பிக்சட் டெபாசிட்களுக்கு சிறந்த வட்டி கொடுக்கும் டாப் 10 நிதி நிறுவனங்கள்.. முதலீடு செய்ய செம சான்ஸ்!

சென்னை: வங்கிகள் பொதுவாகவே வாடிக்கையாளர்கள் மற்றும் மூத்த குடிமக்களுக்கான பிக்சட் டெபாசிட்களில் ஒரு குறிப்பிட்ட கால அளவுக்கு பிறகு வட்டி விகிதங்களை மாற்றி அமைக்கின்றன. அதன்படி நாட்டில் உள்ள 10 ஸ்மால் பைனான்ஸ் பேங்குகளால் வழங்கப்படும் சிறந்த பிக்சட் டெபாசிட்களுக்கான வட்டி விகிதத்தை இந்தப் பதிவில் பார்ப்போம்

ஸ்மால் ஃபைனான்ஸ் பேங்குகளில், மூத்த குடிமக்களுக்கான பிக்சட் டெபாசிட்களில் ஆண்டுக்கு 9.50 சதவீதம் வரை வட்டி விகிதங்கள் வழங்கப்படுகின்றன. வங்கிகள் பொதுவாகவே மற்ற வாடிக்கையாளர்களைக் காட்டிலும் மூத்த குடிமக்களுக்கு அதிக வட்டி மற்றும் basic points போன்ற சிறப்பு சலுகைகளை வழங்கும். அதேபோல் இது போன்ற வங்கிகள், அவ்வப்போது சிறப்பு பிக்சட் டெபாசிட் திட்டங்களையும் மூத்த குடிமக்களுக்கு என்று பிரத்யேகமாக அறிமுகம் செய்கின்றன.

அதன்படி பொது வாடிக்கையாளர்களுக்கும் மூத்த குடிமக்களுக்கும் ஸ்மால் ஃபைனான்ஸ் பேங்குகளில் FD திட்டங்களுக்குக் கொடுக்கப்படும் வட்டி விகிதங்கள் கீழே கொடுக்கப்பட்டுள்ளன.

7 நாட்கள் முதல் 10 ஆண்டுகள் வரையிலான பிக்சட் டெபாசிட்களுக்கான வட்டி விகிதங்கள்:

யூனிட்டி ஸ்மால் ஃபைனான்ஸ் பேங்க்: யூனிட்டி ஸ்மால் ஃபைனான்ஸ் பேங்க் மற்ற வாடிக்கையாளர்களுக்கு ஆண்டுக்கு 9% வரையிலும், மூத்த குடிமக்களுக்கு ஆண்டுக்கு 9.5% வரையிலும் வட்டி விகிதங்களை வழங்குகிறது.

எக்விடாஸ் ஸ்மால் ஃபைனான்ஸ் பேங்க்: எக்விடாஸ் ஸ்மால் ஃபைனான்ஸ் பேங்க் மற்ற வாடிக்கையாளர்களுக்கு ஆண்டுக்கு 8.5 % வரையிலும், மூத்த குடிமக்களுக்கு ஆண்டுக்கு 9 % வரையிலும் வட்டி விகிதங்களை வழங்குகிறது.

ESAF ஸ்மால் ஃபைனான்ஸ் பேங்க் வழங்கும்: ESAF ஸ்மால் ஃபைனான்ஸ் பேங்கில், மற்ற வாடிக்கையாளர்களுக்கு ஒரு ஆண்டுக்கு 8.25 % வட்டி விகிதங்கள் வழங்கப்படுகிறது. மூத்த குடிமக்கள் எனில் 50 bps அடிப்படையில் கூடுதல் வட்டி பெற முடியும்.

SBM பேங்க்: SBM பேங்க் மூத்த குடிமக்களுக்கு ஆண்டுக்கு 8.75 % வரையிலும் வட்டி விகிதங்களை வழங்குகிறது. அதே போல் மற்ற வாடிக்கையாளர்களுக்கு வரி சேமிப்பு FD-களில் ஆண்டுக்கு 7.75% வட்டி விகிதத்தையும், மூத்த குடிமக்களுக்கு 5 ஆண்டுக்கான FD திட்டத்தில், ஆண்டுக்கு 8.25 % வட்டி விகிதத்தையும் வழங்குகிறது.

சூர்யோதாய் ஸ்மால் ஃபைனான்ஸ் பேங்க்: இந்த பேங்க், மூத்த குடிமக்களுக்கு ஆண்டுக்கு 9.15 % வரையிலும் வட்டி விகிதங்களை வழங்குகிறது. பிற வாடிக்கையாளர்களுக்கு FD-களில் ஆண்டுக்கு 8.65 % வட்டி விகிதத்தை வழங்குகிறது.

ஜனா ஸ்மால் ஃபைனான்ஸ் பேங்க்: இந்த பேங்கில், பொது வாடிக்கையாளர்களுக்கு ஆண்டுக்கு 8.5 % வரையிலும், மூத்த குடிமக்களுக்கு ஆண்டுக்கு 9 % வரையிலும் FD திட்டத்திற்கு வட்டி வழங்கப்படுகிறது.

உஜ்ஜீவன் ஸ்மால் ஃபைனான்ஸ் பேங்க்: இங்கு மற்ற வாடிக்கையாளர்களுக்கான FD திட்டங்களில் ஆண்டுக்கு 8.5 % வரையிலும், மூத்த குடிமக்களுக்கு ஆண்டுக்கு 9 % வரையிலும் வட்டி விகிதங்கள் வழங்கப்படுகின்றன.

RBL ஸ்மால் ஃபைனான்ஸ் பேங்க்: RBL பேங்க் மற்ற வாடிக்கையாளர்கள் எனில், FD திட்டங்களுக்கு ஆண்டுக்கு 8 % வரை வட்டி வழங்குகிறது. மூத்த குடிமக்களுக்கு 50 bps கூடுதலாக வழங்கப்படுகிறது.

சிவாலிக் ஸ்மால் ஃபைனான்ஸ் பேங்க்: இந்த பேங்க், பொது வாடிக்கையாளர்களுக்கு ஆண்டுக்கு 8.55 % வரையிலும், மூத்த குடிமக்களுக்கு ஆண்டுக்கு 9.05 % வரையிலும் வட்டி விகிதங்களை வழங்குகிறது.

உத்கர்ஷ் ஸ்மால் ஃபைனான்ஸ் பேங்க்: இங்கு பொது வாடிக்கையாளர்களுக்கு ஆண்டுக்கு 8.5 % வரையிலும், மூத்த குடிமக்களுக்கு ஆண்டுக்கு 9 % வரையிலும் FD திட்டத்திற்கான வட்டி விகிதங்கள் வழங்கப்படுகிறது.