இந்த 5 பங்குகளில் ரூ.10,000 முதலீடு செஞ்சிருந்தா நீங்க இப்போ லட்சாதிபதி !!

இந்திய பங்குச் சந்தைகள் கடந்த ஓராண்டு காலத்தில் மிகச்சிறந்த வளர்ச்சியை அடைந்துள்ளன. குறிப்பாக முக்கியமான குறியீடுகள் அனைத்தும் சராசரியாக 40% வரை உயர்வு கண்டுள்ளன. பெஞ்ச்மார்க் குறியீடுகளான சென்செக்ஸ் 25% வளர்ச்சி அடைந்துள்ளது ,நிஃப்டி 28% வளர்ச்சி அடைந்துள்ளது.

இந்த ஓராண்டு காலத்தில் பல்வேறு பென்னி ஸ்டாக்குகளும் முதலீட்டாளர்களுக்கு பல்லாயிரம் மடங்கு லாபத்தை பெற்று தந்துள்ளன. அப்படி முதலீட்டாளர்களை லட்சாதிபதியாக்கிய பங்குகள் குறித்து இந்த கட்டுரையில் நாம் விரிவாக பார்க்கலாம்.

ஸ்ரீ அதிகாரி பிரதர்ஸ் டெலிவிஷன் நெட்வொர்க் லிமிடெட் (Sri Adhikari Brothers Television Network Ltd) நிறுவனத்தின் பங்கு மதிப்பானது ஓராண்டு காலத்தில் 170 மடங்கு அதாவது 16,545 % உயர்ந்துள்ளது. 2023 ஆம் ஆண்டு ஜூன் 27ஆம் தேதி இந்த நிறுவனத்தின் ஒரு பங்கு மதிப்பு ரூ.1.40, ஆனால் தற்போது ரூ.237.68 என உயர்ந்துள்ளது.

ஓரு ஆண்டுக்கு முன்பு இந்த நிறுவனத்தில் 10,000 ரூபாய் முதலீடு செய்து இருந்தால் அதன் தற்போதைய மதிப்பு 17 லட்சமாக உயர்ந்திருக்கும். கடந்த ஆறு மாத காலத்தில் கூட இந்த நிறுவனத்தின் பங்கு மதிப்பு 9,000 % உயர்ந்துள்ளது.

சீனிக் எக்ஸ்போர்ட் இந்தியா லிமிடெட் (Ceenik Exports India Ltd (NDA) ) நிறுவனத்தின் பங்கு மதிப்பு கடந்த ஓராண்டு காலத்தில் 5654 % உயர்ந்துள்ளது. அதாவது ஓராண்டுக்கு முன்னர் இந்த நிறுவனத்தில் 10,000 ரூபாய் முதலீடு செய்திருந்தால் அதன் தற்போதைய மதிப்பு 5.51 லட்சமாக உயர்ந்திருக்கும். இந்த நிறுவனத்தின் பங்கு கடந்த ஆறு மாத காலத்தில் மட்டும் 577% லாபத்தை பெற்று தந்துள்ளது.

வைசிராய் ஹோட்டல்ஸ் லிமிடெட் (Viceroy Hotels Ltd) நிறுவனத்தின் பங்கு ஓராண்டு காலத்தில் 4,280 % உயர்ந்துள்ளது. அதேபோல ஆறு மாத காலத்தில் இது 164 % உயர்வினை கண்டுள்ளது. ஓராண்டுக்கு முன்னர் இந்த நிறுவனத்தில் 10,000 ரூபாய் முதலீடு செய்திருந்தால், அதன் தற்போதைய மதிப்பு 4.56 லட்சம் ரூபாய் ஆகும்.

இண்டெக்ரா ஸ்விட்ச்கியர் (Integra Switchgear Ltd) நிறுவனத்தின் பங்கு கடந்த ஓராண்டு காலத்தில் 3110 % லாபத்தை பெற்று தந்துள்ளது. அதாவது கடந்த ஆண்டு ஜூன் மாதம் இந்த நிறுவனத்தில் 10,000 ரூபாய் முதலீடு செய்து இருந்தால் அதன் தற்போதைய மதிப்பு 3.37 லட்சமாக உயர்ந்திருக்கும் .கடந்த ஆறு மாத காலத்திலும் இந்த நிறுவனத்தின் பங்கு 59 % உயர்வு கண்டுள்ளது.

ரதி ஸ்டீல் அண்ட் பவர் லிமிடெட்(Rathi Steel And Power Ltd ) நிறுவனத்தின் பங்கு கடந்த ஓராண்டு காலத்தில் 1392% லாபத்தை பெற்று தந்துள்ளது. அதாவது இந்த நிறுவனத்தில் கடந்த ஆண்டு 10,000 ரூபாய் முதலீடு செய்திருந்தால் அதன் தற்போதைய மதிப்பு 1.20 லட்சம் ரூபாயாக இருந்திருக்கும். இந்த நிறுவனத்தின் பங்கு மதிப்பு கடந்த ஆறு மாதங்களில் மட்டும் 67% லாபத்தை பெற்று தந்துள்ளது.

Story Written by: Devika