எஸ்பிஐ நிறுவனத்தின் டாப் 5 மியூச்சுவல் ஃபண்டுகள் – நீங்க இதுல முதலீடு செஞ்சிருக்கீங்களா?

இந்தியாவின் முன்னணி வங்கி சேவை நிறுவனமாக இருக்கும் எஸ்பிஐ, மியூச்சுவல் ஃபண்டு முதலீடுகளிலும் முன்னணி நிறுவனமாக மாறி இருக்கிறது. எஸ்பிஐ வாடிக்கையாளர்கள் எளிமையாக யோனோ செயலி வாயிலாகவே மியூச்சுவல் ஃபண்டுகளில் முதலீடு செய்து கொள்ள முடியும்.

எஸ்பிஐ நிறுவனத்தை பொறுத்தவரை 60 மியூச்சுவல் ஃபண்டுகள் மூலம் 9,90,090 கோடி மதிப்பிலான பணத்தை மேலாண்மை செய்து வருகிறது. 37 ஆண்டுகள் பழமையான இந்த நிறுவனத்தின் டாப் 5 மியூச்சுவல் ஃபண்டுகள் மற்றும் எஸ்ஐபி மூலம் அவற்றில் கிடைத்த லாபம் குறித்து பார்க்கலாம்..

SBI PSU Mutual Fund: கடந்த 5 ஆண்டுகளில் இந்த மியூச்சுவல் ஃபண்டு 41.77 சதவீதம் என்ற அளவில் லாபம் தந்துள்ளது. இதில் மொத்தமாக ரூ. 4,603 கோடி பணம் மேலாண்மை செய்யப்படுகிறது. இந்த ஃபண்டின் NAV ரூ.36.59 ஆகும். 11 ஆண்டுகள் பழமையான இந்த ஃபண்டின் எக்ஸ்பென்ஸ் ரேஷியோ 0.78 சதவீதம் ஆகும். இது 90.98சதவீத தொகையை ஈக்விட்டியில் குறிப்பாக லார்ஜ் கேப் பங்குகளில் முதலீடு செய்கிறது. இதில் மாதந்தோறும் 20,000 ரூபாயை எஸ்ஐபி முறையில் முதலீடு செய்திருந்தால் அதன் மதிப்பு 5 ஆண்டுகளில் 32.90 லட்சமாக அதிகரித்திருக்கும்.

SBI Infrastructure Fund: கடந்த 5 ஆண்டுகளில் இந்த மியூச்சுவல் ஃபண்டு 36.93 சதவீதம் என்ற அளவில் லாபம் தந்துள்ளது. இதில் மொத்தமாக ரூ. 4,524 கோடி பணம் மேலாண்மை செய்யப்படுகிறது. இந்த ஃபண்டின் NAV ரூ. 56.51 ஆகும். இந்த ஃபண்டின் எக்ஸ்பென்ஸ் ரேஷியோ 1.17 சதவீதம் ஆகும். இது 90.83 சதவீத தொகையை ஈக்விட்டியில் முதலீடு செய்கிறது. இதில் மாதந்தோறும் 20,000 ரூபாயை எஸ்ஐபி முறையில் முதலீடு செய்திருந்தால் அதன் மதிப்பு 5 ஆண்டுகளில் 29.44 லட்சமாக அதிகரித்திருக்கும்.

SBI Long Term Equity Fund Direct Plan-Growth: இந்த ஃபண்டு கடந்த 5 ஆண்டுகளில் 33.56 சதவீதம் என்ற அளவில் லாபம் தந்துள்ளது. இதில் மொத்தமாக ரூ. 27,527 கோடி பணம் மேலாண்மை செய்யப்படுகிறது. இந்த ஃபண்டின் NAV ரூ. 471.28 ஆகும். இது 92.63 சதவீத தொகையை ஈக்விட்டியில் முதலீடு செய்கிறது. இதில் மாதந்தோறும் 20,000 ரூபாயை எஸ்ஐபி முறையில் முதலீடு செய்திருந்தால் அதன் மதிப்பு 5 ஆண்டுகளில் 27.23 லட்சமாக அதிகரித்திருக்கும்.

SBI Small Cap Fund: இந்த ஃபண்டு கடந்த 5 ஆண்டுகளில் 32.28 சதவீதம் என்ற அளவில் லாபம் தந்துள்ளது. இதில் மொத்தமாக ரூ. 32,761 கோடி பணம் மேலாண்மை செய்யப்படுகிறது. இந்த ஃபண்டின் NAV ரூ. 202.84 ஆகும். இது 93.31 சதவீத தொகையை ஈக்விட்டியில் முதலீடு செய்கிறது. இதில் பெரும்பாலானது ஸ்மால் கேப் நிறுவனங்கள் ஆகும். இதில் மாதந்தோறும் 20,000 ரூபாயை எஸ்ஐபி முறையில் முதலீடு செய்திருந்தால் அதன் மதிப்பு 5 ஆண்டுகளில் 26.42 லட்சமாக அதிகரித்திருக்கும்.

SBI Magnum Mid Cap Direct Plan-Growth: இந்த ஃபண்டு கடந்த 5 ஆண்டுகளில் 32.13 சதவீதம் என்ற அளவில் லாபம் தந்துள்ளது. இதில் மொத்தமாக ரூ. 21,127 கோடி பணம் மேலாண்மை செய்யப்படுகிறது. இந்த ஃபண்டின் NAV ரூ. 262.45ஆகும். இதில் மாதந்தோறும் 20,000 ரூபாயை எஸ்ஐபி முறையில் முதலீடு செய்திருந்தால் அதன் மதிப்பு 5 ஆண்டுகளில் 26.33 லட்சமாக அதிகரித்திருக்கும்.

Story written by: Devika