செம லாபம்.. இன்னும் அதிகரிக்கலாம்.. மல்டி பேக்கர் பங்கினை வாங்க நிபுணர்கள் பரிந்துரை.. !

சோமணி செராமிக்ஸ் லிமிடெட் நிறுவனம் ஒரு ஸ்மால் கேப் நிறுவனமாகும். இந்த நிறுவனம் டைல்ஸ் உற்பத்தியாளராகும். இந்த நிறுவனத்தின் சந்தை மதிப்பு 3535.50 ரூபாயாகும்.

இந்த மல்டிபேக்கர் பங்கின் விலையானது கடந்த ஓராண்டில் 118.29% ஏற்றம் கண்டுள்ளது. கடந்த ஆறு மாதத்தில் 16.10% ஏற்றம் கண்டிருந்தது குறிப்பிடத்தக்கது.

ஆனால் நடப்பு ஆண்டின் தொடக்கத்தில் இருந்து -8.44% சரிவினைக் கண்டுள்ளது.

பங்கு இலக்கு

இந்த பங்கினைத் தான் வாங்கலாம் என ஐசிஐசிஐ செக்யூரிட்டீஸ் பரிந்துரை செய்துள்ளது. இதன் இலக்கு விலை 1,000 ரூபாயாக நிர்ணயம் செய்துள்ளது. இதற்கிடையில் இந்த நிறுவனத்தின் மூன்றாவது காலாண்டு முடிவினை வெளியிட்ட பிறகு, இந்த பங்கினை ஏற்றம் கண்டு வருகின்றது. எனினும் இன்று சரிவினைக் கண்டு வருகின்றது.

இன்றைய பங்கு நிலவரம்

இன்று இந்த நிறுவனத்தின் பங்கு விலையானது என்.எஸ்.இ-யில் 3.58% குறைந்து, 834.25 ரூபாயாக முடிவடைந்துள்ளது. இன்றைய உச்ச விலை 870 ரூபாயாகும், இன்றைய குறைந்தபட்ச விலை 828 ரூபாயாகவும் உள்ளது.

இதே பி.எஸ்.இ-யில் பங்கு விலையானது 3.56% குறைந்து, 887.95 ரூபாயாக முடிவடைந்துள்ளது. இன்றைய உச்ச விலை 870 ரூபாயாகும், இன்றைய குறைந்தபட்ச விலை 828.55 ரூபாயாகவும் உள்ளது.52 வார உச்ச விலை 952.45 ரூபாயாகவும் உள்ளது. 52 வார குறைந்த விலை 336 ரூபாயாகும்.

காலாண்டு முடிவுகள்

சோமணி நிறுவனம் ஒரு கலவையான செயல்திறனை கண்டுள்ளது. டைல்ஸ் நிறுவனத்தின் வருவாய் விகிதமானது 19.3% அதிகரித்து, 587 கோடி ரூபாயாக அதிகரித்துள்ளது.

இதே எபிட்டா விகிதம் கடந்த ஆண்டினை காட்டிலும் 1.5% குறைந்து 62.4 கோடி ரூபாயாக குறைந்துள்ளது. வரிக்கு பிந்தைய லாபம் 14% அதிகரித்து, 32.2 கோடி ரூபாயாக அதிகரித்துள்ளது.

எதிர்பார்ப்பு

இதே இந்த நிறுவனத்தின் CAGR விகிதம் 13% வளர்ச்சி காணலாம் என எதிர்பார்க்கப்படுகிறது.

கடந்த 5 ஆண்டுகளில் இந்த பங்கின் விலையானது 40% ஏற்றம் கண்டுள்ளது. இது 620 ரூபாயில் இருந்து, 865 ரூபாயாக இருந்தது. இதனை ஹோல்டில் இருந்து வாங்கலாம் என ஆய்வாளர்கள் கணித்துள்ளனர்.