பந்தாவா கார் வாங்கும் முன் இதை தெரிஞ்சிகோங்க.. இல்லைன்னா ஏன்னடா வாங்குனோம்ன்னு பீல் பண்ணுவீங்க..!

இப்போது கார் வாங்குவது எல்லாருக்கும் சர்வசாதாரணமான விஷயமாகிப் போய்விட்டது. காரணம் மிக எளிதாக கார் லோன்களை வங்கிகளும் பிற நிதி நிறுவனங்களும் தருகின்றன. வட்டி விகிதமும் குறைவாகவே உள்ளன. அதிக முன்பணம் செலுத்த வேண்டிய அவசியமும் இல்லை.

முழுப்பணத்தையும் செலுத்தி கார்களை வாங்குவதைக் காட்டிலும் கடன் வாங்கி அதை தவணையில் எளிதாகத் திரும்பச் செலுத்திவிடலாம். திரும்பச் செலுத்தும் காலம் ஒன்று முதல் ஏழு ஆண்டுகள் வரை தேர்வு செய்யலாம்.

கார் லோன்களுக்கு வட்டி தவிர வேறு சில செலவுளும் உண்டு. எனவே கார் வாங்கும் முன்பாக அது பற்றியும் நன்றாக யோசித்துக் கொள்ள வேண்டும்.

கார் வாங்குமுன் அறிய வேண்டிய செலவுகள்: கார் கடனுக்கான வட்டி விகிதம் முக்கியமான அம்சமாகும். பல்வேறு நிறுவனங்கள் பலவிதமான வட்டி விகிதங்களை நிர்ணயித்துள்ளன. எனவே அனைத்து விகிதங்களையும் ஒப்பிட்டு அதில் எது குறைவானதோ அதையே தேர்வு செய்வது புத்திசாலித்தனமாகும்.

காலம் மற்றும் முன்பணம்: கடனைத் திரும்பச் செலுத்தும் காலத்தைப் பொறுத்து வட்டி விகிதங்கள் மாறக்கூடும். நீண்டகாலக் கடன் மாதாந்திர தவணைத் தொகையை குறைக்கலாம் என்றாலும், அவை அதிக வட்டி செலுத்துதலுக்கு வழிவகுக்கும். கணிசமான முன்பணம் செலுத்துவது கடன் தொகையை குறைக்கிறது. அதன் விளைவாக, கடன் காலத்தின் மீது செலுத்தப்படும் வட்டி. கடனின் சுமையைக் குறைக்க கணிசமான முன்பணத்தை சேமிப்பது நல்லது.

கட்டணம் மற்றும் அபராதம்: கடன் தரும் நிறுவனங்கள் கடனுக்காக பிராசஸிங் கட்டணத்தை நிர்ணயிக்கும். கடன் தொகையில் இந்தக் கட்டணம் எவ்வளவு என்பதை கடன் வாங்குபவர் நன்றாக விசாரித்துக் கொள்ள வேண்டும்.

சில நிறுவனங்கள் கடனை முன்கூட்டி செலுத்தினால் அபராதம் விதிக்கக் கூடும். எனவே முன்கூட்டி பணம் செலுத்தும் வாய்ப்பிருப்பவர்கள் இதுபோன்ற தண்டத் தொகை பற்றி அறிந்து கொள்வது நல்லது.

இன்சூரன்ஸ் மற்றும் இதர கட்டணங்கள்: கார் கடன் வாங்குபவர்கள் காருக்கு இன்சூரன்ஸ் வாங்க வேண்டும். இது செலவை அதிகரிக்கும். வெவ்வேறு நிறுவனங்களின் இன்சூரன்ஸ் பாலிஸிகளை ஒப்பிட்டு குறைந்த கட்டணத்தைக் கொண்டதை வாங்க வேண்டும்.

காரின் உண்மையான விலை: கார் வாங்கும்போது அதன் அசல் விலையுடன் இதர செலவினங்களையும் கணக்கிட வேண்டும்.

