சீன ராணுவம் டெஸ்லா கார்களுக்கு விதித்த தடை.. எலான் மஸ்க் ஷாக்..!

உலகளவில் எலக்ட்ரிக் கார் பயன்பாடு வேகமாக அதிகரித்து வரும் நிலையில், இத்துறையில் பிற ஆட்டோமொபைல் நிறுவனங்களைக் காட்டியும் முன்னோடியாக இருக்கும் டெஸ்லா தனது வர்த்தகத்தை மேம்படுத்த அமெரிக்காவைத் தொடர்ந்து சீனா மற்றும் ஜெர்மனி ஆகிய நாடுகளில் தொழிற்சாலையை உருவாக்கு விற்பனையை அதிகரித்து வருகிறது.

சீனாவில் தொழிற்சாலை அமைப்பது மூலம் டெஸ்லா சீனா எலக்ட்ரிக் கார் விற்பனை சந்தையில் மிகப்பெரிய ஆதிக்கம் செலுத்தி வருகிறது. குறிப்பாகப் பல சீன நிறுவனங்கள் எலக்ட்ரிக் கார்களைத் தயாரித்து விற்பனை செய்து வந்தாலும் தொடர்ந்து டெஸ்லா ஆதிக்கம் செலுத்தி வருகிறது.

இந்நிலையில் சீனாவில் டெஸ்லாவுக்குப் புதிய பிரச்சனை உருவாகியுள்ளது.

டெஸ்லா கார்களின் பிற கார்களில் இல்லாத அளவிற்கு அதிகளவிலான கேமரா மற்றும் சென்சார்கள் இருக்கும் காரணத்தால் ராணுவ பகுதிகள் மற்றும் ராணுவ குடியிருப்புகள் இருக்கும் பகுதிகளில் டெஸ்லா கார் செல்ல தடை விதிக்கப்பட்டு உள்ளது.

சீன ராணுவம் டெஸ்லா கார்களில் இருக்கும் கேமராக்களில் பாதுகாப்புக் குறித்த தரவுகள் திரட்ட கூடும் அச்சுறுத்தல் இருக்கும் காரணத்தால் இந்த உத்தரவைப் பிறப்பித்துள்ளதாகத் தெரிவித்துள்ளது.

மிடில் கிளாஸ் பிரிவில் இருந்து 3.2 கோடி மக்கள் வெளியேற்றம்.. கொரோனாவின் வெறியாட்டம்..!

இதேபோல் சீன ராணுவம் டெஸ்லா கார் உரிமையாளர்களை ராணுவ தளங்கள் மற்றும் ராணுவ குடியிருப்பில் பயன்படுத்த வேண்டாம் என்றும் கார்களை ராணுவ பகுதிகளுக்கு வெளியிலேயே நிறுத்த வேண்டும் என உத்தரவையும் வெளியிட்டுள்ளது.

டெஸ்லா கார்கள் திரட்டும் தகவல்களைச் சீன அரசு ஆய்வு செய்யவோ சரி பார்க்கவோ முடியாது என்பதால் இந்த உத்தரவை வெளியிட்டுள்ளது. அமெரிக்கா அரசு சீனா நிறுவனங்களுக்கு எதிராகப் பல நடவடிக்கைகள் எடுத்துள்ள நிலையில் தற்போது சீனா அமெரிக்காவின் டெஸ்லா கார்களைப் பயன்படுத்துவதில் முக்கிய கட்டுப்பாடுகளை விதித்துள்ளது.