டெஸ்லா-வின் புதிய மாடல் எஸ் ப்ளைய்டு கார்.. டெலிவரிக்கு பிரம்மாண்ட விழா.. எலான் மஸ்க் அசத்தல்..!

உலகளவில் வியந்து பார்க்கும் டெஸ்லா கார்களைப் பல புதிய மாற்றங்கள் உடன் அறிமுகம் செய்து வரும் எலான் மஸ்க், தற்போது புதிய மாடல் எஸ் ப்ளைய்டு காரை அறிமுகம் செய்து வாடிக்கையாளர்களுக்கு டெலிவரி செய்யப் பணிகளைத் துவக்கி வைத்துள்ளார்.

எந்த ஒரு காராக இருந்தாலும் அறிமுகம் செய்யும் காருக்கும், வாடிக்கையாளர்களுக்கு டெலிவரி செய்யும் காருக்கும் பெரிய அளவிலான வித்தியாசம் இருக்கும், பல முறை இது அறிமுக மாடலை விடவும் குறைவாகவே இருக்கும்.

ஆனால் மாடல் எஸ் ப்ளைய்டு இதற்கு விதிவிலக்கு என்று தான் சொல்ல வேண்டும், அறிமுகம் செய்யப்பட்ட காரை விடவும் பல புதுமைகள் இதில் புகுத்தப்பட்டு உள்ளது. சுருக்கமாகச் சொல்ல வேண்டும் என்றால் மாடல் எஸ் ப்ளைய்டு கார் வெறும் 2 நொடியில் 0-60 KMPH வேகத்தை அடையும் திறன் கொண்டது.

இதுவரை உலகில் எந்த ஒரு காரும் இந்த அளவிற்கு ஒரு வேகத்தைக் காட்டியது இல்லை. ஒவ்வொரு முறையிலும் பல புதுமைகளை டெஸ்லா காரில் புகுத்தி வரும் எலான் மஸ்க் இந்த முறை மாடல் எஸ் ப்ளைய்டு காரில் என்ன செய்துள்ளார் என்பதை வீடியோவில் பாருங்கள்.

அனைத்திற்கும் மேலாக Model S Plaid கார் மெர்சிடீஸ், போர்சே ஆகிய டாப் எண்ட் கார்களுக்கு நிகராக இருக்கும் எனவும் டெஸ்லா தெரிவித்துள்ளது குறிப்பிடத்தக்கது. இவை அனைத்திற்கும் மேலாக Model S Plaid காரின் டாப் என்ட் மாடலிலும் அதாவது 3 மோட்டார் கொண்ட ஹைய் பார்பாமென்ஸ் காரில் 400 கிலோ மீட்டர் மைலேஜ் அளிக்கும் வகையில் தயாரிக்கப்பட்டு உள்ளது.