கார் விலை மற்றும் ரெஜிஸ்ட்ரேஷன்: கார் எக்ஸ்-ஷோ ரூம் விலையுடன் வரிகள், இதரக் கட்டணங்கள் சேரும். இந்தியாவில் காரை பதிவு செய்வதற்கு கட்டணம் செலுத்த வேண்டும். இது காரின் விலை மற்றும இன்ஜின் திறனைப் பொறுத்து மாறும். சாலை வரி ஒரு முறை செலுத்த வேண்டும். இந்தக் கட்டணம் மாநிலத்துக்கு மாநிலம் வேறுபடும்.

இன்சூரன்ஸ் பிரீமியம்: இந்தியாவில் உள்ள அனைத்து வாகனங்களுக்கும் விரிவான காப்பீடு கட்டாயம். பிரீமியம் காரின் தயாரிப்பு, மாடல், வயது மற்றும் காப்பீட்டாளரின் விதிமுறைகள் போன்ற அம்சங்களின் அடிப்படையில் இருக்கும்.

பராமரிப்பு மற்றும் எரிபொருள் செலவு: தொடர்ச்சியான பராமரிப்பு, சர்வீஸ், ரிப்பேர் ஆகியவை காரின் விலையில் சேரும். எரிபொருள் விலை, கார் மைலேஜ் கட்டாயமாக கார் வைத்திருப்பவர்களின் பாக்கெட்டைப் பிடிக்கும்.

கடனில் கார் வைத்திருப்பது, வட்டி விகிதங்கள், கடன் காலம், முன்பணம் செலுத்துதல், பிராசஸிங் கட்டணம் போன்றவை உட்பட பல செலவுகளுடன் வருகிறது. வாகனத்தின் விலை மட்டுமல்ல, காப்பீடு, பராமரிப்பு, எரிபொருள் போன்ற தொடர்புடைய செலவுகளும் இதில் அடங்கும். இந்தச் செலவுகள் அனைத்தையும் புரிந்துகொள்வது உங்கள் கார் கடன் பயணம் சீராகவும், நிதி ரீதியாகவும் சிறப்பாக இருப்பதை உறுதி செய்யும்.

ஒரு கார் வைத்திருப்பதற்கான மொத்த மாதாந்திர செலவுகளைப் புரிந்து கொள்ள, ஒரு உதாரணத்தை எடுத்துக் கொள்வோம். 5 ஆண்டுகளுக்கு 80% எல்டிவியை உள்ளடக்கிய 9% கார் கடனுடன் ரூ.10 லட்சம் பெட்ரோல் காரை வாங்கினோம் என வைத்துக் கொள்வோம்.
உங்கள் வாழ்க்கை முறை மற்றும் உங்கள் காரின் பயன்பாடு, வகை மற்றும் நிலை, பொருந்தக்கூடிய எரிபொருள் விலைகள், பார்க்கிங் மற்றும் பராமரிப்பு செலவுகள் போன்றவற்றின் அடிப்படையில் புள்ளிவிவரங்கள் பெரிதும் வேறுபடலாம் என்பதை நினைவில் கொள்ள வேண்டும்.

கார் கடனைத் தேர்ந்தெடுப்பதற்கு முன், விலையை மதிப்பிடுவது முக்கியம். ஒரு கார் கடன் காலப்போக்கில் பணம் செலுத்துவதற்கான வசதியை வழங்குகிறது.

கடன் வாங்குபவர்கள் வட்டி, கட்டணம், காப்பீடு, பராமரிப்பு செலவுகள் உட்பட அனைத்து செலவுகளையும் கருத்தில் கொள்ள வேண்டும். நீங்கள் டிரைவரை பணியமர்த்த விரும்பினால், தேய்மானச் செலவு மற்றும் ஓட்டுநரின் சம்பளம் போன்ற பிற செலவுகளும் உள்ளன.

கடன் சலுகைகளை ஒப்பிடுவது, விதிமுறைகளை பேச்சுவார்த்தை நடத்துவது மற்றும் புத்திசாலித்தனமாக பட்ஜெட் செய்வது ஆகியவை நல்ல முடிவை எடுக்க உங்களுக்கு உதவும்.

Story written by: I.Jayachandran