இந்தியாவின் முன்னணி இரு சக்கர வாகன தயாரிப்பு நிறுவனமான டிவிஎஸ் மோட்டார்ஸ் சமீபத்தில் செய்த நிர்வாக மாற்றத்திற்குப் பின்பு அடுத்தடுத்து புதிய திட்டம், முதலீடு, வர்த்தக விரிவாக்கத்தில் இறங்கி வருகிறது.
டிவிஎஸ் மோட்டார்ஸ் இந்தியாவில் மேகமாக வளர்ச்சி அடைந்து வரும் எலக்ட்ரிக் வாகனங்கள் விற்பனையில் ஆதிக்கம் செலுத்த வேண்டும் என்பதற்காக அடுத்தடுத்த பல எலக்ட்ரிக் வாகனங்களை அறிமுகம் செய்யத் திட்டமிட்டுள்ளது.
டிவிஎஸ் மோட்டார்
டிவிஎஸ் மோட்டார் தனது வர்த்தகத்தை அடுத்தகட்டத்திற்குக் கொண்டு செல்லவும், வாகனங்களின் தரத்தை மேம்படுத்தவும், வர்த்தகச் சந்தையை விரிவாக்கம் செய்வதற்காகச் சுவிஸ் நாட்டின் முன்னணி எலக்ட்ரிக் பைக் உற்பத்தி நிறுவனமான சுவிஸ் ஈமொபிலிட்டி குரூப் (SEMG)-ன் 75 சதவீத பங்குகளை டிவிஎஸ் மோட்டார்ஸ் கைப்பற்றியுள்ளதாகத் தெரிவித்துள்ளது.
DACH பகுதி வர்த்தகம்
DACH பகுதியில் ஈ-மொபிலிட்டி சேவையில் முன்னோடியாகச் சுவிஸ் ஈமொபிலிட்டி குரூப் சுவிஸ் நாட்டில் மிகப்பெரிய எலக்ட்ரிக் பைக் ரீடைல் வர்த்தகக் கடைகளை வைத்துள்ளது. SEMG நிறுவனம் சுவிஸ் நாட்டில் 31 ரீடைல் கடைகளையும், 2 ஆன்லைன் விற்பனை தளத்தையும் வைத்துள்ளது.
100 மில்லியன் டாலர்
சுவிஸ் ஈமொபிலிட்டி குரூப் சுமார் 100 மில்லியன் டாலர் வருமானத்துடன் இயங்கி வருகிறது, இந்நிறுவனம் தற்போது Cilo, Simpel, Allegro மற்றும் Zenith ஆகிய 4 மாடல்களில் எல்க்ட்ரிக் பைக்குகளை விற்பனை செய்கிறது.
வர்த்தக விரிவாக்கம்
SEMG நிறுவனத்தில் டிவிஎஸ் மோட்டார்ஸ் 75 சதவீத பங்குகளைக் கைப்பற்றியுள்ளது மூலம் டிவிஎஸ் தனது வர்த்தகத்தை ஐரோப்பிய சந்தையில் இன்னும் வேகமாக விரிவாக்கம் செய்ய முடியும். ஏற்கனவே ஐரோப்பிய சந்தைக்காக டிவிஎஸ் நிறுவனம் நார்டன் மோட்டார்சைக்கிள் மற்றும் EGO மூமென்ட் என்ற 2 இரு நிறுவனங்களை வைத்துள்ள நிலையில் தற்போது 3வது நிறுவனத்தைக் கைப்பற்றியுள்ளது.
டிவிஎஸ் மோட்டார் பங்குகள்
டிவிஎஸ் மோட்டார் தொடர்ந்து எலக்ட்ரிக் வாகனங்கள் மற்றும் இப்பிரிவில் அதிகம் முதலீடு செய்து வருகிறது. இன்றைய வர்த்தகத்தில் டிவிஎஸ் மோட்டார் நிறுவன பங்குகள் 3.83 சதவீதம் வரையில் சரிந்து 605.55 ரூபாயாக உள்ளது.