அட இவ்வளவு அதிகமான வட்டியா.. FD திட்டங்களுக்கு வருமானத்தை அள்ளி வழங்கும் முன்னணி வங்கிகள்!

சென்னை: லோக்சபா தேர்தல் முடிவுகள் வெளியானதில் இருந்தே பங்குச்சந்தையில் ஏற்ற இறக்கங்கள் நிலவி வருகிறது. இந்த நிலையில், ஆபத்தை விரும்பாத முதலீட்டாளர்கள் தங்கள் பணத்தைப் பாதுகாப்பான வழிகளில் முதலீடு செய்ய ஆசைப்படுகின்றனர். குறுகிய கால அவசர தேவைகளுக்கான நிதியை உருவாக்க, இந்த குறுகிய கால FD திட்டங்கள் சிறந்த தேர்வாக இருக்கும். இந்த FD திட்டங்கள் சிறந்த வட்டி வருமானத்தையும் வழங்குகின்றன. அந்த வகையில் 15 மாதங்கள் வரையிலான ஃபிக்ஸட் டெபாசிட்டுகளுக்கு அதிக வட்டி விகிதங்களை வழங்கும் 10 வங்கிகளின் விவரங்கள் கீழே கொடுக்கப்பட்டுள்ளது.

அவ்வப்போது சில வங்கிகள் ஸ்பெஷல் FD-களையும் அறிமுகம் செய்கின்றன. இது குறுகிய காலத்திற்கு மட்டுமே கிடைக்கும் ஒரு திட்டம் ஆகும். IDBI பேங்க், இந்தியன் பேங்க் மற்றும் பஞ்சாப் & சிந்த் பேங்க் ஆகிய மூன்று முன்னணி பேங்குகளின் சிறப்பு FD திட்டங்களில் முதலீடு செய்ய வாடிக்கையாளர்களுக்கு, இன்னும் சில நாட்களே உள்ளன. இந்த சிறப்பு FD திட்டங்கள் 8 சதவீதம் வரையிலான வட்டி விகிதத்தை வழங்குகின்றன. இந்த சிறப்பு FD திட்டங்களில் முதலீடு செய்ய ஜூன் 30 வரை வாடிக்கையாளர்களுக்கு கால அவகாசம் உள்ளது. சரி தற்போது FD திட்டங்களுக்கு அதிக வட்டி வழங்கும் முன்னணி வங்கிகள் குறித்து பார்ப்போம்.

கனரா பேங்க்: கனரா பேங்க் 444 நாள் முதிர்பு காலத்துடன் கூடிய FDகளுக்கு 7.25 சதவீத வட்டி விகிதத்தை வழங்குகிறது. பொதுத்துறை வங்கிகளில், இந்த வங்கியும் சிறந்த வட்டி விகிதங்களை வழங்குகிறது.

பஞ்சாப் நேஷனல் பேங்க் மற்றும் இந்தியன் பேங்க்: இந்த இரண்டு வங்கிகளும் 400 நாள் FD திட்டங்களுக்கு 7.25 சதவீத வட்டி விகிதங்களை வழங்குகின்றன.

யூனியன் பேங்க் ஆஃப் இந்தியா: 399 நாட்கள் கால அவகாசத்துடன் கூடிய FDகளுக்கு 7.25 சதவீத வட்டி விகிதத்தை வழங்குகிறது.

ICICI பேங்க்: இந்த பேங்க் 15 மாத FDகளுக்கு 7.2 சதவீத வட்டி விகிதத்தை வழங்குகிறது. தற்போது தனியார் வங்கி வழங்கும் சிறந்த வட்டி விகிதம் இதுவாகும்.

ஸ்டேட் பேங்க் ஆஃப் இந்தியா: ஸ்டேட் பேங்க் 400 நாள் முதிர்வு காலத்துடன் கூடிய FDகளுக்கு 7.1 சதவீத வட்டி விகிதத்தை வழங்குகிறது.

HDFC பேங்க்: இந்த பேங்க் 15 மாத முதிர்வு காலத்துடன் கூடிய FD திட்டங்களுக்கு 7.1 சதவீத வட்டியை வழங்குகிறது.

பேங்க் ஆப் பரோடா: 360 நாட்கள் கால அவகாசத்துடன் கூடிய FD-களுக்கு 7.1 சதவீத வட்டி விகிதத்தை வழங்குகிறது. 12 மாத கால அவகாசம் கொண்ட FDகளுக்கான வங்கியின் வட்டி விகிதம் 6.8 சதவீதம்.