்தார்.

100 சதவீத முடக்கம்

21 நாள் லாக்டவுன் அறிவித்த பிறகு அனைத்து எஸ்டேட்களும் வேறு வழியே இல்லாமல் பணிகளை நிறுத்தியது. இதனால் உற்பத்தி பெரிய அளவில் குறைந்தது நாட்டின் மொத்த டீ தயாரிப்பு நிறுவனங்கள் முடங்கியது.

இந்தியா

தற்போது இந்தியாவில் பதிவு செய்யப்பட்ட 1422 டீ எஸ்டேட் மற்றும் 2,50,000 சிறு குறு டீ விவசாயிகளும் உற்பத்தியை ஊழியர்களின் பாதுகாப்பு கருதி அனைத்து பணிகளையும் நிறுத்தி வைத்துள்ளனர்.

10 கோடி கிலோ

இதுமட்டும் அல்லாமல் இந்தியா மற்றும் வெளிநாட்டிலும் டீ தேவை அதிகளவில் குறைந்துள்ள காரணத்தால் டீ தேவையும் குறைந்துள்ளது.

இதனால் 10 கோடி கிலோ டீதூள் தற்போது சந்தையில் அளவிற்கு அதிகமாக தேக்கம் அடைந்துள்ளது. இதன் மதிப்பு மட்டும் 2000 கோடி ரூபாய் என மதிப்பிடப்பட்டுள்ளது.