TTK Prestige தலைவரான டி.டி. ஜெகநாதன் காலமானார்.. திவால் டூ 8700 கோடி சாம்ராஜ்ஜியம்..!

பிரபல சமையலறை உபகரணங்கள் தயாரிப்பு நிறுவனமான TTK பிரஸ்டிஜ் லிமிடெட்டின் எமரிட்டஸ் தலைவரான டி.டி. ஜெகநாதன் வியாழக்கிழமை காலமானார். 'சமையல் உலகின் அதிபர்' என்று அறியப்பட்ட இவர், TTK பிரஸ்டிஜ் குழுமத்தின் வளர்ச்சிக்கு 50 ஆண்டுகளாக முக்கிய பங்காற்றினார். குறிப்பாக, நிறுவனத்தை கடனில்லா நிறுவனமாக மாற்றியதில் இவருக்கு மிகப்பெரிய பங்கு உண்டு.

சென்னை இந்தியன் இன்ஸ்டிடியூட் ஆஃப் டெக்னாலஜி (ஐஐடி) கல்வி நிறுவனத்தில் தங்கப் பதக்கம் வென்ற ஜெகநாதன், அமெரிக்காவின் கார்னெல் பல்கலைக்கழகத்தில் செயல்பாட்டு ஆராய்ச்சி (operations research) துறையில் முனைவர் பட்டம் பெற்றவர். 'Disrupt and Conquer - How TTK Prestige became a Billion Dollar Company' என்ற புத்தகத்தையும் இவர் எழுதியுள்ளார்.

இந்த புத்தகம், TTK பிரஸ்டிஜ் நிறுவனம் திவால் நிலையிலிருந்து மீண்டு, பல மைல்கற்களை கடந்து, பில்லியன் டாலர் மதிப்புள்ள வெற்றிகரமான பிராண்டாக மாறிய பயணத்தை விவரிக்கிறது. "சமைக்கத் தெரியாதவர்கள், சமையல் தொழில் செய்ய முடியாது" என்று ஜெகநாதன் பிரபலமான ஒரு கருத்தை முன்வைத்திருந்தார். இன்று TTK பிரஸ்டிஜ் நிறுவனம் சுமார் 8710 கோடி ரூபாய் சந்தை மதிப்புடைய நிறுவனமாக உள்ளது.

இந்தியாவில் பிரஷர் குக்கர் துறையில், 'காஸ்கெட் ரிலீஸ் சிஸ்டம்' (gasket release system) மூலம் ஜெகநாதன் ஒரு புரட்சியை ஏற்படுத்தினார். இதன் மூலம், பிரஸ்டிஜ் பிராண்ட் பாதுகாப்பிற்கும் நம்பகத்தன்மைக்கும் ஒரு அடையாளமாக மாறியது. 1990களில் வெளியான விளம்பரம், இந்தியாவின் மிகவும் பிரபலமான பிராண்டாக மாற்றியது.

TTK பிரஸ்டிஜ் நிறுவனம், அதன் ஊக்குவிப்பாளரான டி.டி. வெங்கடேஷ் செப்டம்பர் 17, 2025 அன்று காலமானார் என்றும் அறிவித்திருந்தது.