உலக CEO-க்களை உருவாக்கிய ஹைதராபாத் பப்ளிக் ஸ்கூல்.. தற்போது யார் தெரியுமா? கட்டணம் எவ்வளவு..?

உலகப் புகழ்பெற்ற நுகர்வோர் பொருட்கள் நிறுவனமான பிராக்டர் அண்ட் கேம்பிள் (Procter & Gamble) தனது புதிய உலகளாவிய தலைமை நிர்வாக அதிகாரியாக (CEO) சைலேஷ் ஜெஜுரிகர்வை நியமித்துள்ளது. இவர் தற்போது முக்கிய செயல்பாட்டு அதிகாரியாக பணியாற்றி வருகிறார். 2026 ஜனவரி மாதத்தில் இருந்து அவர் தனது சி.இ.ஓ. பதவியை அதிகாரப்பூர்வமாக ஏற்கவுள்ளார். இதற்கிடையே, தற்போதைய சி.இ.ஓ. ஜான் மொலர் (Jon Moeller) பதவியில் இருந்து விலகவுள்ளார்.

புதிதாக நியமிக்கப்பட்டுள்ள சைலேஷ் ஜெஜுரிகர் (வயது 58), IIM லக்னோ பட்டதாரி ஆவார். இவர் தற்போது உலகளாவிய CEO வகுப்பில் இணைந்துள்ள சுந்தர் பிச்சை (Google) மற்றும் சத்யா நாதெல்லா (Microsoft) போன்றோர் வரிசையில் இணைந்துள்ளார். ஜெஜுரிகர் தனது பள்ளிப் படிப்பை ஹைதராபாத் பப்ளிக் ஸ்கூல் எனும் 100 ஆண்டுகள் பழமையான கல்வி நிறுவனத்தில் முடித்துள்ளார். இந்த பள்ளியில் இருந்தே உலகின் மிகப் பெரிய நிறுவனங்களை தலைமைத்துவம் செய்த பல தலைவர்கள் உருவாகியுள்ளனர். மைக்ரோசாஃப்ட் சி.இ.ஓ. சத்யா நாதெல்லா, ஜெஜுரிகரின் பள்ளிக் கால நண்பராம். இருவரும் ஒரே வகுப்பில் படித்தவர்கள் என்றும், இன்று வரை நெருங்கிய நட்பில் இருப்பதாகவும் தகவல்கள் தெரிவிக்கின்றன.

உலக CEO-க்களை உருவாக்கிய பள்ளி : இந்த புகழ்பெற்ற ஹைதராபாத் பப்ளிக் ஸ்கூல், ஹைதராபாதின் பெகம்பெட் பகுதியில் அமைந்துள்ளது. இப்பள்ளி, 1923ஆம் ஆண்டு நிறுவப்பட்டது. 1923-ஆம் ஆண்டு, மூன்று ஆசிரியர்கள் மற்றும் ஐந்து மாணவர்களுடன் இப்பள்ளி செயல்பட தொடங்கியது. காலப்போக்கில் பல துறைமுகங்களில் இருந்து கிடைத்த நன்கொடைகளால் பள்ளி வளர்ந்து வந்தது. இது இந்தியாவின் மிக பழமையான பள்ளிகளுள் ஒன்றாகவும் விளங்குகிறது.

அஜய் பங்கா தற்போது உலக வங்கியின் (World Bank) தலைவராக இருக்கிறார். இதற்கு முன் மாஸ்டர்கார்டு நிறுவனத்தில் தலைமை நிர்வாக அதிகாரி (CEO) மற்றும் அதிபராக பணியாற்றியுள்ளார்.

சைலேஷ் ஜெஜுரிகர் (Shailesh Jejurikar) தற்போது பிராக்டர் அண்ட் கேம்பிள் (P&G) நிறுவனத்தின் உலகளாவிய CEO-வாக பதவியேற்க உள்ளார்.

சத்யா நாதெல்லா (Satya Nadella) உலகப்புகழ்பெற்ற தொழில்நுட்ப நிறுவனமான மைக்ரோசாஃப்ட் (Microsoft) நிறுவனத்தின் தற்போதைய CEO-வாக பதவி வகித்து வருகிறார்.

ஷந்தனு நாராயண் (Shantanu Narayen கிரியேட்டிவ் சாஃப்ட்வேர் உலகில் முன்னணியில் உள்ள அடோபி நிறுவனத்தின் தற்போதைய CEO-வாக பதவி வகித்து வருகிறார். இவர்கள் 4 பேரும் ஹைதராபாத் பப்ளிக் பள்ளியில் படித்த மாணவர்கள் ஆவர்.

சிறந்த தலைவர்களையும் உருவாக்கிய பள்ளி : 100 ஆண்டுகளுக்கும் மேலான இந்தப் பள்ளி உலகளாவிய சி.இ.ஓ.-க்கள் மட்டுமின்றி அரசியல், ஊடகம், முதலீடு, விளையாட்டு எனப் பல துறைகளிலும் முன்னணியில் சிறந்து விளங்கும் தலைவர்களையும் உருவாக்கிய பெருமை கொண்டது.

அதன்படி, கிரீஷ் ரெட்டி - Prisma Capital Partners நிறுவனத்தின் நிறுவனர் மற்றும் மேலாண்மை பங்குதாரர்.
ஹர்ஷா போக்லே - பிரபல கிரிக்கெட் விளக்க ஆசிரியர் மற்றும் ஊடகவியலாளர்
அசாதுத்தீன் ஒவைசி - AIMIM கட்சியின் தலைவர் மற்றும் ஹைதராபாத் மக்களவை உறுப்பினர்
பிரேம் வாட்ஸா - Fairfax Financial Holdings நிறுவனத்தின் தலைமை நிர்வாக அதிகாரி (CEO)
கிரண் குமார் ரெட்டி - ஆந்திர மாநில முன்னாள் முதலமைச்சர்
வைகோமோகன் ரெட்டி - ஆந்திர மாநில முன்னாள் முதல்வர்
சயீத் அக்பருத்தீன் - முன்னாள் இந்திய மூத்த தூதர் மற்றும் ஐ.நா.வில் இந்தியாவின் நிரந்தர பிரதிநிதி

பள்ளிக் கட்டணம் எவ்வளவு..?: அரசு தகவல்களின்படி, ஒரு கல்வியாண்டிற்கான கட்டணம் ரூ.1.71 லட்சம் முதல் ரூ.2.25 லட்சம் வரை வகுப்பின் அடிப்படையில் மாறுபடும் என்று கூறப்படுகிறது.