பிக்சட் டெபாசிட்களுக்கு 8.97 சதவீத வட்டி வழங்கும் NBFC நிறுவனம்.. முதலீட்டாளர்களுக்கு செம சான்ஸ்!

சென்னை: மிக நீண்ட காலமாக, நிலையான வைப்புத்தொகைகள் (FDகள்) இந்தியாவில் மிகவும் பிரபலமான முதலீட்டு விருப்பங்களில் ஒன்றாக உள்ளது. குறிப்பாக மூத்த குடிமக்களுக்கு FD-கள் எண்ணற்ற நன்மைகளை வழங்குகின்றன. முதலீட்டாளர்கள் பெரும்பாலும் உத்தரவாதமான வருமானம், பாதுகாப்பு போன்றவற்றை தான் விரும்புகிறார்கள். வங்கிகள், வங்கி அல்லாத நிதி நிறுவனங்கள் (NBFCகள்), தபால் அலுவலகங்கள் போன்ற பல்வேறு நிறுவனங்கள், பல்வேறு வகையான FD-களை வழங்குகின்றன. இந்த FDகள் தனித்துவமான அம்சங்கள், வட்டி விகிதங்கள் மற்றும் நன்மைகளுடன் வருகின்றன.

கார்ப்பரேட் FDகள் ஹவுசிங் பைனான்ஸ் கம்பெனி (HFCs) மற்றும் வங்கி அல்லாத நிதி நிறுவனங்கள் (NBFCகள்) மூலம் வழங்கப்படுகின்றன. இத்தகைய FDகள் பொதுவாக வங்கி FD வட்டி விகிதங்களை விட அதிக வட்டி விகிதங்களை வழங்குகின்றன. இந்தப் பதிவில், கார்ப்பரேட் ஃபிக்ஸட் டெபாசிட்கள் மற்றும் அவை வழக்கமான வாடிக்கையாளர்கள் மற்றும் மூத்த குடிமக்களுக்கு வழங்கும் வட்டி விகிதங்களைப் பார்ப்போம்.

ஸ்ரீராம் ஃபைனான்ஸ் FD வட்டி விகிதங்கள்: ஸ்ரீராம் ஃபைனான்ஸ் 1 வருடம், 3 ஆண்டுகள் மற்றும் 5 ஆண்டுகள் போன்ற தவணைக்காலங்களில் FD-களை வழங்குகிறது. 5 வருட காலத்திற்கு, பொது வாடிக்கையாளர்களுக்கு 8.47 சதவீத வட்டி விகிதம் வழங்கப்படுகிறது. மூத்த குடிமக்களுக்கு, 8.97 சதவீத வட்டி விகிதம் வழங்குகிறது.

அதே போல, 3 வருட காலத்திற்கு, பொது வாடிக்கையாளர்களுக்கு 8.38 சதவீத வட்டி விகிதம் வழங்கப்படுகிறது. மூத்த குடிமக்களுக்கு, 8.88 சதவீத வட்டி விகிதம் வழங்குகிறது. 1 வருட காலத்திற்கு, பொது வாடிக்கையாளர்களுக்கு 7.09 சதவீத வட்டி விகிதம் வழங்கப்படுகிறது. மூத்த குடிமக்களுக்கு, 7.59 சதவீத வட்டி விகிதம் வழங்குகிறது.

முத்தூட் கேபிடல் FD வட்டி விகிதங்கள்: முத்தூட் கேபிடல், பொது மக்களுக்கு ஆண்டுக்கு 7.21 சதவீதம் முதல் 8.38 சதவீதம் வரையிலும், மூத்த குடிமக்களுக்கு 7.71 சதவீதம் முதல் 8.88 சதவீதம் வரையிலும் வட்டி விகிதங்களை வழங்குகிறது. இந்த வட்டி விகிதம் 1 முதல் 5 ஆண்டுகள் வரையிலான FD-களுக்கு பொருந்தும்.

பஜாஜ் ஃபைனான்ஸ் FD வட்டி விகிதங்கள்: பஜாஜ் ஃபைனான்ஸ், பொது மக்களுக்கு ஆண்டுக்கு 7.40 சதவீதம் முதல் 8.60 சதவீதம் வரையிலும், மூத்த குடிமக்களுக்கு ஆண்டுக்கு 7.65 சதவீதம் முதல் 8.85 சதவீதம் வரையிலும் FD வட்டி விகிதங்களை வழங்குகிறது. இந்த விகிதங்கள் 1 முதல் 5 ஆண்டுகள் வரையிலான திட்டங்களுக்கு பொருந்தும். NRI டெபாசிடர்கள், பஜாஜ் ஃபின்சர்வ் FD-கள் என்று அழைக்கப்படும் பஜாஜ் ஃபைனான்ஸ் FD-களை 7.35 சதவீதம் முதல் 8.05 சதவீதம் வரையிலான வட்டி விகிதத்தில் பெறலாம். இது 1 முதல் 3 ஆண்டுகள் வரையிலான FD-களுக்கு பொருந்தும்.

மஹிந்திரா ஃபைனான்ஸ் FD வட்டி விகிதங்கள்: மஹிந்திரா ஃபைனான்ஸ் பொது மக்களுக்கு ஆண்டுக்கு 7.4 சதவீதம் முதல் 8.1 சதவீதம் வரையிலும், மூத்த குடிமக்களுக்கு ஆண்டுக்கு 7.65 சதவீதம் முதல் 8.35 சதவீதம் வரையிலும் வட்டி விகிதங்களை வழங்குகிறது. இது 1 முதல் 5 ஆண்டுகள் வரையிலான திட்டங்களுக்கு பொருந்தும்.

சுந்தரம் ஹோம் ஃபைனான்ஸ் FD வட்டி விகிதங்கள்: சுந்தரம் ஹோம் ஃபைனான்ஸ் பொது மக்களுக்கு 7.45 சதவீதம் முதல் 7.90 சதவீதம் வரையிலும், மூத்த குடிமக்களுக்கு 7.95 சதவீதம் முதல் 8.25 சதவீதம் வரையிலும் வட்டி விகிதங்களை வழங்குகிறது. இது 1 முதல் 5 ஆண்டுகள் வரையிலான திட்டங்களுக்கு பொருந்தும்.