செப்டம்பரில் வெளியாகும் ஆப்பிளின் ஐபோன் 17 சீரிஸ்: இந்தியாவில் விலை என்ன?

ஆப்பிள் நிறுவனத்தின் அடுத்த தலைமுறை முதன்மை ஸ்மார்ட்போன்களுக்காக உலகெங்கிலும் உள்ள தொழில்நுட்ப ஆர்வலர்கள் ஆவலுடன் காத்திருக்கின்றனர். சமீபத்திய தகவல்களின்படி, ஐபோன் 17 தொடரில் ஐபோன் 17, ஐபோன் 17 ஏர், ஐபோன் 17 ப்ரோ, மற்றும் ஐபோன் 17 ப்ரோ மேக்ஸ் என நான்கு மாடல்கள் வெளியாக உள்ளன.

ஐபோன் 17 : இந்த முறையும் ஆப்பிள் நிறுவனம் ஐபோன் 17 தொடரில், பல்வேறு விலைப்பிரிவுகளை இலக்காகக் கொண்ட பல மாடல்களை அறிமுகப்படுத்தும் நிறுவனத்தின் பாரம்பரியத்தை மீண்டும் பின்பற்றும் என எதிர்பார்க்கப்படுகிறது. தொழில்துறை நிபுணர்களின் கூற்றுப்படி, ஐபோன் 17 அடிப்படை மாடலாக இருக்கும். அதேசமயம் ஐபோன் 17 ஏர், இலகுரக, நேர்த்தியான விருப்பமாக இருக்கும். ஐபோன் 17 ப்ரோ மற்றும் ஐபோன் 17 ப்ரோ மேக்ஸ் ஆகியவை சக்திவாய்ந்த சிப்செட்களுடன் அதிநவீன அம்சங்களையும், மேம்பட்ட கேமராக்களையும் வழங்கும்.

எப்போது வெளியீடு: ஆப்பிள் நிறுவனம் அதிகாரப்பூர்வமாக ஐபோன் 17 வெளியீட்டு தேதியை உறுதிப்படுத்தவில்லை என்றாலும், செப்டம்பர் மாதமே இது நடக்கும் என தகவல்கள் தெரிவிக்கின்றன. ஐபோன் 16 தொடரைப் போலவே விலையும் இருக்கும் என எதிர்பார்க்கப்படுகிறது. ஐபோன் 17 ப்ரோ மேக்ஸ்-இன் 256GB அடிப்படை வேரியண்டின் விலை இந்தியாவில் ₹1.6 லட்சத்திற்கு மேல் இருக்கும் என எதிர்பார்க்கப்படுகிறது.

ஐபோன் 17 அம்சங்கள்: ஐபோன் 17 விவரக்குறிப்புகளில் வேகமான A19 பயோனிக் சிப், மேம்படுத்தப்பட்ட பேட்டரி ஆயுள் மற்றும் மேம்பட்ட AI திறன்களுடன் கூடிய அடுத்த தலைமுறை கேமரா அமைப்பு ஆகியவை அடங்கும் என தகவல்கள் கூறுகின்றன. இந்துஸ்தான் டைம்ஸ் அறிக்கையின்படி, ஐபோன் 17 ப்ரோ மேக்ஸ் ஒரு பெரிஸ்கோப் ஜூம் லென்ஸைக் கொண்டிருக்கும். ஐபோன் 17 ஏர், edge to edge OLED டிஸ்ப்ளேவுடன் இலகுரக வடிவமைப்பை மையமாகக் கொண்டிருக்கும். ஆப்பிள் நிறுவனம் ஐபோன் 17 தொடருக்காக பிரத்தியேகமாக மேம்படுத்தப்பட்ட புதிய iOS 19 அம்சங்களையும் அறிமுகப்படுத்தலாம்.

1 டிபி வரை சேமிப்பு: அதில் மேம்பட்ட விட்ஜெட்கள், மேம்படுத்தப்பட்ட மல்டிடாஸ்கிங் மற்றும் சிறந்த AR/VR ஒருங்கிணைப்பு ஆகியவை அடங்கும். ப்ரோ மாடல்களுக்கு டைட்டானியம் ஃபிரேம்கள் கொடுக்கப்படலாம் என்றும் சொல்லப்படுகிறது.ஐபோன் 17 ப்ரோ மேக்ஸில் 1TB வரை சேமிப்பு வாய்ப்பு வழங்கப்படும் என கூறப்படுகிறது. விற்பனையை மேம்படுத்த ஆப்பிள் நிறுவனம் தனது வலைதளம், ஆப்பிள் ஸ்டோர்ஸ் மற்றும் சில்லறை விற்பனையாளர்கள் மூலம் EMI திட்டங்களை வழங்கலாம்.

கேமரா: வடிவமைப்பு வாரியாக, ஐபோன் 17 ப்ரோ மேக்ஸ் புதிய கிடைமட்ட கேமரா பார், டைட்டானியம் ஃபிரேம், அல்ட்ரா-ஸ்லிம் பெசல்கள் மற்றும் ஆரஞ்சு, டைட்டானியம் நீலம், ஊதா மற்றும் கருப்பு போன்ற வண்ணங்களைக் கொண்டிருக்கும். A19 ப்ரோ சிப் மூலம் இயக்கப்படும் இது, 6.9 இன்ச் OLED டிஸ்ப்ளே, 12GB RAM, மற்றும் 8x ஜூம் கொண்ட டிரிபிள் 48MP கேமரா மற்றும் 8K வீடியோ ஆதரவுடன் வரும்.