FD-களுக்கு சிறு நிதி நிறுவனங்களில் அதிக ரிட்டர்ன்ஸ்! 9 சதவீத வட்டியில் பெஸ்ட் திட்டங்கள்!

நமது நாட்டில் மிகவும் பிரபலமான முதலீட்டுத் திட்டங்களில் ஒன்றாக இருப்பது பிக்சட் டெபாசிட்கள் என்று சொல்லப்படுகிற FD-கள் தான். அதன் உறுதியான வருமானம், பல்வேறு நபர்களுக்கும் ஏற்ற கால அவகாசங்கள் ஆகியவற்றின் காரணமாக நம் நாட்டில் FD திட்டங்கள் பிரபலமாக உள்ளது. ஆனால் சமீபத்திய அறிக்கையில் வங்கிகளில் டெபாசிட் வரத்து குறைந்து கடன் அதிகரிப்பதாக செய்திகள் வெளியானது. இதனை அடுத்து டெபாசிட்களை ஈர்க்கும் பொருட்டு பல வங்கிகளும் போட்டி போட்டுக்கொண்டு போட்டி விகிதத்தில் FD திட்டங்களை வழங்குகின்றன. இதில் எந்த வங்கியைத் தேர்ந்தெடுத்து முதலீடு செய்வது என்று குழம்பிக் கொண்டிருக்கும் நபர்களுக்காகத்தான் இந்தப் பதிவு. இதில் 9 ஸ்மால் பைனான்ஸ் பேங்குகளில் FD திட்டங்களுக்கு வழங்கப்படும் வட்டி விகிதங்கள் குறித்து பார்ப்போம்.

ரிசர்வ் வங்கி இந்த மாதம் 9-ஆவது முறையாக ரெப்போ விகிதத்தை 6.5 சதவீதமாக வைத்துள்ளது. இதனால் பல வங்கிகளுக்கும் தங்கள் FD வட்டி விகிதங்களை உயர்த்த வேண்டிய கட்டாயம் ஏற்பட்டுள்ளது. ரிசர்வ் வங்கியின் நிலைப்பாட்டின் காரணமாக, பல அரசு வங்கிகள், வணிக வங்கிகள் மற்றும் சிறு நிதி நிறுவனங்கள் பிக்சட் டெபாசிட்களுக்கு சாதகமான வட்டி விகிதங்களை வழங்குகின்றன. நாட்டில் உள்ள பல ஸ்மால் பைனான்ஸ் பேங்குகள் அரசாங்க வங்கிகளை விட தங்கள் முதலீட்டாளர்களுக்கு அதிக வட்டி விகிதங்களை வழங்குகின்றன.

AU ஸ்மால் பைனான்ஸ் பேங்க்: 18 மாத காலம் கொண்ட FD-களுக்கு, 8 சதவீத வட்டி வழங்கப்படுகிறது.

எக்விடாஸ் ஸ்மால் பைனான்ஸ் பேங்க்: 444 நாட்கள் கொண்ட FD-களுக்கு 8.5 சதவீத வட்டி வழங்கப்படுகிறது.

EASF ஸ்மால் பைனான்ஸ் பேங்க்: 2 ஆண்டுகள் முதல் 3 ஆண்டுகள் வரையிலான FD-களுக்கு, 8.25 சதவீத வட்டி வழங்கப்படுகிறது.

ஜனா ஸ்மால் பைனான்ஸ் பேங்க்: 365 நாட்கள் முதல் 1095 நாட்கள் வரையிலான FD-களுக்கு, 8.25 சதவீத வட்டி வழங்கப்படுகிறது.

நார்த் ஈஸ்ட் ஸ்மால் பைனான்ஸ் பேங்க்: 546 நாட்கள் முதல் 1111 நாட்கள் ரையிலான FD-களுக்கு, 9 சதவீதம்

சூர்யோதாய் ஸ்மால் பைனான்ஸ் பேங்க்: 2 ஆண்டுகள் கொண்ட FD-களுக்கு, 8.65 சதவீத வட்டி வழங்கப்படுகிறது.

உஜ்ஜீவன் ஸ்மால் பைனான்ஸ் பேங்க்: 12 மாதங்கள் கொண்ட FD-களுக்கு, 8.25 சதவீத வட்டி வழங்குகிறது.

யூனிட்டி ஸ்மால் ஃபைனான்ஸ் பேங்க்: 1001 நாட்கள் கொண்ட FD-களுக்கு, 9 சதவீத வட்டி வழங்கப்படுகிறது.

உத்கர்ஷ் ஸ்மால் ஃபைனான்ஸ் பேங்க்: 2 ஆண்டுகள் முதல் 3 ஆண்டுகள் வரையிலான FD-களுக்கு 8.25 சதவீத வட்டி வழங்கப்படுகிறது.

கடந்த ஆண்டு ஃபின்கேர் ஸ்மால் ஃபைனான்ஸ் பேங்க் FD-களுக்கு அதிக வட்டி விகிதங்களை வழங்கியது. 7 நாட்கள் முதல் 10 ஆண்டுகள் வரையிலான 2 கோடி ரூபாய்க்கும் குறைவான FD-களுக்கு 3 சதவீதம் முதல் 8.51 சதவீதம் வரை வட்டி வழங்கியுள்ளனர்.

அதுமட்டுமின்றி, 7 முதல் 14 நாட்களுக்குள் முதிர்ச்சியடையும் FD-களுக்கு 3 சதவீதமும், 15 முதல் 30 நாட்களுக்குள் முதிர்ச்சியடையும் FD-களில் 4.50 சதவீதமும், 31 முதல் 45 நாட்களுக்குள் முதிர்ச்சியடையும் FD-களுக்கு 3.50 சதவீதமும் வழங்குகிறது.